झोपेतून उठल्यानंतर कायमच चक्कर येते? मग आरोग्यासंबंधित ‘या’ गंभीर आजाराची असू शकतात लक्षणे, चुकूनही करू नका दुर्लक्ष

अपुऱ्या झोपेमुळे किंवा रात्रीच्या थकव्यामुळे सुद्धा झोपेतून उठल्यानंतर डोकं दुखत. पण झोपेतून उठल्यानंतर वारंवार डोकेदुखीची समस्या उद्भवत असेल तर डॉक्टरांचा सल्ला घेऊन उपचार करावेत. हा त्रास कोणत्याही वयातील व्यक्तीला होऊ शकतो. म्हणूनच आज आम्ही तुम्हाला सतत येणारी कोणत्या आजाराचे संकेत असू शकते, याबद्दल सविस्तर माहिती सांगणार आहोत. डॉक्टरांच्या मते, झोपेतून उठल्यानंतर अचानक चक्कर येणे किंवा डोके दुखी वाढण्याच्या स्थितीला वैद्यकीय भाषेत ऑर्थोस्टॅटिक हायपोटेन्शन असे म्हणतात. यामध्ये काहीवेळा दृष्टी अंधुक होणे, अशक्तपणा, बेशुद्ध इत्यादी लक्षणे दिसून येतात.

या समस्यांमुळे वारंवार उद्भवू शकतो डोकेदुखीचा त्रास:

शरीरातील पाण्याची पातळी कमी झाल्यानंतर चक्कर येणे, डोकं दुखणे किंवा डोळ्यां समोर अचानक काळोख येतो. डिहायड्रेशन झाल्यानंतर शरीराचा रक्तदाब अतिशय कमी होऊन जातो. त्यामुळे भरपूर पाणी पिणे आवश्यक आहे. पाण्याची कमतरता निर्माण झाल्यानंतर शरीराचा रक्तदाब अचानक कमी होऊन जातो आणि हृदयावर तणाव येण्याची शक्यता असते.

जर तुम्ही आरोग्यासंबंधित कोणत्याही आजाराची औषध सतत खात असाल तर औषधांच्या दुष्परिणामांमुळे वारंवार थकवा, अशक्तपणा किंवा झोपेतून उठल्यानंतर चक्कर येऊ शकते. हृदयरोग किंवा रक्तदाबाच्या औषधांचा आरोग्यावर गंभीर परिणाम होतो. यामुळे काहीवेळा रक्तदाब कमी जास्त होण्याची शक्यता असते.

शरीरातील लाल रक्तपेशींची पातळी कमी झाल्यानंतर अशक्तपणा, थकवा, चक्कर जाणवू लागते. वारंवार येणाऱ्या चक्कर, अशक्तपणाकडे दुर्लक्ष न करता तातडीने डॉक्टरांचा सल्ला घेऊन उपचार करावे. याशिवाय चक्कर आल्यास साखर पाणी किंवा लिंबू पाण्याचे सेवन करावे. मेंदूला ऑक्सिजनचा पुरवठा कमी झाल्यामुळे सतत चक्कर येते.

गरबा खेळताना महिलेचा दुर्दैवी अंत! हार्ट अटॅक येण्याच्या काही मिनिट आधी शरीरात दिसून येतात ‘ही’ गंभीर लक्षणे, वेळीच व्हा सावध

तुम्ही जर कायमच अल्कोहोल आणि स्मोकिंग खूप जास्त प्रमाणात करत असाल तर तुम्हाला चक्कर येऊ शकते. याशिवाय डोळ्यांसमोर अंधार येऊन चक्कर आल्यासारखे वाटते. अल्कोहोलचे अतिसेवन केल्यामुळे ऑर्थोस्टॅटिक हायपोटेन्शनचा धोका वाढतो.

FAQs (संबंधित प्रश्न)

सकाळच्या चक्करची कारणे:

झोपेतून अचानक उठल्यावर रक्तदाब कमी झाल्यामुळे डोके हलके वाटू शकते किंवा चक्कर येऊ शकते. ही एक कान-संबंधित समस्या आहे ज्यामुळे डोके फिरल्यासारखे वाटते, विशेषतः झोपेतून उठताना किंवा अंथरुणावर वळताना.

डोकेदुखीचे सामान्य प्रकार:

सायनसमध्ये संसर्ग किंवा जळजळीमुळे ही डोकेदुखी होते. डोकेदुखी डोक्याच्या एका बाजूला तीक्ष्ण वेदना म्हणून येते, जी दररोज एकाच वेळी होऊ शकते.

डोके दुखीवर घरगुती उपाय:

शांत, अंधाऱ्या खोलीत आराम करणे.डोक्यावर किंवा मानेवर गरम किंवा थंड दाबणे.डोके आणि मानेला मालिश करणे.थोड्या प्रमाणात कॅफिनचे सेवन करणे.आयबुप्रोफेन, अ‍ॅसिटामिनोफेन, किंवा अ‍ॅस्पिरिन सारखी ओव्हर-द-काउंटर औषधे घेणे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या