मासिक पाळीत पोटात वाढलेल्या असह्य वेदनांपासून आराम मिळवण्यासाठी ‘या’ पद्धतीने करा कोरफडचे सेवन, शरीराला होतील फायदे

मासिक पाळीतील वेदनांपासून आराम मिळवण्यासाठी कोरफडचा रस प्यावा. या रसाच्या सेवनामुळे पोटात थंडावा टिकून राहतो आणि आरोग्य सुधारते. जाणून घ्या कोरफडचा रस पिण्याचे फायदे.

• मासिक पाळी आल्यानंतर शरीराची कशी काळजी घ्यावी?
• कोरफडचा रस पिण्याचे फायदे?
• वाढलेले वजन कमी करण्यासाठी सोपा उपाय?

सर्वच महिलांना महिन्यातील पाच चार किंवा पाच दिवस मासिक पाळी येते. मासिक पाळी येण्याच्या आधी आणि पाळी आल्यानंतर शरीरात अनेक बदल दिसून येतात. मासिक पाळीच्या चार ते पाच दिवसांमध्ये महिलांना खूप जास्त शारीरिक त्रास सहन करावा लागतो. पोटात वाढलेल्या वेदना, कंबर दुखी, उलट्या, मळमळ इत्यादी अनेक समस्या उद्भवू लागतात. या वेदनांपासून आराम मिळवण्यासाठी महिला मेडिकलमधील पेनकिलर गोळ्यांचे सेवन करतात. पण वारंवार पेनकिलर गोळ्या खाल्ल्यामुळे मासिक पाळीच्या चक्रात बदल होतात, याशिवाय किडनी निकामी होण्याची जास्त शक्यता असते. त्यामुळे पाळीच्या वेदनांपासून आराम मिळवण्यासाठी कोणत्याही गोळ्या औषधांचे सेवन करण्याऐवजी घरगुती आणि आयुर्वेदिक उपाय करून आराम मिळवावा. आज आम्ही तुम्हाला वेदनांपासून आराम मिळवण्यासाठी कोरफडचे सेवन कसे करावे, याबद्दल सविस्तर माहिती सांगणार आहोत.(फोटो सौजन्य – istock)

कॉस्मेटिक्स, क्रीम्स आणि डिओड्रंट्समधील केमिकल्समुळे वाढतोय त्वचा कर्करोगाचा धोका, वेळीच व्हा सावध

प्रत्येक घरात एक तरी कोरफडचे झाड असते. कोरफडचा वापर आरोग्य आणि त्वचेसंबंधित समस्यांपासून आराम मिळवण्यासाठी केला जातो. काहींना नियमित चेहऱ्यावर कोरफड जेल लावण्याची सवय असते. कोरफड जेल त्वचा उजळदार करण्यासोबतच त्वचेची गुणवत्ता सुधारण्यासाठी सुद्धा फायदेशीर ठरते. त्वचेचे सौंदर्य कायम टिकवून ठेवण्यासाठी कोरफड जेलचा वापर करावा. सर्दी खोकला किंवा कफ झाल्यानंतर लहान मुलांना कोरफडचा रस काढून पिण्यास दिला जातो. यामुळे शरीरातील घाण बाहेर पडून जाते.

तरुण मुलींना मासिक पाळीच्या दिवसांमध्ये खूप त्रास होतो. हा त्रास वाढल्यानंतर कोणत्याही पेनकिलरच्या गोळ्यांचे सेवन कारण्याऐवजी कोरफडच्या रसाचे सेवन करावे. पीसीओडी, पीसीओएस असलेल्या मुलींना मासिक पाळी आल्यानंतर खूप जास्त त्रास होतो. पाळीच्या वेदनांपासून आराम मिळवण्यासाठी कोरफडच्या रसाचे सेवन करावे. कोरफडचा रस बनवण्यासाठी सर्वप्रथम कोरफड स्वच्छ धुवून त्यातील पिवळा चिकट थर निघून जाईपर्यंत कोरफड उभी करून ठेवा. त्यानंतर कोरफडीच्या आतील गर काढून मिक्सरच्या भांड्यात टाकून बारीक वाटून घ्या. तयार केलेला रस उपाशी पोटी प्यायल्यास शरीराला भरमसाट फायदे होतील.

दातांना लागलेली कीड होईल कायमची नष्ट! रामदेव बाबांनी सांगितलेला ‘हा’ उपाय ठरेल प्रभावी, तोंडाच्या दुर्गंधीपासून मिळेल कायमची सुटका

उपाशी पोटी कोरफडच्या रसाचे सेवन केल्यास शरीरातील घाण बाहेर पडून जाईल आणि आरोग्य सुधारेल. वाढलेले वजन कमी करताना अनेक वेगवेगळ्या पेयांचे सेवन केले जाते. पण कोरफडच्या रसाचे सेवन केल्यास महिनाभरात वाढलेले वजन कमी होईल आणि तुम्ही स्लिम दिसाल. कोरफडचा रस आरोग्यासंबंधित सर्वच समस्यांपासून आराम मिळवून देण्यासाठी फायदेशीर ठरतो.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.