
महिन्यातून दोन वेळा मासिक पाळी का येते? घाबरण्याआधी जाणून घ्या यामागील कारणे, दुर्लक्ष केल्यास उद्भवू शकतात आजार
Periods: सर्वच स्त्रियांना महिन्यातून एकदा मासिक पाळी येते. मासिक पाळी येणे हे नैसर्गिक चक्र आहे. या दिवसांमध्ये कंबर दुखणे, पोटात वेदना, अस्वस्थता, मळमळ इत्यादी अनेक लक्षणे दिसू लागतात. ५ दिवसांमध्ये महिलांना शारीरिक आणि मानसिक त्रासांना सामोरे जावे लागते. त्यामुळे पाळीच्या दिवसांमध्ये महिलांना आराम करण्याचा सल्ला दिला जातो. पण बऱ्याचदा शरीरात होणाऱ्या हार्मोनल बदलांमुळे आणि जीवनशैलीत होणाऱ्या बदलांमुळे मासिक पाळीच्या समस्या वाढू लागतात. यामुळे महिन्यातून दोनदा मासिक पाळी येते.(फोटो सौजन्य – istock)
health care: दैनंदिन जीवनातील सवयी बदला,’या’ आजारांपासून राहा दूर
मासिक पाळीचे चक्र २१ ते ३५ दिवसांचे असते. या दिवसांमध्ये शरीरात होणाऱ्या बदलांकडे अजिबात दुर्लक्ष करू नका. हार्मोन्समधील बदल, थायरॉईडचे विकार, ताणतणाव किंवा गर्भाशयाशी संबंधित समस्या इत्यादी कारणांमुळे मासिक पाळीच्या चक्रात अनेक बदल होतात. अतिप्रमाणात रक्तस्त्राव झाल्यामुळे शरीरातील रक्ताची पातळी कमी होऊन जाते. त्यामुळे दोन पाळी दरम्यान होणाऱ्या रक्तस्त्रावकडे अजिबात दुर्लक्ष न करता वेळीच डॉक्टरांच्या सल्ल्याने उपचार करणे आवश्यक आहे. चला तर जाणून घेऊया महिन्यातून दोनदा मासिक पाळी का येते? याविषयी जाणून घेऊया सविस्तर माहिती.
पाळीचे चक्र २६ किंवा २७ दिवसांचे असेल तर महिन्याच्या १ तारखेला पाळी आल्यास महिना संपताना म्हणजेच २८ किंवा २९ तारखेला पुन्हा एकदा मासिक पाळी येते. त्यामुळे हे चक्र पूर्णपणे नैसर्गिक आहे. पण वारंवार २१ दिवसांपेक्षा कमी अंतराने मासिक पाळी येत असेल तर दुर्लक्ष करणे धोक्याचे ठरू शकते. कारण मासिक पाळीच्या दिवसांमध्ये होणाऱ्या अतिरक्तस्त्रावामुळे गंभीर आजार होऊ शकतात.
मासिक पाळीच्या चक्रात वारंवार बदल होण्यास हार्मोन्स आणि जीवनशैली कारणीभूत ठरते. शरीरातील संप्रेरकांची पातळी बदलणे, थायरॉईडचे विकार, विशिष्ट औषधे किंवा गर्भनिरोधक गोळ्या इत्यादींचे सेवन केल्यामुळे मासिक पाळीच्या चक्रात बदल होतो. गर्भाशयात फायब्रॉइड्स किंवा पॉलीप्स असल्यामुळे रक्तस्त्राव जास्त होण्याची शक्यता असते. कमी वयातील मुलींना मासिक पाळी येतानाचा काळ आणि महिलांमध्ये रजोनिवृत्तीचा काळ शरीरासाठी त्रासदायक ठरतो. याशिवाय प्रचंड ताण, आहारातील अचानक बदल, वजन कमी-जास्त होणे किंवा शारीरिक, मानसिक थकवा जाणवू लागल्यानंतर थेट मासिक पाळीवर परिणाम होण्याची शक्यता असते.
health news: श्वसननलिकेत अडकला शेंगदाणा ठरला जीवघेणा; जसलोकच्या डॉक्टरांनी दिले बाळाला जीवनदान
सतत २१ दिवसांपेक्षा कमी अंतराने पाळी येणे.
पाळी नेहमीच्या दिवसांपेक्षा जास्त दिवस असणे.
दोन पाळ्यांच्या दरम्यान नियमितपणे रक्तस्त्राव किंवा स्पॉटिंग होणे.
रक्तस्त्राव खूप जास्त प्रमाणात होत असल्यास दुर्लक्ष करणे धोक्याचे ठरू शकते.
Ans: काही महिलांमध्ये मासिक पाळीचे चक्र लहान असल्यामुळे महिन्यातून दोन वेळा रक्तस्राव होऊ शकतो. मात्र दोन पाळींमधील अंतर सातत्याने कमी असल्यास किंवा अनियमित रक्तस्राव होत असल्यास स्त्रीरोगतज्ज्ञांचा सल्ला घ्यावा.
Ans: हार्मोन्समधील असंतुलन, पीसीओएस (PCOS), थायरॉईडच्या समस्या, तणाव, वजनातील अचानक बदल, गर्भाशयातील फायब्रॉइड्स आणि काही औषधांचा परिणाम यामुळे वारंवार रक्तस्राव होऊ शकतो.
Ans: होय. इस्ट्रोजेन आणि प्रोजेस्टेरॉन या हार्मोन्समधील असंतुलनामुळे मासिक पाळीचे चक्र अनियमित होऊ शकते. परिणामी अपेक्षेपेक्षा लवकर किंवा वारंवार रक्तस्राव होण्याची शक्यता असते.