काखेत वाढलेला काळेपणा आणि दुर्गंधी कायमची होईल नष्ट! स्वयंपाक घरातील ‘या’ पदार्थांचा वापर करून बनवा नॅचरल रोल-ऑन

काखेत वाढलेला काळेपणा कमी करण्यासाठी कोणत्याही स्किन केअर प्रॉडक्टचा वापर करण्याऐवजी घरगुती उपाय करावेत. यामुळे घामाच्या दुर्गंधीपासून सुटका मिळेल.

उन्हाळ्यासह वर्षाच्या बाराही महिने शरीराला खूप जास्त घाम येतो. घामावाटे शरीरातील विषारी घटक बाहेर पडून जातात. शरीराला घाम येणे ही नैसर्गिक क्रिया आहे. पण बऱ्याचदा चारचौघांमध्ये गेल्यानंतर शरीराला घामाची दुर्गंधी येते. तर काहीवेळा खूप जास्त लाजिरवणाऱ्यासारखे वाटते. काखेत वाढलेला काळेपणा, घामामुळे शरीराला येणारा दुर्गंधीचा वास महिलांना खूप जास्त त्रासदायक वाटतो. काखेमध्ये वाढलेला काळेपणा कमी करण्यासाठी महिला सतत काहींना काही करत असतात. कधी बाजारात उपलब्ध असलेल्या वेगवेगळ्या स्किन केअर प्रॉडक्टचा वापर केला जातो तर कधी महागड्या क्रीम आणून लावल्या जातात. पण वारंवार चुकीच्या केमिकल युक्त प्रॉडक्टचा वापर केल्यामुळे त्वचा खूप जास्त निस्तेज होते आणि काखेतील त्वचेवर काळेपणा आणखीनच वाढतो.(फोटो सौजन्य – istock)

उन्हामुळे हातापायांवर टॅनिंग वाढले आहे? मग ‘हे’ घरगुती उपाय नक्की करून पहा, आठवडाभरात त्वचेवर येईल चमकदार ग्लो

काखेत वाढलेले दुर्गंधी आणि काळेपणा कमी करण्यासाठी काहीवेळा महिला बाजारातील महागड्या ट्रीटमेंट करून घेतात. या ट्रीटमेंट केल्यामुळे काहीकाळ त्वचा अतिशय उजळदार दिसते. पण कालांतराने त्वचा पुन्हा एकदा काळी होऊन जाते. म्हणूनच आज आम्ही तुम्हाला काखेत वाढलेला काळेपणा कमी करण्यासाठी स्वयंपाक घरातील पदार्थांचा वापर करून नॅचरल रोल-ऑन बनवण्याची सोपी कृती सांगणार आहोत. या नॅचरल रोल-ऑनच्या वापरामुळे काखेत वाढलेला काळेपणा कमी होण्यासोबतच दुर्गंधीच्या त्रासापासून कायमची सुटका मिळेल. केमिकल रसायनाच्या वापरामुळे काखेतील त्वचेची छिद्र बंद होऊन जातात. ज्याच्या परिणामामुळे काखेतील त्वचा काळी पडणे, खाज सुटणे किंवा गाठी तयार होणे इत्यादी अनेक समस्या उद्भवण्याची शक्यता असते.

नॅचरल रोल-ऑन बनवण्याची कृती:

रोल-ऑन बनवण्यासाठी सर्वप्रथम, मोठ्या वाटीमध्ये गुलाब पाणी घेऊन त्यात तुरटीचा छोटा तुकडा घालून काहीवेळ तसाच ठेवा. त्यानंतर तुरटी पूर्णपणे विरघळल्यावर ताज्या कोरफडीचा गर घालून मिक्स करा. तयार केलेल्या मिश्रणात पेपरमिंट ऑइल घालून व्यवस्थित मिक्स करा. तयार केलेले मिश्रण काहीवेळ तसेच ठेवून नंतर बाटलीमध्ये भरून ठेवा. तयार केलेला स्प्रे दिवसभरातून दोनदा नियमित काखेत मारल्यास काही दिवसांमध्येच फरक दिसून येईल. तुरटीच्या स्प्रेमुळे काखेत जमा झालेली डेड स्किन नष्ट होण्यास मदत होईल आणि त्वचा उजळदार दिसेल.

कॉफी आणि दारूचं नाही तर… हेल्दी म्हणून खात असलेले ‘हे’ पदार्थही उन्हाळ्यात वाढवतात डिहायड्रेशनची समस्या

त्वचेसंबंधित समस्या उद्भवू लागल्यानंतर कायमच केमिकल युक्त स्किन केअर प्रॉडक्टचा वापर करण्याऐवजी घरगुती उपाय करावेत. घरगुती उपाय केल्यामुळे त्वचा नैसर्गिक ग्लो येतो आणि त्वचा उजळदार दिसते. तुरटीमध्ये असलेले नैसर्गिक अँटी-बॅक्टेरियल गुणधर्म घामाच्या वासापासून सुटका मिळवून देतात. तुरटीमध्ये असलेल्या घटकांमुळे काखेत जमा झालेले विषाणू नष्ट होण्यास मदत होते. कोरफड जेल काखेतील त्वचा हायड्रेट ठेवण्यास मदत करते. पेपरमिंट ऑइलच्या वापरामुळे त्वचेमध्ये थंडावा टिकून राहील आणि काखेत वाढलेला काळेपणा कमी करण्यास मदत होईल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.