डायरियामुळे शरीरात अशक्तपणा वाढला आहे? मग ‘या’ आयुर्वेदिक पेयाचे नियमित करा सेवन, जुलाब होतील बंद

पावसाळ्यात डायरिया होणे ही अतिशय सामान्य समस्या असली तरीसुद्धा बऱ्याचदा डायरियामुळे आरोग्य आणखीनच खराब होऊन जाते. यामुळे दिवसभरात व्यक्तीला ३ वेळांपेक्षा जास्त वेळ टॉयलेट जावे लागते. यामुळे शरीरातील पाणी पूर्णपणे कमी होते आणि बॉडी डिहायड्रेट होण्यास सुरुवात होते. शरीरात थकवा आणि अशक्तपणा वाढू लागतो. पोटात वेदना, मुरडा येणे, सतत टॉयलेटला जायला लागणे इत्यादी लक्षणे दिसून येतात. म्हणूनच आज आम्ही तुम्हाला डायरियापासून सुटका मिळवण्यासाठी कोणत्या आयुर्वेदिक काढ्याचे सेवन करावे, याबद्दल सविस्तर माहिती सांगणार आहोत. चला तर जाणून घेऊया.

डायरिया झाल्यानंतर अनेक लोक मेडिकलमधील खाकी गोळीचे किंवा इतर गोळ्या औषधांचे सेवन करतात. मात्र या गोळ्या औषधांचे सेवन करण्याऐवजी तुम्ही आयुर्वेदिक काढ्याचे सेवन करू शकता. या काढ्याच्या सेवनामुळे जुलाब थांबून शरीरातील थकवा आणि अशक्तपणा कमी होईल. आयुर्वेदिक काढा बनवण्यासाठी धणे, जिरं, सुंठ आणि खडीसाखर लागेल.

नसांमध्ये साचून राहिलेले घाणेरडे कोलेस्ट्रॉल बाहेर काढून टाकण्यासाठी नियमित प्या ‘हे’ पेय, हार्ट अटॅकचा धोका होईल कमी

काढा बनवण्याची कृती:

आयुर्वेदिक काढा बनवण्यासाठी सर्वप्रथम, टोपात एक ग्लास पाणी घेऊन ते गरम करून घ्या त्यानंतर त्यात धणे, जिरे, खडीसाखर आणि सुंठ टाकून १० मिनिटं व्यवस्थित उकळवून घ्या. तयार केलेले पाणी गाळून घ्या आणि सेवन करा. यामुळे जुलाब थांबतील आणि शरीरात साचलेले विषारी घटक बाहेर पडून जातील. आतड्यांमध्ये वाढलेले इन्फेक्शन कमी करण्यासाठी आयुर्वेदिक काढ्याचे सेवन करावे.

FAQs (संबंधित प्रश्न)

अतिसार म्हणजे काय?

अतिसार म्हणजे वारंवार पातळ किंवा पाण्यासारखे मल येणे. यामुळे शरीरात पाण्याची कमतरता (dehydration) होऊ शकते.

अतिसारावर काय उपचार करावे?

अतिसारामुळे शरीरातील पाण्याची पातळी कमी होते, त्यामुळे भरपूर पाणी, ओआरएस (ORS) किंवा इतर पातळ पेये प्या. केळी, पांढरा तांदूळ, टोस्ट आणि सफरचंद यांसारखे पचनास सोपे अन्न खा.

अतिसारासाठी काही घरगुती उपचार काय आहेत?

आल्यामध्ये अँटी-इंफ्लेमेटरी गुणधर्म असतात, जे अतिसाराची लक्षणे कमी करण्यास मदत करतात. पुदिना देखील अतिसारावर उपचार करण्यासाठी एक चांगला उपाय आहे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या