Anjeer Barfi : गोड पदार्थाने वाढवा सणाचा गोडवा, दिवाळीनिमित्त घरी बनवा पौष्टिक आणि स्वादिष्ट ‘अंजीर बर्फी’

अंजीर बर्फी ही केवळ एक मिठाई नाही, तर दिवाळीच्या दिवसांना आरोग्याचा गोड स्पर्श देणारी एक अनोखी रेसिपी आहे. यावर्षी दिवाळीत ही हेल्दी आणि स्वादिष्ट बर्फी बनवा आणि आपल्या प्रियजनांना थोडी गोड पण guilt-free मेजवानी द्या!

“दिवाळी म्हटलं की घराघरात गोडधोडाचा सुगंध दरवळू लागतो. चकल्या, लाडू, करंज्या, शंकरपाळ्या या पारंपरिक पदार्थांसोबतच आजकाल लोक काहीतरी हेल्दी आणि नवीन बनवायला आवडतात. अशाच एका पौष्टिक आणि स्वादिष्ट गोड पदार्थाचं नाव आहे अंजीर बर्फी. अंजीर आपल्या शरीरासाठी अतिशय गुणकारी मानले जाते. यात भरपूर फायबर, आयर्न, कॅल्शियम आणि नैसर्गिक गोडवा असतो. त्यामुळे अंजीर बर्फी हा केवळ चवदारच नाही तर आरोग्यदायी पर्यायही ठरतो.

Bhaubeej 2025 : आपल्या लाडक्या भावासाठी घरीच तयार करा चविष्ट असा ‘अंजीर हलवा’; काही क्षणातच फस्त होतोय की नाही ते पहा

या बर्फीत साखरेऐवजी अंजीर आणि खजूराचा नैसर्गिक गोडवा वापरला जातो. त्यामुळे ज्यांना साखर कमी खायची आहे, त्यांच्यासाठी हा पदार्थ एकदम उत्तम आहे. दिवाळीच्या दिवसांत हा पदार्थ बनवला, तर पाहुण्यांना सर्व्ह करतानाही एक वेगळा ‘हेल्दी ट्विस्ट’ देता येतो. चवीबरोबरच आरोग्याची काळजी राखायची असेल तर तुमच्यासाठी हा पदार्थ एक उत्तम पर्याय आहे. चला तर मग कोणताही वेळ न घालवता लगेच जाणून घेऊया यासाठी लागणारे साहित्य आणि कृती.

साहित्य:

• सुकं अंजीर (फिग्स) – २०० ग्रॅम
• खजूर – १०० ग्रॅम
• बदाम – ५० ग्रॅम
• काजू – ५० ग्रॅम
• पिस्ते – २ टेबलस्पून (बारीक चिरलेले)
• तूप – २ टेबलस्पून
• वेलदोडा पावडर – ½ टीस्पून
• थोडंसं दूध (भिजवण्यासाठी)

100 वर्षे जुनी रेसिपी ‘पाकपोळा’ कधी खाल्ला आहे का? गोडवा, आठवणी आणि सणांचा खास स्वाद!

कृती:

• यासाठी सर्वप्रथम अंजीर छोटे तुकडे करून कोमट दुधात १५-२० मिनिटं भिजवून ठेवा, म्हणजे ते मऊ होतील.
• खजूराचे बिया काढून त्याचे छोटे तुकडे करा. जर खजूर खूप कोरडे असतील, तर त्यांनाही थोडं दूध लावून मऊ करा.
• एका पॅनमध्ये थोडं तूप टाकून बदाम आणि काजू हलके सोनेरी होईपर्यंत भाजून घ्या. गॅस बंद करून थंड झाल्यावर जाडसर कुटून घ्या.
• मिक्सरमध्ये भिजवलेले अंजीर आणि खजूर एकत्र करून मऊ पेस्ट तयार करा. खूप गुळगुळीत नको, थोडं दाणेदार टेक्स्चर राहू द्या.
• एका जाड बुडाच्या पॅनमध्ये १ टेबलस्पून तूप गरम करा. त्यात तयार पेस्ट घालून मंद आचेवर ८-१० मिनिटं परतवा. मिश्रण थोडं घट्ट होऊ लागलं की त्यात भाजलेले सुकामेवा व वेलदोडा पावडर घाला.
• एका तुप लावलेल्या प्लेटमध्ये हे मिश्रण समान पसरवा. वरून चिरलेले पिस्ते पसरवा आणि हलके दाबा. १-२ तास फ्रीजमध्ये सेट होऊ द्या.
• सेट झाल्यावर सुरीने हवे तसे चौकोनी किंवा डायमंड आकाराचे तुकडे कापा आणि सणासुदीच्या ताटात सुंदरपणे सजवा.
• तुम्ही यामध्ये थोडं किसलेलं नारळ किंवा पॉपपी सीड्स (खसखस) घालून स्वाद वाढवू शकता.
• साखर पूर्णपणे टाळली जाते म्हणून डायबेटिक लोकांसाठीही ही बर्फी उत्तम पर्याय आहे.
• फ्रीजमध्ये ठेवली तर ही बर्फी ८-१० दिवस सहज टिकते.