(फोटो सौजन्य: youtube)
भारतीय सणांमध्ये प्रत्येक दिवस एक विशिष्ट भावनिक आणि सांस्कृतिक महत्त्व घेऊन येतो. त्यातीलच एक अत्यंत हृदयस्पर्शी सण म्हणजे भाऊबीज. दिवाळीचा शेवटचा दिवस असलेली ही बीज केवळ भाऊ आणि बहिणीच्या नात्याचा उत्सव नसून, प्रेम, जिव्हाळा आणि परस्पर आदर यांचे प्रतीक आहे. या दिवशी बहिण भावाला ओवाळते, त्याच्या सुख-समृद्धीची प्रार्थना करते आणि भावाकडून मिळणाऱ्या गिफ्टसोबत त्या नात्यातील गोडवा अधिक गहिरा होतो. या खास दिवशी बहिणीने भावासाठी स्वतःच्या हाताने काहीतरी गोड आणि पौष्टिक बनवलं, तर त्याहून सुंदर काय असू शकतं? अशाच एका गोड आणि आरोग्यदायी पदार्थाची रेसिपी आज आपण पाहणार आहोत ज्याचं नाव आहे अंजीर हलवा.
अंजीर, हे एक अत्यंत पोषक आणि फायबरयुक्त फळ आहे. कोरड्या अंजीरामध्ये भरपूर प्रमाणात लोह, कॅल्शियम, अँटीऑक्सिडंट्स आणि नैसर्गिक साखर असते. अंजीर हलवा हा एक असा पदार्थ आहे, जो गोड असूनही अति गोडसर वाटत नाही, आणि आरोग्यासाठी देखील लाभदायक असतो. हा हलवा लहानांपासून मोठ्यांपर्यंत सर्वांनाच आवडतो. विशेष म्हणजे, या हलव्यात साखर फार कमी लागते किंवा काहीवेळेस अजिबात साखर न घालता फक्त खजूर आणि अंजीराच्या नैसर्गिक गोडव्यावर बनवता येतो. त्यामुळे तो डायबिटिक किंवा हेल्थ कॉन्शस लोकांसाठीही योग्य ठरतो.
साहित्य:
कृती:
