Diwali 2026: तोंडात टाकताच सहज जाईल विरघळून! घरच्या घरी बनवा विकतसारखी दाणेदार मऊ बेसन बर्फी, नोट करा रेसिपी

Diwali 2026: दिवाळी सणाला घरात गोडाचे विविध पदार्थ बनवले जातात. कायमच विकतची मिठाई आणून खाण्यापेक्षा घरात सोप्या पद्धतीमध्ये बेसन बर्फी बनवावी. चला तर जाणून घेऊया रेसिपी.

Diwali 2026: दिवाळीला अवघे काही दिवस शिल्लक राहिले आहेत. सणावारांच्या दिवसांमध्ये घरात गोडाचे अनेक प्रकार बनवले जातात. मिठाई, दिवाळीचा फराळ, याशिवाय विविध पारंपरिक पदार्थ सुद्धा बनवले जातात. दिवाळीत पाहुण्यांच्या स्वागतासाठी विकतची मिठाई आणली जाते. पण सणावारांच्या दिवसांमध्ये बाजारातील मिठाईमध्ये मोठ्या प्रमाणावर भेसळ केली जाते. भेसळ युक्त पदार्थांचे सेवन करण्याऐवजी घरातील साहित्याचा वापर करून झटपट बेसन बर्फी बनवू शकता. बेसन बर्फी बनवण्यासाठी जास्त साहित्य लागत नाही. कमीत कमी साहित्यात झटपट होणारी बर्फी खाल्ल्यानंतर सगळेच तुमचं कौतुक करतील. बेसन बर्फी महिनाभर व्यवस्थित टिकून राहते. चला तर जाणून घेऊया बेसन बर्फी बनवण्याची सोपी रेसिपी.(फोटो सौजन्य – istock)

Easy Milk Peda Recipe: बाजारातील महागडे पेढे नकोत! कमी साहित्यात घरीच बनवा स्वादिष्ट दूध पेढे

साहित्य:

• तूप
• बेसन
• डेसिकेटेड कोकोनट
• साखर
• दूध
• सुका मेवा
• केशर

Maggi Manchurian Recipe: मॅगी खाण्याचा नवा फंडा! मंचूरियन स्टाइलमध्ये बनवा झणझणीत पदार्थ, रेसिपी पाहाच

कृती:

• बेसन बर्फी बनवण्यासाठी सर्वप्रथम, कढईमध्ये तूप गरम करण्यासाठी ठेवा. गरम तुपात वाटीभर बेसन टाकून मंद आचेवर सतत परतून घ्या.
• बेसन खमंग भाजून झाल्यानंतर त्यानंतर डेसिकेटेड कोकोनट घालून पुन्हा ५ ते १० मिनिटं मंद आचेवर बेसन मिक्स करून घ्या.
• दुसऱ्या टोपात दूध आणि साखर घालून व्यवस्थित मिक्स करून घ्या. साखर पूर्णपणे विरघळून गेल्यानंतर बेसनाच्या मिश्रणात घालून चमच्याने सतत मिक्स करत राहा.
• तूप लावून घेतलेल्या ताटात तयार केलेले बेसनाचे मिश्रण टाकून व्यवस्थित सेट करा आणि वरून सुका मेवा, केशर काड्या टाकून हलक्या हाताने दाब द्या.
• तयार केलेली बर्फी सेट झाल्यानंतर तुमच्या आवडीनुसार तुकडे करून घ्या. तयार आहे झटपट बनवलेली बेसन बर्फी.