छातीत वाढलेली जळजळ अ‍ॅसिडिटी समजून दुर्लक्ष करत असाल तर वेळीच व्हा सावध! शरीरात दिसणाऱ्या ‘या’ लक्षणांकडे चुकूनही करू नका दुर्लक्ष

छातीत वाढणाऱ्या जळजळकडे वारंवार दुर्लक्ष न करता डॉक्टरांच्या सल्ल्याने योग्य ते औषध उपचार करणे आवश्यक आहे. अन्यथा शरीरात अनेक गंभीर लक्षणे दिसू येतात. जाणून घ्या अन्ननलिकेच्या कॅन्सरची लक्षणे.

• छातीत वाढलेली जळजळ कोणत्या आजाराचे लक्षण आहे?
• अन्ननलिकेचा कॅन्सर झाल्यानंतर शरीरात कोणती लक्षणे दिसतात?
• कॅन्सर झाल्यानंतर पहिल्या स्टेजमध्ये कोणती लक्षणे दिसतात?

धावपळीची जीवनशैली, कामाचा वाढलेला तणाव, आहारात होणारे बदल, अपुरी झोप, जंक फूडचे अतिसेवन, मानसीम तणाव इत्यादी अनेक गोष्टींच्या परिणामामुळे कायमच शरीरात ऍसिडिटी वाढते. ऍसिडिटी होणे ही सामान्य समस्या आहे. चुकीच्या वेळी अन्नपदार्थांचे सेवन केल्यामुळे शरीरात अतिरिक्त पित्त तयार होते, ज्यामुळे उलट्या, मळमळ, पोटात दुखणे, डोके दुखी इत्यादी लक्षणे शरीरात दिसू लागतात. पचनक्रिया बिघडल्यानंतर सुद्धा अतितिखट आणि मसालेदार पदार्थांचे सेवन केल्यास शरीरात आणखीनच ऍसिडिटी वाढून आरोग्याला हानी पोहचते. याशिवाय वारंवार होणारी ऍसिडिटी कॅन्सरचे गंभीर लक्षण असू शकते. त्यामुळे दुर्लक्ष न करता वेळीच डॉक्टरांच्या सल्ल्याने उपचार करणे आवश्यक आहे.(फोटो सौजन्य – istock)

बद्धकोष्ठतेमुळे पोट व्यवस्थित स्वच्छ होत नाही? उपाशी पोटी नियमित करा ‘या’ पदार्थांचे सेवन, आतड्यांमध्ये चिकटलेली घाण होईल साफ

छातीत वाढलेली जळजळ पोटातील अ‍ॅसिड अन्ननलिकेत परत आल्यानंतर होते. अन्ननलिकेची आतील त्वचा पोटाच्या तुलनेत अतिशय नाजूक असते, त्यामुळे त्वचेमध्ये जळजळ वाढणे किंवा वेदना जाणवू लागतात. छातीत वारंवार जळजळ होत असेल तर या स्थितीला गॅस्ट्रो-इसोफेजियल रिफ्लक्स डिसीज असे म्हणतात. त्यामुळे छातीमध्ये वाढलेली जळजळ कमी करण्यासाठी जीवनशैलीतील बदलांकडे गांभीर्याने लक्ष देणे आवश्यक आहे. आहारात कमी तेलकट, कमी मसालेदार पदार्थांचे सेवन केल्यास ऍसिडिटीवर नियंत्रण मिळवता येईल. तसेच अन्ननलिका किंवा छातीत वाढलेली जळजळ कमी होईल आणि शरीर कायमच निरोगी राहील.

कॅन्सरचा धोका कशामुळे वाढतो?

कॅन्सर झाल्यानंतर सुरुवातीच्या दिवसांमध्ये शरीरात अतिशय सामान्य लक्षणे दिसून येतात. या लक्षणांकडे कायमच दुर्लक्ष केले जाते. पण असे न करता वेळीच उपचार घेऊन शरीराची काळजी घ्यावी. शरीरात दीर्घकाळ अ‍ॅसिड रिफ्लक्स होत राहिल्यामुळे अन्ननलिकेतील सेल्सचे गंभीर नुकसान होते. शरीर स्वतःचे संरक्षण करण्यासाठी अन्ननलिकेच्या खालच्या भागातील पेशी बदलण्यास सुरुवात करते, ज्यामुळे ऍसिडिटी सहन होते. या पेशींमध्ये होणाऱ्या बदलांना ‘बॅरेट्स इसोफॅगस’ असे म्हणतात. या स्थितीला कॅन्सरची पहिली स्टेज मानली जाते. बॅरेट्स इसोफॅगस असलेल्या व्यक्तीला कॅन्सर होईलच असे नाही, पण कॅन्सरचा धोका वाढू शकतो.

दिवसभरात किती पाण्याचे सेवन करावे? शरीरात पाण्याची कमतरता निर्माण झाल्यानंतर ‘या’ अवयवांमध्ये होतात तीव्र वेदना

कॅन्सरच्या कोणत्या लक्षणांकडे वेळीच लक्ष द्यावे?

• २ ते ३ आठवड्यांपेक्षा जास्त वेळ छातीमध्ये जळजळ होणे
• अन्नपदार्थ गिळताना छातीमध्ये अडकल्यासारखे वाटते.
• कोणताही डाएट किंवा व्यायाम न करता वजन झपाट्याने कमी होणे
• उलटी किंवा विष्ठेमधून रक्त येणे
• भूक न लागणे आणि रात्री वाढणारा खोकला
• आवाज बसने किंवा आवाजात जडपणा जाणवणे, इत्यादी लक्षणे दिसू लागल्यास डॉक्टरांचा सल्ला घेऊन उपचार करावेत. अन्यथा कॅन्सर होऊन कोणत्याही क्षणी मृत्यू होण्याची शक्यता असते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.