जेवण बनवण्याचा कंटाळा आलाय? तर मग झटपट घरी बनवा लज्जतदार Egg Rice

कामावरून थकून आल्यावर अनेकदा जेवण बनवण्याचा आळस येतो अशावेळी एग राइस हा तुमच्यासाठी एक उत्तम पर्याय आहे. प्रथिनांनी भरपूर हा पदार्थ चवीला अप्रतिम लागतो आणि कमी वेळेत तयारही होतो.

अनेकदा असं घडतं की, थकून हारून आपण कामावरून आलो की जेवण बनवण्याचा कंटाळा येतो. पण पोटाची खळगी तर भरायची असतेच. अशात आज आम्ही तुमच्यासाठी एक चवदार आणि झटपट तयार होणारी रेसिपी घेऊन आलो आहोत. आजच्या आपल्या रेसिपीचे नाव आहे एग राइस. हा पदार्थ तुम्ही हॉटेल्समध्ये अनेकदा खाल्ला असेल मात्र आम्ही तुम्हाला सांगतो की, तुम्ही घरीदेखील एकदम कमी वेळेत सहज हा पदार्थ तयार करू शकता.

कुणाल कपूर स्पेशल रेसिपी! १० मिनिटांमध्ये सकाळच्या नाश्त्यासाठी झटपट बनवा चमचमीत अचारी पराठा

जेव्हा वेळ कमी असतो आणि काहीतरी झटपट, पौष्टिक आणि चविष्ट बनवायचं असतं, तेव्हा अंडा भात एक उत्तम पर्याय ठरतो. अंडी ही प्रथिनांचा उत्तम स्रोत असते, आणि भात सर्वसामान्यपणे घरी असतोच. उरलेला भात वापरूनसुद्धा अंडा भात सहज बनवता येतो. ही रेसिपी मुलांना, मोठ्यांना आणि ऑफिसमध्ये टिफिनसाठीही एकदम परफेक्ट आहे. चला तर मग जाणून घेऊया यासाठी लागणारे साहित्य आणि कृती.

साहित्य

• शिजवलेला भात – २ कप
• अंडी – २ ते ३
• कांदा – १ मध्यम, बारीक चिरलेला
• टोमॅटो – १ मध्यम, बारीक चिरलेला
• लसूण – ३-४ पाकळ्या (बारीक चिरलेल्या किंवा पेस्ट)
• हिरव्या मिरच्या – १-२ (आवडीनुसार)
• मोहरी – ½ टीस्पून
• जिरे – ½ टीस्पून
• हळद – ¼ टीस्पून
• लाल तिखट – ½ टीस्पून
• गरम मसाला – ½ टीस्पून
• मीठ – चवीनुसार
• कोथिंबीर – थोडीशी (सजावटीसाठी)
• तेल – २ टेबलस्पून

दक्षिण भारतातील फेमस वडा रसम कधी ट्राय केलाय का? यंदाच्या पावसाळ्यात एकदा नक्की बनवून पहा

कृती

• एग राइस बनवण्यासाठी सर्वप्रथम कढईत तेल गरम करून त्यात मोहरी व जिरे घाला. मोहरी तडतडली की त्यात लसूण व हिरव्या मिरच्या घाला
• मग चिरलेला कांदा घालून तो सोनेरी होईपर्यंत परतून घ्या
• त्यात टोमॅटो घालून मऊ होईपर्यंत शिजवून घ्या
• आता हळद, तिखट, गरम मसाला आणि मीठ घालून मसाल्याला तेल सुटेपर्यंत [
• त्यात अंडी फोडा आणि हलक्या हाताने ढवळा
• अंडी पूर्णपणे शिजल्यावर त्यात भात घालून सगळं मिश्रण चांगलं एकजीव करा
• गरम गरम अंडा भात तयार! वरून थोडी कोथिंबीर घालून सजवा
• अधिक चवदार बनवण्यासाठी थोडासा लिंबाचा रस किंवा सॉय सॉस घालू शकता
• शिजवलेला भात थंड आणि सैलसर असावा म्हणजे भात गुठळीत चांगला लागत नाही