दुपारच्या जेवणासाठी झटपट बनवा झणझणीत ‘पनीर खिमा मसाला’, हॉटेल ढाब्यावर जेवायला जाणे कायमचे जाल विसरून

आज आम्ही तुम्हाला सोप्या पद्धतीमध्ये पनीर खिमा मसाला बनवण्याची सोपी रेसिपी सांगणार आहोत. हा पदार्थ कमीत कमी साहित्यात तयार होतो. जाणून घ्या रेसिपी.

सुट्टीच्या दिवशी घरातील सर्वच कामे खूप आरामात असतात. जेवणात नेहमीच काय बनवावं हा प्रश्न घरातील प्रत्येक स्त्रीला कायमच पडतो. जेवणात पुलाव, बिर्याणी किंवा मांसाहारी पदार्थ खाऊन कंटाळा आल्यानंतर काहींना काही नवीन पदार्थ खाण्याची सगळ्यांच खूप जास्त इच्छा होते. पनीरपासून कायमच पनीर टिक्का, पनीर बटर मसाला किंवा पनीर बिर्याणी बनवली जाते. पण नेहमीच तेच खाऊन कंटाळा आल्यानंतर काहींना काही जेवणात नवीन पदार्थ हवा असतो. अशावेळी तुम्ही झटपट पनीर खिमा मसाला बनवू शकता. हा पदार्थ कमीत कमी साहित्यात झटपट तयार होतो. याशिवाय पनीरपासून बनवलेले पदार्थ घरातील सगळेच खूप जास्त आवडीने खातात. पनीर खिमा मसाला तुम्हाला गरमागरम चपाती किंवा बटर रोटी सोबत खाऊ शकता. मऊ पनीर आणि कांदा टोमॅटो, मसाल्यांचा वापर करून बनवलेला चविष्ट पदार्थ सगळ्यांचं खायला खूप जास्त आवडेल. चला तर जाणून घेऊया पनीर खिमा मसाला बनवण्याची सोपी रेसिपी.(फोटो सौजन्य – pinterest)

रविवार होईल आणखीनच मजेदार! सकाळच्या नाश्त्यात झटपट बनवा चविष्ट चमचमीत स्टफ इडली, नोट करून घ्या रेसिपी

साहित्य:

• पनीर
• कांदा
• टोमॅटो
• लाल तिखट
• हळद
• हिरवी मिरची
• आलं लसूण पेस्ट
• बेसन
• धणे जिरं पावडर
• लिंबाचा रस
• खडे मसाला

पंजाबचा पारंपारिक पदार्थ; थंडीत नक्की बनवून पहा गरमा गरम ‘माँ की दाल’, मनाला तृप्त करणारी चव

कृती:

• पनीर खिमा मसाला बनवण्यासाठी सर्वप्रथम, पनीर स्वच्छ धुवून घ्या. त्यानंतर किसणीने बारीक किसा.
• कढईमध्ये तेल आणि बटर गरम करून त्यात सर्व खडे मसाले घालून लाल होईपर्यंत भाजा. त्यानंतर त्यात बारीक चिरलेला कांदा आणि टोमॅटो घालून शिजवा.
• कांदा लवकर शिजण्यासाठी त्यात चवीनुसार मीठ टाकावे. सर्व साहित्य व्यवस्थित मिक्स झाल्यानंतर त्यात आलं लसूण मिरची पेस्ट घालून खमंग भाजा.
• मसाले व्यवस्थित शिजल्यानंतर त्यात गरम पाणी घालून उकळी काढून घ्या. उकळी आल्यानंतर गॅस मंद आचेवर ठेवून सर्व साहित्य शिजू द्यावे.
• त्यानंतर त्यात किसून घेतलेले पनीर घालून मिक्स करा. पनीरला एक उकळी आल्यानंतर गॅस बंद करून वरून तूप आणि लिंबाचा रस घालून व्यवस्थित मिक्स करा.
• तयार आहे सोप्या पद्धतीमध्ये बनवलेला पनीर खिमा मसाला.