नाश्त्यात Eggs खाताय तर व्हा सावध! FSSAI ने जारी केला अलर्ट; अंड्यात आढळले कॅंसर जन्माला घालणारे धोकादायक तत्व

जगभरात अंडी मोठ्या आवडीने खाल्ली जातात मात्र नुकतेच देशातील सर्वात मोठी अन्न सुरक्षा संस्था FSSAI ने याबाबत एक अलर्ट जारी केला आहे. यात लोकप्रिय एग्गोज कंपनीचे नाव समोर येत असून कंपनीने यावर काय म्हटले ते जाणून घ्या.

• FSSAI ने ब्रँडेड आणि अनब्रँडेड अंड्यांचे नमुने गोळा करून त्यामध्ये बंदी घातलेल्या नायट्रोफुरंटोइन अँटीबायोटिकचे अंश आहेत का, याची देशभरात तपासणी सुरू केली आहे.
• नायट्रोफुरंटोइनचे अवशेष अंड्यांमध्ये आढळल्यास मळमळ, उलट्या, श्वास घेण्यास त्रास, लिव्हर-किडनीचे नुकसान आणि दीर्घकाळात कर्करोगाचा धोका वाढू शकतो, असा आरोग्य तज्ज्ञांचा इशारा आहे.
• एग्गोस कंपनीने आरोप फेटाळत आपली अंडी पूर्णपणे सुरक्षित असल्याचा दावा केला असून, प्रयोगशाळा अहवाल वेबसाइटवर उपलब्ध असल्याचे स्पष्ट केले आहे.

नाश्त्यासाठी लोकप्रिय असणारी अंडी आता आरोग्यासाठी धोकादायक सिद्ध होत आहेत. जवळजवळ संपूर्ण जगभरात अंडी फार आवडीने खाल्ली जातात. अंड्यापासून वेगवेगळे पदार्थ बनवले जातात, त्यांना सूपरफूड मानले जाते. पण आता नवीन संशोधन समोर आले आहे ज्यानुसार अंड्याचे हे सेवन आपल्या आरोग्यासाठी धोक्याचे असल्याचे सांगण्यात येत आहे. देशातील सर्वात मोठी अन्न सुरक्षा देखरेख संस्था, अन्न आणि औषध प्रशासन (FSSAI) ने त्यांच्या सर्व कार्यालयांना ब्रँडेड आणि अनब्रँडेड अंड्यांचे नमुने गोळा करण्याचे निर्देश दिले आहेत जेणेकरून त्यात प्रतिबंधित अँटीबायोटिक नायट्रोफ्युरंटोइनचे अंश आहेत का हे निश्चित करता येईल. हे नमुने १० वेगवेगळ्या प्रयोगशाळांमध्ये पाठवले जातील.

सतत पोट फुगलेलं राहतं? गॅस वरती चढतेय… तव्यावर भाजून बनवा घरगुती चूर्ण; बद्धकोष्ठता-मुळव्याध्यावर घरगुती उपाय

वाद कसला?

यादरम्यान आता एग्गोज या लोकप्रिय अंडी ब्रँड संबंधात वाद निर्माण झाला आहे. एका ऑनलाइन अहवालात अंड्यांच्या गुणवत्तेबद्दल प्रश्न उपस्थित करण्यात आले होते आणि त्यात नायट्रोफुरंटोइनचे अंश असू शकतात अशी चिंता व्यक्त करण्यात आली होती. यामुळे सोशल मीडियावर आणि जनतेमध्ये वादविवाद सुरू झाला आणि नियामक संस्थांचे लक्ष याकडे वेधले गेले. नायट्रोफुरंटोइन हा अँटीबायोटिक्सचा एक गट आहे जो प्राण्यांच्या अन्नात वापरण्यास सक्त मनाई आहे. आरोग्य तज्ञांचे म्हणणे आहे की जर ही औषधे कुक्कुटपालनात बेकायदेशीरपणे वापरली गेली तर त्यांचे अवशेष अंड्यांमध्ये जाऊ शकतात. म्हणूनच FSSAI ने देशभरात नमुने आणि चाचणी घेण्याचा निर्णय घेतला.

नायट्रोफुरंटोइन अंड्यात आढळल्याने कोणते दुष्परिणाम होतात?

• मळमळ
• उलट्या
• अतिसार
• भूक न लागणे
• डोकेदुखी
• चक्कर येणे

शरीरात दिसून येतात ही लक्षणे

• लघवीचा रंग गडद पिवळा होणे
• तीव्र खोकला
• श्वास घेण्यास त्रास होणे
• श्वास घेताना वेदना होणे
• ताप येणे
• खोकल्यामुळे रक्त किंवा श्लेष्मा येणे
• डोळे किंवा त्वचा पिवळी पडणे
• अस्पष्ट रक्तस्त्राव किंवा जखम होणे
• तीव्र डोकेदुखी किंवा खूप अशक्तपणा जाणवणे

एग्गोस कंपनीची भूमिका काय आहे?

या वादावर प्रतिक्रिया देताना एग्गोसने आपल्या अंड्यांच्या सुरक्षिततेबाबत कोणतीही तडजोड नसल्याचे स्पष्ट केले आहे. कंपनीच्या म्हणण्यानुसार, त्यांच्या अंड्यांची तपासणी करण्यात आली असून ती पूर्णपणे सुरक्षित आहेत. प्रयोगशाळेचा तपशीलवार अहवाल कंपनीने आपल्या अधिकृत वेबसाइटवर सार्वजनिक केला असल्याचेही सांगण्यात आले आहे. एग्गोसचा दावा आहे की चाचणीदरम्यान त्यांच्या अंड्यांमध्ये कोणतेही बंदी घातलेले अँटीबायोटिक्स, कीटकनाशके किंवा औषधी घटक आढळलेले नाहीत.

अ‍ॅल्युमिनियम फॉईलमध्ये चपाती बांधताय? शरीरसंबंधित वाढेल कॅन्सरसारख्या गंभीर आजाराचा धोका, वेळीच व्हा सावध

आरोग्य तज्ज्ञांनी व्यक्त केली चिंता

टीओआयच्या अहवालानुसार, वैद्यकीय तज्ज्ञांचे मत आहे की ही समस्या एखाद्या एका ब्रँडपुरती मर्यादित नाही. पोल्ट्री क्षेत्रात अँटीबायोटिक्सचा गैरवापर ही एक व्यापक आणि गंभीर समस्या आहे. सर गंगाराम रुग्णालयातील सर्जिकल ऑन्कोलॉजी विभागाचे अध्यक्ष प्रा. चिंतामणी यांनी सांगितले की नायट्रोफुरंटोइन या औषधावर आंतरराष्ट्रीय स्तरावर बंदी आहे, कारण त्याचे अवशेष अंडी शिजवल्यानंतरही नष्ट होत नाहीत. प्राण्यांवर केलेल्या संशोधनात अशा अंड्यांचे दीर्घकाळ सेवन केल्यास अनुवांशिक हानी, कर्करोगाचा धोका तसेच किडनी आणि लिव्हरच्या कार्यावर गंभीर परिणाम होऊ शकतात, असे निदर्शनास आले आहे.