शरीरात साचून राहिलेले युरीक अ‍ॅसिड मुळांपासून होईल नष्ट! रोजच्या जेवणात नियमित करा ‘या’ हिरव्या चटणीचे सेवन

सांध्यांमध्ये साचून राहिलेली युरीक अ‍ॅसिडची पातळी नष्ट करण्यासाठी आहारात हिरव्या चटणीचे सेवन करावे. या चटणीचा आहारात समावेश केल्यामुळे शरीराला भरमसाट फायदे होतात आणि आरोग्य सुधारते.

युरीक अ‍ॅसिडची पातळी कशामुळे वाढते?
युरीक अ‍ॅसिड कमी करण्यासाठी उपाय?
हिरवी चटणी बनवण्याची कृती?

धावपळीची जीवनशैली, कामाचा वाढलेला तणाव, पोषक घटकांची कमतरता, शारीरिक हालचालींचा अभाव इत्यादी अनेक गोष्टींच्या परिणामामुळे आरोग्य पूर्णपणे बिघडून जाते. बऱ्याचदा शरीरसंबंधित समस्या उद्भवल्यानंतर वेळीच लक्ष दिले जात नाही. पण कालांतराने या समस्या आणखीनच तीव्र होतात आणि आरोग्य बिघडण्यास कारणीभूत ठरतात. शरीरात वाढलेली युरीक अ‍ॅसिडची पातळी हाडांचे गंभीर नुकसान करते. त्यामुळे शरीराची काळजी घेणे फार गरजेचे आहे. युरीक अ‍ॅसिडची पातळी वाढल्यानंतर सांध्यांमध्ये वेदना, गाऊट, संधिवात, हातपायांमध्ये वेदना जाणवणे इत्यादी बऱ्याच समस्या उद्भवतात. काहीवेळा युरीक अ‍ॅसिडच्या पातळीमध्ये वाढ झाल्यानंतर चालताना किंवा उभे राहताना खूप जास्त वेदना होतात. म्हणूनच आज आम्ही तुम्हाला सांध्यांमध्ये वाढलेले युरीक अ‍ॅसिड नष्ट करण्यासाठी रोजच्या आहारात कोणत्या चटणीचा समावेश करावा, याबद्दल सविस्तर माहिती सांगणार आहोत. चला तर जाणून घेऊया.(फोटो सौजन्य – istock)

वाढत्या वयात आनंदी आणि तणावमुक्त राहण्यासाठी फॉलो करा ‘या’ महत्वपूर्ण टिप्स, वृद्धकाळ जाईल आनंदात

युरीक अ‍ॅसिड कमी करणारी गुणकारी चटणी:

सांध्यांमध्ये वाढलेले युरीक अ‍ॅसिड कमी करण्यासाठी आहारात हिरव्या चटणीचे सेवन करावे. यासाठी पुदिन्याची पाने, कोथिंबीर, तुळशीची पाने, कडुलिंबाची पाने इत्यादी पदार्थांचा वापर चटणी बनवण्यासाठी लागेल. चटणी तयार करताना सर्वप्रथम, मिक्सरच्या भांड्यात स्वच्छ करून धुवून घेतलेली कोथिंबीर, पुदिन्याची पाने, तुळशीचे पाने आणि कडुलिंबाची दोन किंवा तीन पाने टाकून चटणी वाटून घ्या. चटणी बारीक करताना त्यात आवश्यकतेनुसार पाणी घालावे. त्यानंतर त्यात हिरवी मिरची, आलं आणि लसूण घालून चटणी वाटून घ्या.

तयार केलेली चटणी वाटीमध्ये काढून त्यात लिंबाचा रस, चवीनुसार मीठ घालून व्यवस्थित मिक्स करा. तुमच्या आवडीनुसार तुम्ही चटणीमध्ये काळीमिरी पावडर सुद्धा टाकू शकता. तयार केलेली चटणी जेवणात तोंडी लावण्यासाठी घ्यावी. याशिवाय दही किंवा सॅलडमध्ये मिक्स करून सुद्धा खाऊ शकता. आठवडाभर नियमित चटणीचे सेवन केल्यास सांधेदुखी, सूज कमी होऊन शरीराची पचनक्रिया सुधारण्यास मदत होईल. सांध्यांमध्ये वाढलेले युरिक ऍसिड कमी करण्यासाठी अतिशय प्रभावी उपाय म्हणजे पुदिन्याच्या पानांची चटणी. या छाटणीच्या सेवनामुळे शरीराची रोगप्रतिकारशक्ती सुधारते.

गर्भाशयाच्या मुखाला ‘या’ कारणांमुळे येते सूज! शरीरात दिसणाऱ्या लक्षणांकडे दुर्लक्ष केल्यास वाढेल गंभीर आजारांचा धोका

शरीरात युरीक अ‍ॅसिडची पातळी कशामुळे वाढते?

जीवनशैलीतील बदलांचा परिणाम शरीरावर झाल्यानंतर आरोग्य बिघडू लागते. दैनंदिन आहारात सोडा, कोल्डड्रिंक्स, कृत्रिम साखर असलेल्या पेयांचे नियमित सेवन केल्यामुळे शरीरात युरीक अ‍ॅसिडची पातळी झपाट्याने वाढू लागते. वजन वाढलेल्या व्यक्तीच्या शरीरात युरीक अ‍ॅसिडची पातळी झपाट्याने वाढते आणि किडनीला बाहेर काढून टाकण्यास अनेक अडथळे निर्माण होतात. हायपोथायरॉईडीझम किंवा रक्तातील साखर वाढल्यानंतर सुद्धा सांध्यांमध्ये युरिक ऍसिडची पातळी झपाट्याने वाढू लागते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.