Tea Side Effects: चहा प्यायल्यानंतर लगेच जेवण करता? थांबा! आरोग्य जपण्यासाठी काय आहे योग्य नियम?

Side Effects Of Drinking Tea after or Before Meal: चहा प्यायल्यानंतर लगेच जेवण केल्याने किंवा जेवल्यानंतर लगेच चहा प्यायल्याने आरोग्यावर कोणते परिणाम होतात, जाणून घ्या.

• चहा प्यायचा आणि लगेच जेवायचं?
• शरीरावर काय होतो परिणाम
• किती वेळाचे अंतर ठेवावे?

अनेक भारतीयांची सकाळची सुरुवात ही चहाच्या कपाने होते. सकाळचा नाश्ता असो किंवा दुपारच्या जेवणानंतरचा ब्रेक, चहा पिण्याची सवय ही अनेकांच्या दररोजच्या रुटीनचा भाग बनली आहे. काही जणांना जेवणाआधी चहा प्यायला आवडतो, तर काही जण जेवण झाल्यानंतर लगेच चहाचा आस्वाद घेतात. मात्र, चहा प्यायल्यानंतर लगेच जेवण करणे किंवा जेवणानंतर त्वरित चहा प्यायल्याने पचनक्रियेवर परिणाम होऊ शकतो. चहामधील काही घटक शरीरातील आयरनच्या शोषणावर परिणाम करू शकतात. त्यामुळे चहा आणि जेवण यामध्ये योग्य अंतर ठेवणे महत्त्वाचे ठरते. यासाठी चहा प्यायल्यानंतर किती वेळाच्या अंतराने जेवण करावे, जाणून घ्या. (Side Effects Of Drinking Tea after or Before Meal)

Weight Loss Tips: दिवाळीत फराळ मिठाईवर ताव मारला, आता वजनाची चिंता? फिट राहण्यासाठी आजपासूनच डाएटमध्ये करा ‘हे’ बदल

आयरनची कमतरता निर्माण होऊ शकते

चहामध्ये टॅनिन आणि पॉलीफेनॉल नावाची संयुगे असतात, जी नॉन-हीम आयरनचे शोषण कमी करू शकतात. चहा प्यायल्यानंतर लगेच आयरनयुक्त पदार्थ खाल्ल्याने शरीराच्या आयरन शोषणात अडथळा येऊ शकतो. यामुळे, ॲनिमिया किंवा लोहाच्या कमतरतेने ग्रस्त असलेल्या लोकांनी विशेष खबरदारी घ्यावी.

जर तुम्ही पालक, मसूर, चणे, राजमा आणि हिरव्या भाज्या खात असाल, तर त्यानंतर लगेच चहा प्यायल्याने आयरनचे शोषण कमी होऊ शकते. म्हणून, संपूर्ण पौष्टिक लाभ मिळवण्यासाठी, चहा आणि आयरनयुक्त पदार्थांमध्ये अंतर ठेवणे उत्तम आहे.

पचनाच्या समस्या उद्भवू शकतात

चहामधील कॅफीनमुळे काही लोकांना अॅसिडिटी, छातीत जळजळ किंवा अस्वस्थता जाणवू शकते. जर तुम्हाला आधीपासूनच ॲसिड रिफ्लक्स किंवा गॅसचा त्रास असेल, तर चहा आणि जेवणाच्या वेळेकडे लक्ष देणे जास्त महत्त्वाचे आहे.

कॅफीनच्या प्रमाणाकडे लक्ष द्या

चहामध्ये कॅफीन असते. जास्त चहा प्यायल्याने काही लोकांना अस्वस्थ वाटू शकते. याशिवाय झोप न येण्याचा त्रास होऊ शकतो आणि हृदयाचे ठोके वाढू शकतात. त्यामुळे, दिवसभरात जास्त चहा पिणे टाळा.

चहा पिण्यात आणि जेवण करण्यात किती अंतर असावे?

• जेवणापूर्वी सुमारे १ तास आधी चहा पिणे हा एक चांगला पर्याय असू शकतो.
• जेवणानंतर किमान १ तासाने चहा पिऊ शकता.
• आयरनयुक्त पदार्थ आणि चहा यांच्यामध्ये सुमारे १-२ तासांचे अंतर ठेवा.
• जर आयरनच्या गोळ्या घेत असाल तर चहाबरोबर गोळ्या घेऊ नका. डॉक्टरांच्या सल्ल्यानुसार योग्य अंतर ठेवा.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

Bhaubeej 2026: सोनियाच्या ताटी उजळल्या ज्योती, ओवाळीते भाऊराया..! भाऊबीजेनिमित्त लाडक्या भावाला द्या ‘या’ खास शुभेच्छा