चिकन-मटण खाऊन पोट डबडबीत झाले आहे? आतड्यांमध्ये चिकलेली घाण स्वच्छ करण्यासाठी करा ‘हे’ घरगुती उपाय

तेलकट, तिखट अन्नपदार्थ खाल्ल्यानंतर पचनक्रिया बिघडून जाते. आतड्यांमध्ये जमा झालेली घाण स्वच्छ करण्यासाठी आहारात बदल करणे फार आवश्यक आहे. चला तर जाणून घेऊया सविस्तर.

पचनक्रिया सुधारण्यासाठी उपाय?
आतडे स्वच्छ ठेवण्यासाठी काय करावे?
पचनक्रिया बिघडण्याची कारणे?

निरोगी राहण्यासाठी शरीरातील प्रत्येक अवयव स्वच्छ असणे फार आवश्यक आहे. शरीर डिटॉक्स झाल्यास प्रत्येक अवयवाचे कार्य सुरळीत चालू राहते. शौच, लघवी, घाम, किडनी, लिव्हर शरीराला डिटॉक्स करण्यास मदत करतात. शरीरातील विषारी घटक बाहेर पडून गेल्यामुळे आरोग्य सुधारण्यास मदत होते. दैनंदिन आहारात चिकन, मटण, फिश फ्राय, पचनास जाड असलेल्या पदार्थांचे मोठ्या प्रमाणावर सेवन केले जाते. उच्च प्रमाणात असलेले सॅच्युरेटेड फॅट्स आणि प्रोटीन्स पचवण्यासाठी जास्त प्रमाणात ॲसिड आणि पित्त तयार करावे लागते, ज्याच्या परिणामामुळे आंबट ढेकर, अपचन, पित्त, उलट्या, जुलाब तर काहीवेळा डोकेदुखीचा खूप जास्त त्रास होतो. शरीरात वाढलेले पित्त प्रत्येक अवयवावर परिणाम करते. त्यामुळे आतड्यांमधील अन्नपदार्थ बाहेर पडून जाणे फार आवश्यक आहे. आज आम्ही तुम्हाला आतड्यांमध्ये चिकटलेली घाण बाहेर काढून टाकण्यासाठी कोणते पदार्थ खावेत, याबद्दल जाणून घेऊया सविस्तर.(फोटो सौजन्य – istock)

पित्ताचा त्रास वाढवणाऱ्या ‘या’ पदार्थांचे अजिबात करू नका सेवन, अन्यथा पचनासंबंधित उद्भवतील गंभीर समस्या

आतड्यांमधील घाण बाहेर पडून जाण्यासाठी सोपे घरगुती उपाय:

रात्रीच्या वेळी जेवल्यानंतर पचनक्रियेवर जास्तीचा तणाव निर्माण होतो. ज्याच्या परिणामामुळे अन्न पचण्यासाठी वेळ लागतो. त्यामुळे अन्न सहज पचन करण्यासाठी बडीशेप किंवा ओव्याच्या पाण्याचे सेवन करावे. ओव्यात असलेले थायमॉल आणि जिऱ्यामधील पाचक एन्झाईम्स वेगाने स्त्राव वाढवण्यास मदत करतात. ज्याच्या परिणामामुळे खाल्लेले अन्नपदार्थ पचन होते. रात्री झोपण्याआधी एक ग्लास पाणी गरम करून त्यात बडीशेप, जिरं, ओवा गरम करून घ्या. तयार केलेले पाणी उकळल्यानंतर कोमट करून सेवन केल्यास आतड्यांमधील घाण बाहेर पडून जाईल.

तेलकट पदार्थ खाताना कोणती काळजी घ्यावी:

सगळ्यांचं जेवणाच्या ताटात झणझणीत आणि तिखट पदार्थ लागतात. पण नॉनव्हेज किंवा तेलकट पदार्थ खाण्याआधी काकडी, गाजर आणि टोमॅटोचे सॅलड बनवून खाल्यास पदार्थांमधील घटक मांसातील फॅट्सचे पचन सुलभ करण्यास मदत करते. या पदार्थांमध्ये खूप जास्त पाणी असते. ज्याच्या परिणामामुळे शरीर हायड्रेट राहते आणि पाण्याची कमतरता निर्माण होत नाही.

सावधान! डायबिटीज आणि वजन कमी करण्याच्या औषधांमुळे होऊ शकते केसगळती? रिसर्चमध्ये मोठा खुलासा

दही:

दुपारच्या जेवणात नियमित वाटीभर दही खावे. दही खाल्ल्यामुळे पोटात वाढलेली जळजळ आणि उष्णता कमी होते. तसेच दह्यात असलेले हेल्दी बॅक्टेरिया अपचनाच्या त्रासापासून सुटका मिळवून देतात. पोट आणि आतड्यांचे आरोग्य चांगले ठेवण्यासाठी नियमित दुपारच्या जेवणात वाटीभर दही खावे. यामुळे शरीरातील विषारी घटक बाहेर पडून जाण्यास मदत होते. बद्धकोष्ठतेच्या त्रासापासून सुटका हवी असल्यास दह्याचे सेवन करावे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.