पोटावरील चरबी कायमची होईल कमी! दैनंदिन आयुष्यात फॉलो करा ‘या’ सोप्या टिप्स, राहालं कायम फिट

वाढलेले अतिरिक्त वजन आरोग्याच्या दृष्टीने अतिशय घातक आहे. यामुळे मधुमेह, कोलेस्ट्रॉल किंवा उच्च रक्तदाब वाढू लागतो. याशिवाय लिव्हरसबंधित आजार झाल्यानंतर शरीराच्या कार्यात अडथळा निर्माण होण्याची शक्यता असते. त्यामुळे योग्य आहार आणि व्यायाम करून पोटावर वाढलेला चरबीचा घेर कमी करावा. आज आम्ही तुम्हाला पोटावर वाढलेला चरबीचा घेर कमी करण्यासाठी कोणत्या टिप्स फॉलो कराव्यात, याबद्दल सविस्तर माहिती सांगणार आहोत. यामुळे अतिरिक्त चरबी कमी होऊन तुम्ही निरोगी आणि स्लिम राहाल.

पोटावरील चरबीचा घेर कमी करण्यासाठी फॉलो करा हे सोपे उपाय:

संतुलित आणि पौष्टिक आहार:

शरीराचे वाढलेले अतिरिक्त वजन कमी करण्यासाठी योग्य आणि शरीराला पचन होईल अशाच पदार्थांचे सेवन करावे. अनेक महिला पुरुष वाढलेले वजन कमी करण्यासाठी सकाळचा नाश्ता आणि संध्याकाळचे जेवण करणे टाळतात. मात्र ही चुकीची सवय आहे. जास्त वेळ उपाशी राहिल्यामुळे शरीरावर गंभीर परिणाम होऊन थकवा किंवा अशक्तपणा जाणवण्याची शक्यता असते. त्यामुळे सकाळच्या वेळी पोटभर नाश्ता करावा. तसेच आहारात कमी कलरिजयुक्त पदार्थांचे सेवन करावे. यामुळे वजन कमी होण्यास मदत होईल.

जास्त कॅलरीयुक्त पदार्थांपासून कमी सेवन करावे:

वजन कमी करण्यासाठी दैनंदिन आहारात साखरयुक्त पदार्थांचे सेवन वजन आणखीनच वाढण्याची शक्यता असते. त्यामुळे दैनंदिन आहारात साखरयुक्त आणि प्रोसेस्ड पदार्थांचे सेवन करू नये. कार्बोनेटेड ड्रिंक्स, बेकरी पदार्थ, पेस्ट्री, मैद्याचे पदार्थ आणि अधिक गोड पदार्थ खाल्यामुळे शरीराला हानी पोहचण्याची शक्यता असते. या पदार्थांच्या सेवनाऐवजी आहारात गूळ, मध किंवा कमी साखरयुक्त पदार्थांचे सेवन करावे.

वयाच्या चाळिशीतही त्वचा राहील कायम निरोगी! सुंदर त्वचेसाठी फॉलो करा ‘या’ सोप्या टिप्स, नेहमी दिसाल तरुण

शरीर सक्रिय ठेवणे:

अनेकांना जेवल्यानंतर लगेच झोपण्याची सवय असते. मात्र या सवयीमुळे शरीर सक्रिय राहत नाही. शरीरात शारीरिक हालचालींचा अभाव निर्माण झाल्यानंतर आरोग्याला हानी पोहचण्याची शक्यता असते. यामुळे पचनसंस्था बिघडते. याशिवाय शरीराच्या कार्यांमध्ये अडथळा निर्माण होऊ शकतो. त्यामुळे पोटावर वाढलेली चरबी कमी करण्यासाठी नियमित व्यायाम किंवा प्राणायाम करणे आवश्यक आहे.

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

संबंधित बातम्या