डायबिटीजच्या रुग्णांसाठी कोणत्या वरदानाहुन कमी नाही ‘ही’ हिरवी चटणी; लगेच नोट करा रेसिपी

Bitter Gourd Chutney Recipe: जर तुम्ही मधुमेहाचे रुग्ण असाल तर तुमच्या आहारात तुम्ही कारल्याच्या चटणीचा नक्कीच समावेश करायला हवा. ही चटणी तुम्हाला रक्तातील साखर नियंत्रणात ठेवण्यास मदत करेल.

मधुमेह हा आजार फार झपाट्याने वाढत आहे. आजकाल मोठ्यांनाच काय तर लहानांनाही हा आजार जडू लागला आहे. ही आरोग्य समस्या आहे, जी शरीरातील इन्सुलिन हार्मोनच्या असंतुलनामुळे उद्भवते. एकदा हा आजार तुम्हाला जडला तर आयुष्यभर तुम्हाला यापासून सुटका नाही. या आजारात रक्तातील साखरेचे प्रमाण लक्षणीयरित्या वाढते जे नियंत्रणात ठेवणे फार कठीण होऊन बसते. काही हेल्दी पदार्थांचा आहारात समावेश करून तुम्ही रक्तातील साखरेचे प्रमाण नियंत्रणात ठेवू शकता. यातीलच एक म्हणजे कारलं.

कारलं हे चवीला कडू असलं तरी आपल्या आरोग्याला याचे अनेक फायदे होत असतात. तुम्हाला याची भाजी खायला आवडत नसेल तर तुम्ही यापासून चविष्ट अशी चटणी बनवू शकता. ही चटणी साठवून ठेवता येते आणि हवे तेव्हा तुम्हाला तिचा आपल्या आहारात समावेश करू शकता. यासाठी फार मेहनत घेण्याचीही गरज नाही, फार कमी वेळेत आणि कमी साहित्यापासून तुम्ही ही कारल्याची चटणी तयार करू शकता. चला तर मग जाणून घेऊया यासाठी लागणारे साहित्य आणि कृती.

Club Sandwich Recipe: सकाळच्या नाश्त्याला घरी बनवा क्लब सँडविच; घरातील सर्वच होतील खुश

साहित्य

• कारलं
• 2 हिरव्या मिरच्या
• 4 लसूण पाकळ्या
• आल्याचा एक छोटा तुकडा
• अर्धा कप ताजी कोथिंबीर लागेल
• एक चमचा लिंबाचा रस
• एक चमचा मोहरी
• अर्धा चमचा हळद
• अर्धा चमचा जिरेपूड
• एक चमचा तीळ
• एक चमचा किसलेले खोबरे
• एक चमचा मोहरीचे तेल

सकाळच्या नाश्त्याला बनवा चवदार आणि मोकळे कांदेपोहे, लगेच नोट करा रेसिपी

कृती

• कारल्याची चटणी बनवण्यासाठी सर्वप्रथम कारलं धुवून त्याचे छोटे तुकडे करा
• यानंतर, कारल्याचा कडूपणा दूर करण्यासाठी, त्यावर थोडे मीठ लावा आणि सुमारे 15 मिनिटे ठेवा
• आता तुम्ही कारले धुवून हलकेच पिळून घ्या. यानंतर कढईत मोहरीचे तेल गरम करून त्यात मोहरी टाका
• मोहरी तडतडल्यानंतर पॅनमध्ये लसूण, आले, हिरवी मिरची आणि तीळ घालून एक ते दीड मिनिटे परतून घ्या
• आता कढईत चिरलेला कडबा घालून मंद आचेवर 5 मिनिटे परतून घ्या आणि नंतर हळद, जिरेपूड आणि मीठ घालून चांगले मिक्स करा
• यानंतर तुम्ही त्यात किसलेले खोबरे टाकून मिक्स करा
• सर्वकाही नीट एकत्र मिसळा आणि मिश्रण थंड होण्याची प्रतीक्षा करा
• आता हे थंड मिश्रण मिक्सरमध्ये टाका. तसेच कोथिंबीर आणि लिंबाचा रस मिक्सरमध्ये टाका
• सर्वकाही बारीक बारीक करा. शेवटी थोडे पाणी घालून हे मिश्रण गुळगुळीत करा
• अशाप्रकारे तुमची कारल्याची चटणी तयार होईल
• आता तुम्ही ही कारल्याची चटणी सर्व्ह करू शकता