बाप्पाच्या प्रसादासाठी वाटीभर रव्यापासून बनवा मऊसूत गोड बर्फी, जाणून घ्या सोपी रेसिपी

अखेर गणेशिवोत्सवचा पवित्र सण सुरु झाला आहे. या सणानिमित्त देवाची पूजा-अर्चा करत बाप्पाच्या प्रसादासाठी नवनवीन पदार्थांची मेजवानी तयार केली जाते. यात अधिकतर गोडाच्या पदार्थांचा समावेश असतो. तुम्हालाही सहज, सोपा आणि टेस्टी असा प्रसाद बनवायचा असेल आजची ही खास रेसिपी त्वरित जाणून घ्या. ही रेसिपी फार कमी साहित्यापासून आणि कमी वेळेत बनून तयार होते.

गणेशोत्सव अखेर सुरु झाला असून आपल्या या मायानगरीत आता बाप्पाचे मोठ्या जोशात आगमन झाले आहे. महाराष्ट्रातील मुख्य सणांपैकी हा एक सण आहे. हिंदू धर्मात या सणाला फार महत्त्व आहे. या सणानिमित्त बाप्पाची पूजा-अर्चा करून त्याला प्रसाद अर्पण केला जातो. आता अनेकदा या प्रसादासाठी काही गोडाचा पदार्थ बनवला जातो.

आम्हीदेखील बाप्पाच्या प्रसादासाठीची एक खास आणि सोपी रेसिपी आज तुमच्यासोबत शेअर करत आहोत. तुम्ही लाडू, मोदक हे पदार्थ तर बाप्पासाठी अनेकदा बनवले असतील मात्र घाईगडबडीच्या वेळी तुम्ही बाप्पासाठी सहज आणि सोप्या पद्धतीने रव्याची बर्फी तयार करू शकता. आज आम्ही तुम्हाला एक वाटी रव्यापासून मऊसूत आणि स्वादिष्ट बर्फी कशी तयार करायची याची एक खास रेसिपी सांगत आहोत. जाणून घ्या यासाठी लागणारे साहित्य आणि कृती.

हेदेखील वाचा – Ganesh Chaturthi Recipe: बाप्पाला करा खुश! नैवेद्यासाठी बनवा कुरकुरीत तळणीचे मोदक

साहित्य

• रवा
• तूप
• साखर
• पाणी
• सुकं खोबरं
• वेलची पूड

हेदेखील वाचा – गौरीगणपतीला नैवेद्यासाठी आवर्जून बनवा भोपळ्याची चटपटीत भाजी, नोट करा विदर्भ स्टाईल रेसिपी

कृती

• रव्याची बर्फी बनवण्यासाठी सर्वप्रथम एका कढईत 3 चमचे तूप घाला
• तूप विरघळल्यानंतर यात एक वाटी रवा टाका आणि परतून घ्या
• रवा खरपूस भाजून झाल्यानंतर एका बाऊलमध्ये काढून घ्या.
• त्यानंतर कढईत एक वाटी साखर घाला
• यानंतर यात ग्लासभर पाणी टाका
• पाण्यात साखर विरघळल्यानंतर त्यात भाजलेला रवा घालून मिक्स करा
• नंतर यात एक कप किसलेलं खोबर आणि अर्धा चमचा वेलची पूड घाला आणि मिक्स करा आणि मग गॅस बंद करा
• आता एका ताटाला तुपाने ग्रीस करा
• मग यात तयार मिश्रण पसरवा आणि मग यावर ड्राय फ्रुट्सचे तुकडे गार्निश करा
• नंतर हे मिश्रण काहीवेळ थंड करत ठेवा आणि मग चाकूच्या साहाय्याने याच्या वड्या पाडून घ्या
• अशाप्रकारे तुमची रव्याची बर्फी काही मिनिटांतच तयार होईल