गौरीगणपतीला नैवेद्यासाठी आवर्जून बनवा भोपळ्याची चटपटीत भाजी, नोट करा विदर्भ स्टाईल रेसिपी

गणेशेत्सवाला अखेर सुरुवात झाली असून लवकरच आता येत्या काही दिवसांत गौरीचे आगमन होणार आहे. गौरीच्या पूजेवेळी तिला काही खास पदार्थांचा नैवेद्य दाखवला जातो. यातीलच एक पदार्थ म्हणजे भोपळ्याची भाजी. तुम्हाला नैवेद्यासाठी भोपळ्याची भाजी कशी तयार करायची माहिती नसल्यास आजची ही रेसिपी तुमच्या कामाची ठरणार आहे. विदर्भ स्टाईलमध्ये भोपळ्याची भाजी कशी तयार करायची ते जाणून घ्या.

Follow Us:

Follow Us:

अखेर आपल्या या मायानगरीत बाप्पाचे आगमन झाले आहे. गणेशोत्सव सुरु झाला असून येत्या 10 सप्टेंबरला गौराईचे आगमन होणार आहे. 11 सप्टेंबर रोजी गौराईची पूजा होणार असून तिच्या पूजेवेळी काही खास पदार्थांची मेजवानी तयार केली जाते. या दिवशी भोपळ्याची भाजी, सोळा भाज्याची मिक्स भाजी, सोळा चटण्या, आंबिल, कतली या पदार्थांना विशेष महत्त्व असते.

गौराईच्या नैवेद्यासाठी तयार केली जाणारी भोपळ्याची भाजी घरी कशी तयार करायची तुम्हाला ठाऊक नसल्यास आजची ही सोपी रेसिपी तुम्ही फॉलो करू शकता. आज आम्ही तुमच्यासोबत विदर्भ स्टाईल भोपळ्याची चमचमीत भाजी कशी तयार करायची याची एक सोपी आणि अनोखी रेसिपी शेअर करत आहोत. जाणून घेऊयात यासाठी लागणारे साहित्य आणि कृती.

हेदेखील वाचा – आज घरी बनवा ‘ही’ हटके रेसिपी; जाणून घ्या, चायनीज नूडल्स समोसे बनवण्याची सोपी पद्धत

साहित्य

• लाल भोपळा
• आंबड चुका
• पालक
• कांदा
• लसूण
• हिरवी मिरची
• कोथिंबीर
• खोबरं
• खसखस
• जिरं
• मोहरी
• हळद
• धने पावडर
• गरम मसाला
• तेल
• मीठ

हेदेखील वाचा – Ganesh Chaturthi Recipe: बाप्पाला करा खुश! नैवेद्यासाठी बनवा कुरकुरीत तळणीचे मोदक

कृती

• विदर्भ स्टाईल भोपळ्याची चमचमीत भाजी तयार करण्यासाठी सर्वप्रथम भोपळ्याचे चौकोनी काप करून घघ्या
• त्यानंतर याची साल काढून पाण्याने यांना स्वछ धुवून घ्या
• यानंतर थोडीशी पालक, आंबटचुकाची भाजी सुद्धा धुवून बारीक चिरून घ्या
• आता गॅसवर एक कढई ठेवून त्यात तेल टाका
• मग यात चिरलेला कांदा आणि खोबर बारीक आचेवर काहीवेळ लालसर भाजून घ्या
• यांनतर मिक्सरच्या भांड्यात खसखस टाकून बारीक करून घ्या
• ही खसखसची तयार पेस्ट बाजूला ठेवा
• आता लसूण, कोथिंबीर आणि हिरवी मिरची सुद्धा मिक्सरमध्ये बारीक करून घ्या
• या भाजीमध्ये लाल तिखट वापरत नसल्यामुळे तुम्हाला जेवढे तिखट हवे त्यानुसार हिरव्या मिरच्या घ्या
• आता गॅसवर एक कढई ठेवून त्यात तेल टाका, यात इतर भाज्यांच्या तुलनेत थोडे जास्त तेल घ्या
• तेल गरम झाले की यात जिरं, मोहरी आणि हिंग टाका
• यांनतर यात कांदा आणि खोबऱ्याची तयार पेस्ट टाकून चांगली परतून घ्या
• नंतर यात थोडेसे पालक, आंबटचुका टाकून शिजवून घ्या. हे शिजवण्यासाठी थोडेसे पाणी टाकून झाकून शिजवा
• मग यात हळद, धने पावडर, गरम मसाला, मीठ टाका आणि सर्व साहित्यात नीट एकजीव करा
• तुम्हाला नको असेल तर तुम्ही गरम मसाला स्किप करू शकता
• आता यात भोपळ्याचे काप टाका आणि थोडेसे पाणी टाकून यावर झाकण ठेवून काही मिनिटे ही भाजी शिजू द्या
• भोपळा मऊ झाला की गॅस बंद करा
• अशाप्रकारे तुमची चमचमीत भोपळ्याची भाजी तयार होईल

Web Title: Vidarbha style pumpkin vegetable recipe for gauri ganpati prasad

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com