Gudi Padwa 2025: सणानिमित्त करा खास बेत, घरच्या घरी बनवा गोड थंडगार आम्रखंड; फार सोपी आहे रेसिपी

Amarkhand Recipe: गुढी पाडव्याचा सण आता अवघ्या काही दिवसांवर आला आहे. अशात तुमच्या मेजवानीत थंडगार आम्रखंडाचा समावेश करायला विसरू नका. तुम्ही अवघ्या काही मिनिटांतच आम्रखंड तयार करू शकता.

गुढीपाडवा हा हिंदू धर्मातील एक विशेष सण आहे. हा सण मराठी नववर्षाचा सण मानला जातो. हिंदू दिनदर्शिकेनुसार चैत्र महिन्याच्या पहिल्या दिवशी साजरा केला जातो. हा दिवस वसंत ऋतूच्या आगमनाचे प्रतीक मानला जातो. गुढीपाडवा हा मराठी संस्कृतीतला सर्वात महत्वाचा दिवस आहे, या दिवशी लोक आपल्या घरी गुढी उभारून पूजा करतात आणि घरी उत्कृष्ट मेजवानीचा बेत केला जातो. आता मेजवानी म्हटली की, त्यात गोडाचा समावेश हा आवजून केला जातो. अशात आज आम्ही तुमच्यासाठी एक चवदार रेसिपी घेऊन आलो आहोत.

Raw Mango Chutney: कैरीपासून बनवा आंबट-गोड चटणी; जेवणाची चव आणखीन वाढेल

अनेकदा सणाच्या दिवशी लोकांच्या घरी श्रीखंड पुरीचा बेत बनतो. त्यातही उन्हाळ्याचा सीजन म्हटलं की आम्रखंड आलाच. तुम्ही बऱ्याचदा हा आम्रखंड बाजारातून खरेदी करून खाल्ला असेल मात्र आम्ही तुम्हाला सांगतो की, तुम्ही घरीदेखील चविष्ट असे आम्रखंड तयार करू शकता. मुख्य म्हणजे यासाठी विशेष काही मेहनत घेण्याची गरज नाही. तुम्ही सहज आणि सोप्या पद्धतीने बाजारासारखा आम्रखंड घरीच तयार करू शकता. चला तर मग यासाठी लागणारे साहित्य आणि कृती.

साहित्य

• आंब्याचा रस 100 ग्रॅम
• दही दोन किलो
• पीठी साखर 150 ग्रॅम
• केसर
• वेलची
• पिस्ता 20 ग्रॅम
• आंब्याच्या बारीक फोडी

See more

हेल्दी पदार्थ खाण्याची इच्छा झाल्यास सकाळच्या नाश्त्यात बनवा Mixed vegetable soup, नोट करा रेसिपी

कृती

• आम्रखंड बनवण्यासाठी सर्वप्रथम एक स्वछ सुती कापड घ्या
• आता या कापडात दही टाकून, पिळून त्यातील अतिरिक्त पाणी काढून घ्या, आता दह्याचा चक्का तयार होईल
• आता मिक्सरमध्ये वेलची वाटून पावडर तयार करा
• दह्याच्या चक्क्यामध्ये वेलची पावडर, पिठी साखर आणि केसर घालून नीट फेटून घ्या
• आता यात आंब्याचा रस घाला आणि पुन्हा सर्व साहित्य नीट फेटून घ्या
• अशाप्रकारे तुमचा आम्रखंड तयार होईल
• तयार आम्रखंड फ्रिजमध्ये ठेवून थंड करा आणि गरमा गरम पुरीसह याला खाण्यासाठी सर्व्ह करा
• तुम्ही अनेक दिवस हा आम्रखंड फ्रिजमध्ये साठवून ठेवू शकता