Gudi Padwa Special: घरी बनवा पारंपरिक आंबेडाळीचा नैवेद्य, त्वरित नोट करा रेसिपी

Ambe Dal Recipe: गुढीपाडवानिमित्त तुम्हीही जर घरी काही चवदार आणि पारंपरिक जेवणाची मेजवानी तयार करण्याचा विचार करत असाल केला असेल तर यात आंबेडाळीचा नक्की समावेश करा.

गुढीपाडवा हा सण हिंदू धर्मातील महत्त्वाचा सण मानला जातो. या सणानिमित्त घरात गुढी उभारून पूजा केली जाते. यानिमित्त घरात मेजवानीचे विशेष आयोजन केले जाते. चैत्र महिन्याची सुरुवात म्हणून हा सण साजरा केला जातो. उन्हाळ्यात बाजारात भरपूर कैरी उपलब्ध होते. लोक सहसा या काळात भरपूर कैरी खरेदी करू त्याचे लोणचे करतात किंवा कैरीचे पन्हे करतात. पण या व्यतिरिक्तही कैरीपासून अनेक पदार्थ बनवले जाऊ शकतात. आंबेडाळ बनवण्यासाठी कच्चे आंबे वापरले जातात. गुढी पाडवानिमित्त तुम्हीही जर काही नवीन चवदार आणि पौष्टीक बनवण्याचा विचार केला असेल तर आंबेडाळीची ही रेसिपी तुमच्यासाठी एकदम परफेक्ट आहे.

Recipe: मूग डाळीपासून बनवलेली कुरकुरीत मठरी खाल्ली आहे का? चहासोबत लाजवाब लागेल

आज आम्ही तुम्हाला या लेखात पारंपरिक पद्धतीने आंबेडाळ कशी तयार करायची याची एक सोपी आणि झटपट रेसिपी सांगत आहोत. ही रेसिपी तुमच्या घरातील सर्वांनाच फार आवडेल. महाराष्ट्रात बहूतेक घरांमध्ये कैरीची डाळ बनवली जाते पण तुम्हाला हा पदार्थ कसा बनवायचा हे माहिती नसेल तर आजची ही रेसिपी तुमच्या फार कामी येईल. या रेसिपीने तुम्ही सणाचा दिवस आणखीनच खास बनवू शकता. चला तर मग जाणून घेऊया यासाठी लागणारे साहित्य आणि कृती.

साहित्य

• 4 वाटी भिजवलेली चणाडाळ
• 1 एक तोतापुरी कैरीचा
• 5 ते सहा हिरव्या मिरच्या
• 2 चमचे पिठीसाखर
• चवीनुसार मीठ
• 1/2 वाटी बारीक चिरलेली कोथिंबीर
• 3 टेबलस्पून तेल
• 2 टीस्पून मोहरी
• 1/4 टिस्पून हिंग

Eid Dishes: ईदनिमित्त घरी बनवा 4 प्रकारचे टेस्टी कबाब; इफ्तार पार्टी होईल आणखीन चवदार

कृती

• आंबेडाळ बनवण्यासाठी सर्वप्रथम कैरी धुवून, किसून घ्या
• यानंतर हिरवी मिरची आणि मूग डाळ मिक्सरमध्ये सरबरीत वाटून घ्या
• हे मिश्रण एका भांड्यात काढा आणि यात किसलेली कैरी घालून मिक्स करा
• त्यानंतर यात मीठ, साखर आणि चिरलेली कोथिंबीर घाला आणि मिक्स करा
• कढईमध्ये तेल घेऊन ते तापलं की त्यामध्ये मोहरी हिंग घालून खमंग फोडणी करा
• त्यानंतर गॅस बंद करा आणि हळद घाला
• मग ही फोडणी वाटलेल्या डाळीत मिक्स करून एकजीव करा
• अशाप्रकारे तुमची कैरी डाळ तयार होईल
• ही रेसिपी कुकपॅडवरून घेण्यात आली आहे