चटपटीत नाश्त्यासाठी घरीच गव्हाच्या पिठापासून बनवा पौष्टिक नूडल्स, लहान मुलेही होतील खुश

बाजारातील नूडल्स तर तुम्ही बऱ्याचदा खाल्ले असतील मात्र यावेळी घरीच गव्हाच्या पिठापासून पौष्टिक आणि चवदार असे नूडल्स बनवून पहा. या रेसिपीने तुम्ही घरातील सर्वांना खुश करू शकता. जाणून घ्या याची सोपी रेसिपी.

सकाळचा नाश्ता हा आपल्या रोजच्या जीवनातील एक अविभाज्य भाग. नाश्ता कधीही चुकवू नये, सकाळचा नाश्ता आपल्याला दिवसभर उत्साहित राहण्यास एनर्जी प्रदान करत असत. आता नाश्ता म्हटलं की, तेच तेच पदार्थ आठवू लागतात जसे की, पोहा, उपमा मात्र आम्ही तुम्हाला सांगतो की, हे बोरिंग नाश्त्याचे प्रकार सोडा आणि आता घरीच बनवा सर्वांच्या आवडीचे चायनीज नूडल्स! नूडल्स हा एक असाल खाद्यपदार्थ आहे जो लहानांनाच काय तर मोठ्यांनाही खायला फार आवडतो. हा एक पाश्चात्य पदार्थ जरी असला तरी जगभरात या पदार्थाचे भरपूर चाहते आहेत. अशात तुम्हीही हे नूडल्स अनेकांदा हॉटेलमध्ये किंवा स्ट्रीट फूड कॉर्नरवर खाल्ले असेल.

नूडल्स चवीला छान लागत असले तरी यात मैद्याचा वापर केला जातो जो आपल्या आरोग्यासाठी चांगला नाही. अशात आज आम्ही तुम्हाला गव्हाच्या पिठापासून पौष्टिक पण चविष्ट असे नूडल्स कसे तयार करायचे याची एक सोपी रेसिपी सांगत आहोत. ही रेसिपी तुमच्या घरातील सर्वांनाच खुश करेल शिवाय फार कमी वेळेत बनून तयार देखील होईल. चला तर मग आता अजिबात वेळ न घालवता जाणून घेऊयात यासाठी लागणारे साहित्य आणि कृती.

रेसिपीच्या बातम्या वाचण्यासाठी इथे क्लिक करा

साहित्य

• एक वाटी पिठ
• मिठ
• नूडल्स मसाला
• चिरलेला कांदा
• तुमच्या आवडीच्या भाज्या (कोबी, शिमला मिरची, कॉर्न, गाजर)
• शेजवान चटणी
• तेल

रेसिपीच्या बातम्या वाचण्यासाठी इथे क्लिक करा

कृती

• गव्हाच्या पिठाचे नूडल्स तयार करण्यासाठी सर्वप्रथम परातीत एका वाटी पीठ घ्या
• यानंतर यात मीठ घाला आणि थोडे थोडे पाणी घालून पीठ व्यवस्थित घट्ट मळून घ्या
• पीठ मळून झाल्यावर पिठाच्या गोळ्याला हलके तेल लावा
• यानंतर दोन वाटी पाणी गरम करायला ठेवा
• आता शेव तयार करण्याचे साचे घ्या आणि यात तयार पिठाचा गोळा टाका
• आता गॅसवर ठेवलेल्या टोपातील पाणी गरम झाले की थेट यात नूडल्स पाडा
• हे नूडल्स काही मिनिटे उकळवून घ्या, यावेळी यांना फार हलवू नका नाहीतर नूडल्स तुडतील
• नूडल्स उकळले की गॅस बंद करा आणि यातील पाणी बाजूला काढून नूडल्स हवेवर ठेवा
• आता दुसरीकडे गॅसवर कढई ठेवा आणि यात तेल टाका
• तेल गरम झाले की यात चिरलेला कांदा आणि तुमच्या आवडीच्या भाज्या टाका
• सर्व भाज्या छान परतून, शिजवून घ्या
• मग यात शेजवान सॉस आणि बाजारात मिळणारा नूडल्स मसाला टाका
• तुम्ही यात तुमच्या आवडीचे सॉस देखील टाकू शकता
• शेवटी तयार नूडल्स यात टाका आणि साहित्यात नीट मिक्स करून झाकण ठेवून 1-2 मिनिटे शिजवून घ्या
• आता तयार नूडल्स एका प्लेटमध्ये खाण्यासाठी सर्व्ह करा