Recipe: नाश्त्याला बनवून पहा दुधीचा पराठा, आलू-प्याज पराठ्याची चवही यापुढे होईल फेल

नाश्त्यासाठी पराठा हा पदार्थ फार लोकप्रिय आहे. तुम्ही आजवर अनेक प्रकारचे पराठे खाल्ले असतील मात्र तुम्ही कधी दुधीचा पराठा खाल्ला आहे का? नसेल तर आजच रेसिपी वाचा आणि घरी बनवून याचा आस्वाद घ्या. चवीबरोबरच हा पराठा आरोग्यासाठीही फायद्याचा आहे. हा पराठा फार कमी वेळेत तयार होतो. सकाळच्या कामाच्या गडबडीत ही झटपट आणि चवदार रेसिपी तुमच्या खूप कामी येईल.

Follow Us:

Follow Us:

सकाळचा नाश्ता म्हटला की, पराठा हा पदार्थ आठवणे साहजिक आहे. मसालेदार स्टफिंग आणि मऊदार पिठात लपेटलेला पराठा अनेकांच्या आवडीचा नाश्ता आहे. आता पराठे अनेक प्रकारे बनवले जातात जसे की आलू पराठा, प्याज पराठा, मसाला पराठा मात्र तुम्ही कधी दुधी भोपळ्याचा पराठा खाल्ला आहे का? नसेल तर आजची ही सोपी रेसिपी पहा आणि त्वरित बनवून याचा आस्वाद घ्या.

दुधीपासून तयार केला जाणारा हा पराठा चवीला तर अप्रतिम लागतोच शिवाय आरोग्यासाठीही फार पौष्टिक मानला जातो. तुम्हाला दुधी खायला आवडत नसेल तर एकदा तरी तुम्ही याचा पराठा करून खायला हवा. आम्हाला खात्री आहे, तुम्ही एकदा या पदार्थाची चव चाखली तर बोट चाटून पुसून याचा आनंद लुटाल. हा पराठा बनवण्यासाठी फार वेळ लागत नाही. त्यामुळे चला अजिबात वेळ न दवडता यासाठी लागणारे साहित्य आणि कृती जाणून घेऊयात.

हेदेखील वाचा – मैदा नाही तर यावेळी साबुदाण्यापासून तयार करा मोमो, व्हायरल रेसिपी एकदा नक्की ट्राय करून पहा

साहित्य

• गव्हाचे पीठ
• दुधी
• जिरे
• बारीक चिरलेली हिरवी मिरची
• गरम मसाला
• कोथिंबीर
• हळद
• तूप
• तेल

हेदेखील वाचा – चवीबरोबरच पौष्टिकतेची भर! लहान मुलांसाठी घरी बनवा मूग सँडविच, झटपट तयार होते रेसिपी

कृती

• दुधीचा पराठा तयार करण्यासाठी सर्वप्रथम पिठात थोडे मीठ घालून मळून घ्या आणि पीठ चांगले सेट होण्यासाठी बाजूला ठेवून द्या
• आता दूधीला धुऊन किसून घ्या
• एका कढईत 1 चमचा तेल, थोडे जिरे, बारीक चिरलेली हिरवी मिरची, 1 चिमूट हळद आणि दुधी घालून परतून घ्या
• मग यावर झाकण ठेवा आणि काही मिनिटे सर्व साहित्य शिजवून घ्या
• त्यानंतर यात गरम मसाला आणि कोथिंबीर घाला आणि गॅस बंद करा
• तुम्ही तुमच्या चवीनुसार स्टफिंगमध्ये मसाले वाढवू किंवा कमी करू शकता
• लक्षात ठेवा की स्टफिंगला दुधीतील पाणी कोरडे होईपर्यंत शिजवावे लागेल
• आता मळलेल्या पिठाचे लहान गोळे करा आणि यात तयार स्टफिंग भरा
• व्यवस्थित याचा पराठा लाटून घ्या
• आता गॅसवर पॅन ठेवा आणि गरम झाला की यावर तयार पराठा टाका
• पराठ्याच्या दोन्ही बाजूंना तूप लावा आणि छान खरपूस भाजून घ्या
• अशाप्रकारे तुमचा दुधी पराठा अवघ्या काही मिनिटांतच तयार होईल
• एका प्लेटमध्ये हा पराठा दही आणि लोणच्यासोबत खाण्यासाठी सर्व्ह करा

Web Title: How to make dudhi paratha at home easy and quick recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com