रविवार, 15 नोव्हेंबर 2026
पुणे रन फॉर युनिटी मॅरेथॉनवरून रविंद्र धंगेकरांचा मुरलीधर मोहोळांना टोला!
Pune Marathon : पुण्यात आयोजित करण्यात आलेल्या ‘पुणे रन फॉर युनिटी’ मॅरेथॉनवरून आता राजकीय वातावरण तापलं आहे. केंद्रीय राज्यमंत्री आणि खासदार मुरलीधर मोहोळ यांच्या पुढाकाराने या मॅरेथॉनचं आयोजन करण्यात आलं होतं. मोहोळ यांनी झेंडा दाखवून स्पर्धेला सुरुवात केली, तर मुख्यमंत्री देवेंद्र फडणवीस यांनी ऑनलाइन उपस्थिती लावली होती.
आता मात्र, या कार्यक्रमासाठी पुणे महानगरपालिकेने दिलेल्या 50 लाख रुपयांच्या देणगीवरून शिवसेना शिंदे गटाचे नेते आणि माजी आमदार रविंद्र धंगेकर यांनी सवाल उपस्थित केले आहेत.
रविंद्र धंगेकर यांनी सोशल मीडियाच्या माध्यमातून महापालिका प्रशासनावर टीका केली. राज्यातील अनेक भाग दुष्काळी परिस्थितीचा सामना करत असताना सरकारकडून निधीचा काटकसरीने वापर केला जात असल्याचं सांगितलं जातं. मग पुणे महानगरपालिकेने मॅरेथॉनसाठी संस्कृती प्रतिष्ठानला तब्बल 50 लाख रुपये देणगी का दिली, असा सवाल त्यांनी उपस्थित केला.
Rohit Pawar : पुणे रिंग रोडला अजित पवारांचे नाव द्या; रोहित पवारांची मागणी
पुणेकरांच्या करातून जमा होणारा पैसा अशा कार्यक्रमांसाठी खर्च करण्याचा अधिकार महापालिका आयुक्तांना कोणी दिला, असा थेट प्रश्नही धंगेकर यांनी विचारला.
मॅरेथॉनचं आयोजन कमी खर्चातही करता आलं असतं. मात्र, 50 लाख रुपये देऊन राजकीय नेत्यांची चमकोगिरी करण्यासाठी सार्वजनिक पैशांचा वापर करण्यात आल्याचा आरोप धंगेकर यांनी केला. स्वतःच्या पैशातून अशा कार्यक्रमांचं आयोजन केल्यास आपली हरकत नसल्याचं सांगत त्यांनी दुष्काळी परिस्थितीत पुणेकरांच्या पैशांचा वापर करण्यावर आक्षेप घेतला.
धंगेकर यांनी यावेळी नगरसेवकांचं मानधन आणि सरकारी कर्मचाऱ्यांच्या पगाराचाही मुद्दा उपस्थित केला. एका बाजूला खर्चात कपात केली जात असताना दुसरीकडे मॅरेथॉनसाठी 50 लाख रुपये देण्याची गरज काय, असा सवाल त्यांनी केला.
तसंच, देशाच्या गृहमंत्र्यांनी या कार्यक्रमाकडे पाठ फिरवल्याचा दावाही त्यांनी केला. त्यामुळे पुण्यातील मॅरेथॉनचा कार्यक्रम आता केवळ क्रीडा स्पर्धेपुरता मर्यादित न राहता राजकीय वादाचा विषय बनला आहे.
Pune Metro ची सुसाट घोडदौड! आठ दिवसांत तब्बल ‘इतक्या’ लाख प्रवाशांचा प्रवास; वाहतूक कोंडीवर…
Ans: केंद्रीय राज्यमंत्री आणि खासदार मुरलीधर मोहोळ यांच्या पुढाकाराने पुण्यात 'पुणे रन फॉर युनिटी' मॅरेथॉनचं आयोजन करण्यात आलं होतं.
Ans: पुणे महानगरपालिकेने संस्कृती प्रतिष्ठानच्या मॅरेथॉनसाठी 50 लाख रुपये देणगी दिल्याचा आरोप धंगेकर यांनी केला. पुणेकरांच्या कराच्या पैशांचा अपव्यय होत असल्याचा सवालही त्यांनी उपस्थित केला.
Ans: मॅरेथॉनच्या माध्यमातून राजकीय नेत्यांचं ब्रँडिंग करण्यासाठी पुणेकरांचा पैसा वापरला जात असल्याचा आरोप धंगेकर यांनी केला. स्वतःच्या पैशातून कार्यक्रम केल्यास आपली हरकत नसल्याचंही ते म्हणाले.
