पावसाळ्यात भजी नाही तर बनवा टेस्टी पोटॅटो बॉल्स! चव अशी की सर्वच होतील फिदा

नाश्त्याला काही हटके बनवण्याचा विचार करत आहात? मग ही रेसिपी जरूर करून पहा. ही रेसिपी तुम्हाला पावसाळ्यातील भजी विसरायला लावेल, आजच साहित्य आणि कृती जाणून घ्या. (फोटो सौजन्य: Pinterest)

Follow Us:

Follow Us:

पावसाळ्यात नेहमीच काही तरी गरमा गरम आणि कुरकुरीत खाण्याची इच्छा होत असते. या ऋतूत भजी हा पदार्थ फार लोकप्रिय. अनेकजण पावसाच्या थंड वातावरणात गरमा गरम भज्यांचा आस्वाद घेत असतात. मात्र संपूर्ण पावसाळा तुम्ही काय फक्त भज्यांचाच स्वाद चाखाल? आता बस झाले ते भजी, या पावसाळ्यात काही तरी हटके होऊन जाऊद्यात. नवनवीन पदार्थ बनवायला आणि खायला तुम्हाला आवडत असेल तर आजची ही रेसिपी नक्की फॉलो करा.

आज आम्ही तुम्हाला पोटॅटो बॉल्स यांची एक हटके रेसिपी सांगत आहोत. हे चवीला फार अप्रतिम आणि कुरकुरीत लागतात आणि यांना बनवायला फार वेळही लागत नाही. हा एक असा पदार्थ आहे, जो लहानापासून मोठ्यांपर्यंत सर्वांच्याच पसंतीस पडेल. चला तर मग जाणून घ्या यासाठी लागणारे आवश्यक साहित्य आणि कृती.

हेदेखील वाचा – सकाळच्या नाश्त्याला बनवा पौष्टिक आणि स्वादिष्ट ओट्स कटलेट! काही मिनिटांतच बनून तयार होईल

साहित्य

• 4 लहान बटाटे
• 3/4 कप मैदा
• 3/4 कप पोहे
• 1-2 बारीक चिरलेल्या हिरव्या मिरच्या
• 1 टीस्पून जिरे पूड
• थोडी पुदिन्याची पाने
• लिंबाचा रस
• मीठ चवीनुसार
• आवश्यकतेनुसार तेल
• आवश्यकतेनुसार पाणी

कृती

• पोटॅटो बॉल्स बनवण्यासाठी सर्वप्रथम बटाटे उकडून घ्या
• यानंतर उकडलेले बटाटे नीट मॅश करून घ्या
• आता एका भांड्यात मॅश बटाटे, चिरलेली पुदिन्याची पाने, हिरवी मिरची, जिरे पूड, मीठ आणि लिंबाचा रस घालून सर्व साहित्य चांगले एकजीव करून घ्या
• यानंतर तयार मिश्रणाचे छोटे छोटे गोळे तयार करा
• आता यांच्या कोटिंगसाठी एका बाऊलमध्ये मैदा आणि पाण्याचे एक पातळ मिश्रण तयार करा
• तयार केलेले बॉल्स या पातळ मिश्रणात बुडवून घ्या
• मग पोह्यांवर या गोळ्याला ठेवून छान कोट करून घ्या
• आता गॅस चालू करून त्यावर एक कढई ठेवा आणि त्यात तेल टाका
• तेल गरम झाले की, मध्यम आचेवर हे गोळे छान सोनेरी रंग येईपर्यंत तळून घ्या
• अशाप्रकारे तुमचे क्रिस्पी पोटॅटो बॉल्स तयार होतील
• हे पोटॅटो बॉल्स सॉससोबत खाण्यासाठी सर्व्ह करा

Web Title: Monsoon special crispy aloo kurkure recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com