शनिवार, 14 नोव्हेंबर 2026
लांजा येथे भीषण अपघात (फोटो- ai gemini)
याबाचत अधिक माहिती अशी की, गुरुवारी दुपारी खाजगी आराम बस विरार येथून मालवणच्या दिशेने निघाली होती, तर मालवाहू ट्रक राजस्थानवरून गोवाच्या दिशेने निघाला होता. शुक्रवारी पहाटे खाजगी आराम बस अंजनारी येथील धोकादायक पुलाजवळ आली असता मागून येणाऱ्या ट्रक चालकाचे नियंत्रण सुटल्याने ट्रकने आराम बसला दोनवेळा जबर धडक दिली. त्यामुळे आरामबस महामार्गावर कलंडली व १०० फूट फरफटत जाऊन संरक्षक भिंतीवर जाऊन धडकली.
Ratnagiri: भीषण काळरात्र! पोलिस अपघाताची माहिती घेण्यासाठी अंजनारी घाटात गेले अन् कंटेनरने…
बसला धडक बसताच प्रवाशांच्या एकच थरकाप उडाला. संरक्षक भिंतीमुळे बस अडली, अन्यथा २०० फूट खोल नदी पात्रात कोसळली असती. सुदैवाने कोणतीही जीवितहानी झाली नसली तरी अपघातात दोन्ही वाहनांचे मोठे नुकसान झाले. या अपघातात नयन दीपक कुलकर (१० वर्षे, विरार), प्रकाश धकटु धावडे (५४ वर्षे, वारगाव कणकवली), प्रांजल मंगेश राऊत (वय ९ वर्षे, रा. मुंबई), रुत्वी अभिषेक पारकर (वय-१० वर्षे, रा. मुंबई), यशवी अभिषेक पारकर (५४ वर्षे, रा. मुंबई). आराध्या अभिषेक पारकर (वय ३८ वर्षे, रा. मुंबई), सुधा महेश सावंत (वय-२८ वर्षे, रा. देवगड), अश्विनी जयवंत बालम (वय-२० वर्षे, रा.मुबंई), विश्वास लक्ष्मण राऊत (वय-५५, रा. मुंबई), विनिता विश्वास राऊत (वय ५२ वर्षे, रा. मुबंई), सुर्यकांत शंकर जडवी (रा.मुंबई), या प्रवाशांसह ट्रक चालक दिलावर सुमार खान (वय ३६ वर्षे, रा. जैसलमेर, राजस्थान) असे १३ प्रवासी यासह अन्य ८ जण किरकोळ जखमी झाले.
या अपघाताबाबत माहिती अशी की, श्रीस्वामी कृपा नावाची खासगी आरामबस विरार येथून गुरुवारी दु.३.३० वा. खासगी आराम बस (क्र. एम एच ४८, डिसी-९४३९) प्रवाशी घेऊन मालवण येथे जाण्यास निघाली. आरामबस हृषीकेश अनंत जोशी (वय- २४, रा. कारगिल नगर, मधूरपाडा, विरार पूर्व) व त्याचा सहकारी चालक कुणाल प्रकाश कांबळे (वय-२६, रा. विजयनगर, विरार पूर्व) हे दोघे बदलीने बस चालवत होते. आरामबस मुंबई-गोवा महामार्गाने जात असताना बस लांजा तालुक्यातील अंजणारी येथील काजळी नदी पुलानजदीक शुक्रवारी पहाटे ३.४५ च्या दरम्यान आली असता, याच दरम्यान राजस्थान ते गोवाच्या दिशेने सोळा चाकी ट्रक (क्र. आरजे-१९, जिजे ४७८६) हा महेंद्र कंपनीच्या वाहनांचे बॉडीपार्ट्स व मार्बल्स असे अवजड साहित्य घेऊन गोवाच्या दिशेने निघाला होता.
Train Accident: मोठा अपघात! आसाममध्ये कोलकाता-सैरंग एक्सप्रेस रुळावरून घसरली, अनेक प्रवास जखमी
ट्रक दिलावर सुमार खान (वय-३६, रा. जैसलमेर, राजस्थान) हा चालवत होता. विलनअर सुभान खान (वय- २२ वर्षे, रा.जैसलमेर, राजस्थान) हा सोबत होता. अंजणारी घाटाच्या तीव्र उतारावर आरामबस आली असता बस मागे भरधाव असणाऱ्या ट्रक चालकाचे वाहनावरील नियंत्रण सुटल्याने पुढे असणाऱ्या आराम बसला मागून जोरदार दोन वेळा धडक दिली.
Ans: हा भीषण अपघात रत्नागिरी जिल्ह्यातील लांजा येथे घडला.
Ans: या अपघातात ४ जण गंभीर जखमी झाले असून १६ प्रवासी किरकोळ जखमी झाले आहेत.
