सकाळच्या नाश्त्याला बनवा पौष्टिक आणि स्वादिष्ट ओट्स कटलेट! काही मिनिटांतच बनून तयार होईल

सकाळचा नाश्ता आरोग्यासाठी फार फायदेशीर ठरत असतो. नेहमी पौष्टिक नाश्ता करण्याचा सल्ला दिला जातो. तुम्हीही हेल्दी आणि टेस्टी असा नाश्ता शोधत असाल तर ओट्स कटलेटची रेसिपी एकदा नक्की करून पहा. (फोटो सौजन्य: istock)

Follow Us:

Follow Us:

सकाळचा नाश्ता आपल्या आरोग्यासाठी फार फायदेशीर ठरत असतो. अनेकदा सकाळचा नाश्ता हा पौष्टिक करण्याचा सल्ला दिला जातो, याने आपले पोट भरलेले राहते आणि यातून दिवसभरासाठी आपल्याला एनर्जी मिळते. बदलत्या जीवनशैलीमुळे अनेकजण बाहेरचे पदार्थ खाण्यावर अधिक भर देतात मात्र यामुळे आपले आरोग्य धोक्यात पडू शकते. बाहेरचे अन्नपदार्थ खाण्याऐवजी तुम्ही घरीच स्वादिष्ट आणि हेल्दी असे अनेक पदार्थ बनवू शकता.

हेल्दी म्हटलं की ओट्सचे नाव आलेच. मात्र ओट्सची चव फारशी चविष्ट नसल्याकारणाने अनेक लोक याला खाणे टाळतात. मात्र तुम्हाला माहित आहे का? तुम्ही ओट्सपासून नवीन स्वादिष्ट पदार्थ बनवू शकता, जो चवीलाही अप्रतिम असेल आणि आरोग्यासाठीही फायदेशीर ठरेल. आजच्या आपल्या रेसिपीचे नाव आहे ओट्स कटलेट. ही रेसिपी सकाळच्या नाश्त्यासाठी एक उत्तम पर्याय आहे मात्र तुम्हाला हवे असल्यास तुम्ही संध्याकाळच्या नाश्त्यासाठीही ही रेसिपी बनवू शकता. चला तर मग यासाठी लागणारे साहित्य आणि कृती जाणून घेऊयात.

हेदेखील वाचा – Poha Papad Recipe: जेवणाची चव वाढवेल पोह्यांचे कुरकुरीत पापड! लगेच रेसिपी नोट करा

साहित्य

• पनीर
• कांदा
• कोबी
• बीन्स
• रताळे
• लाल शिमला मिरची
• हिरवी मिरची
• आले
• कोथिंबीर
• लिंबू
• लाल तिखट
• हळद
• चाट मसाला
• सैंधव मीठ
• मीठ

कृती

• ओट्स कटलेट बनवण्यासाठी सर्वप्रथम एका भांड्यात पनीर किसून घ्या
• नंतर यात उकडलेले आणि मॅश केलेले रताळे घाला आणि मिक्स करा
• यानंतर यात आलं, मीठ, सैंधव मीठ, लाल तिखट, हळद, चाट मसाला, कोथिंबीर आणि लिंबाचा रस घाला आणि नीट एकजीव करून घ्या
• मग यात बारीक चिरलेल्या सर्व भाज्या टाकून मिश्रण एकत्र करून घ्या
• तयार मिश्रणाचा एक लहान भाग घेऊन तुम्हाला हव्या त्या आकारात याचे कटलेट तयार करून घ्या
• यानंतर एक नॉनस्टिक पॅन गॅसवर ठेवून तो गरम झाला की त्यात तेल टाका
• यानंतर यावर तयार ओट्स कटलेट ठेवा आणि मध्यम आचेवर छान खरपूस भाजून घ्या
• या ओट्स पॅनकेकला गोल्डन ब्राऊन होईपर्यंत दोन्ही बाजूंनी छान खरपूस भाजून घ्या
• अशाप्रकारे तुमचा ओट्स पॅनकेक तयार होईल
• या ओट्स पॅनकेकला पुदिन्याच्या चटणीसोबत खाण्यासाठी सर्व्ह करा

Web Title: Breakfast recipe how to make healthy oats cutlet

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com