मालिकेतील आसावरी स्पेशल भोपळ्याचे घारघे अजूनही आठवतात का? मग रेसिपी वाचा आणि घरी बनवून पहा

तुम्हालाही मराठी मालिका पाहण्याची आवड असेल तर तुम्हाला आसावरी स्पेशल भोपळ्याचे घारघे नक्कीच आठवत असतील. 'अग्गबाई सुनबाई' मालिकेतून हा पदार्थ घराघरात पोहचला. हा एक पारंपरिक मराठमोळा पदार्थ असून याला घरी बनवणे फार सोपे आहे. एकदा का तुमच्या तोंडाला याची चव लागली की आम्हाला खात्री आहे तुम्ही हा पदार्थ पुन्हा पुन्हा बनवून खाल.

तुम्हाला मराठी मालिकांचे वेड असेल तर तुम्हाला आसावरी स्पेशल भोपळ्याचे घारघे हा पदार्थ नक्कीच माहिती असेल. 2021 साली प्रदर्शित झालेल्या ‘अग्गबाई सुनबाई’ या मालिकेतून हा पदार्थ घराघरात फेमस झाला. या मालिकेत निवेदिता सराफ, तेजश्री प्रधान, गिरीश ओक या कलाकारांच्या मुख्य भूमिका होत्या. या मालिकेत आसावरी म्हणजेच अभिनेत्री निसदिता सराफ यांनी मालिकेत बनवलेल्या लाल भोपळ्याच्या घारग्यांची रेसिपी आज आम्ही तुमच्यासोबत शेअर करत आहोत.

प्रेक्षक मंडळींना मालिकेतील अनेक गोष्टी खऱ्या आयुष्यात कराव्याश्या वाटत असतात. मालिकेतील अभिनेत्रींच्या लुकपासून खाद्यपदार्थांपर्यंत सर्वच गोष्टी प्रेक्षनकांना जाणून घ्यायच्या असतात. म्हणूनच मालिकेतील ही प्रसिद्ध रेसिपी आज आम्ही तुमच्यासाठी घेऊन आलो आहोत. हे भोपळ्याचे घरघे चवीला फार अप्रतिम आणि स्वादिष्ट लागतात. हा एक पारंपरिक मराठमोळा पदार्थ आहे. जाणून घ्या यासाठी लागणारे साहित्य आणि कृती.

हेदेखील वाचा – डाळ-तांदळापासून नाही तर पोह्यापासून बनवा झटपट स्वादिष्ट इडली, जाणून घ्या सोपी रेसिपी

साहित्य

• 200 ग्रॅम लाल भोपळा
• 2 कप गहु चे पीठ
• 1/2 कप रवा
• 1/2 कप गुळ
• 1 कप तेल
• 2 टेबलस्पुन घी
• 1 टेबलस्पुन वेलची पूड
• 2 टेबलस्पुन तीळ
• चवीनुसार मीठ

हेदेखील वाचा – संध्याकाळच्या हलक्या भुकेसाठी घरी बनवा चटपटीत क्रिस्पी कॉर्न, अवघ्या 5 मिनिटांत तयार होईल रेसिपी

कृती

• भोपळ्याचे घारघे तयार करण्यासाठी सर्वप्रथम लाल भोपळा सोलुन आणि किसणी घ्या
• यानंतर गॅसवर एक कढई ठेवा आणि त्यात तूप घाला
• आता यात तयार भोपळ्याचा किस टाका आणि काहीवेळ चांगला खमंग परतून घ्या
• काही मिनिटे किस चांगला परतून घेतल्यानंतर यात गुळ, तीळ, वेलची पुड घालुन मिसळा आणि गॅस बंद करा
• हे मिश्रण थंड करत बाजूला ठेवून द्या
• दुसरीकडे एका परातीत गव्हाचे पिठ,रवा,मीठ एकत्र करुन घ्या
• नंतर भोपळ्याचे मिश्रण गहुच्या पिठात टाकून व्यवस्थित एकत्र करून याचा गोळा मळून घ्या
• पाणी आवश्यक असल्यास वापरा, नाहीतर पिठ पातळ होऊ शकते, भोपळ्याचे पाणी सुटते त्यामुळे पीठ आरामात मळता येते
• यानंतर 10 मिनीटे पिठ झाकुन ठेवा आणि मग तयार पिठाच्या पुऱ्या लाटून घ्या
• आता गॅसवर एक कढई ठेवून त्यात तेल टाका
• तेल गरम झाले की तयार घारघे मंद आचेवर सोनेरी रंग येईपर्यंत छान खुशखुशीत तळून घ्या
• अशाप्रकारे तुमचे भोपळ्याचे घारघे तयार होतील