डाळ-तांदळापासून नाही तर पोह्यापासून बनवा झटपट स्वादिष्ट इडली, जाणून घ्या सोपी रेसिपी

इडली हा एक असा खाद्यपदार्थ आहे जो लहानांपासून मोठ्यांपर्यंत सर्वांनाच खायला फार आवडतो. हा दक्षिण भारतातील एक नाश्त्याचा प्रकार आहे. तुम्ही अनेकदा डाळ-तांदळापासून तयार केलेली इडली खाल्ली असेल. मात्र इडली बनवण्यासाठी त्याचे पीठ फार काळ आंबवावे लागते. म्हणूनच आज आम्ही तुमच्यासाठी पोह्यापासून तयार केली जाणारी इडलीची झटपट रेसिपी घेऊन आलो आहोत.

Follow Us:

Follow Us:

नाश्त्याचा विचार मनात आला की आपल्याला दक्षिण भारतीय खाद्यपदार्थांची आठवण येते. दक्षिण भारतातील अनेक नाश्त्याचे प्रकार हे फक्त देशभरच नाही तर जगभर प्रसिद्ध आहेत. लोक फार आवडीने या पदार्थांचा आस्वाद घेतात. यातीलच एक पदार्थ म्हणजे इडली. फ्लफी, सॉफ्ट इडली आणि सोबत नारळाची चटणी… हा नाश्ता कोणा स्वर्गसुखाहून कमी नाही.

इडली हा पदार्थ अधिकतर तांदूळ आणि डाळीपासून तयार केला जातो आणि यासाठी पीठ फार काळ आंबवत ठेवावे लागते. मात्र आज आम्ही तुमच्यासाठी इडलीची एक झटपट आणि सोपी रेसिपी घेऊन आलो आहोत. आज आम्ही तुम्हाला पोह्यांपासून इडली कशी तयार करायची यांची एक सोपी पद्धत सांगत आहोत. घरी इडलीचे पीठ नसले आणि इडली खावीशी वाटत असल्यास ही रेसिपी तुमच्या नक्कीच कमी येईल. जाणून घ्या यासाठी लागणारे साहित्य आणि कृती.

हेदेखील वाचा – संध्याकाळच्या हलक्या भुकेसाठी घरी बनवा चटपटीत क्रिस्पी कॉर्न, अवघ्या 5 मिनिटांत तयार होईल रेसिपी

साहित्य

• पोहे – 1 कप
• रवा – 1 कप
• दही -1 कप
• मीठ – चवीनुसार
• इनो – 1 टीस्पून
• तेल (इडली पात्राला लावण्यासाठी)

हेदेखील वाचा – जेवणाची रंगत वाढवेल चटकदार पांढऱ्या कांद्याचे लोणचे, त्वरित रेसिपी नोट करा

कृती

• पोहा इडली बनवण्यासाठी सर्वप्रथम एका भांड्यात पोहे घेऊन ते पाण्याने धुवून घ्या
• आता पोहे पाण्यातून काढून मिक्सरच्या भांड्यात टाका आणि याची एक पेस्ट तयार करा
• पोह्यांची पेस्ट तयार झाल्यावर एका मोठ्या भांड्यात घेऊन त्यात रवा आणि दही टाकून नीट मिक्स करा
• आता एक जाडसर मिश्रण तयार होईल
• हे मिश्रण व्यवस्थित एकजीव करून घ्या
• मिश्रण घट्ट असेल तर त्यात थोडे पाणी घालून पुन्हा मिक्स करा
• आता हे पीठ 15-20 मिनिटे बाजूला ठेवा, याने रवा व्यवस्थित फुगेल
• यानंतर इडली स्टीमरमध्ये पाणी टाकून गॅसवर ठेवा
• दुसरीकडे तयार पिठात इनो टाकून मिक्स करा
• आता इडलीच्या साच्यांना तेल लावा आणि मग तयार मिश्रण यात टाका
• आता मध्यम आचेवर ही इडली 15-20 मिनिटे वाफवून घ्या
• इडली छान वाफवून झाली की गॅस बंद करा आणि चमच्याच्या मदतीने इडली साच्यातून बाहेर काढा
• अशाप्रकारे तुमची चविष्ट इडली तयार होईल
• नारळाची चटणी आणि सांबारसोबत ही इडली खाण्यासाठी सर्व्ह करा

Web Title: Make delicious idli instantly from poh

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com