मैद्याचा वापर न करता पारंपारिक पद्धतीने बनवा सांगली साताऱ्याची प्रसिद्ध लाटीवडी, स्नॅक्ससाठी उत्तम पर्याय

लाटीवडी हा महाराष्ट्रातील पांरपारिक पदार्थ आहे. हा पदार्थ सांगली साताऱ्यातील एक प्रसिद्ध आणि लोकप्रिय पदार्थ आहे. लाटीवडी चवीला फार छान आणि कुरकुरीत लागते. फार कमी लोकांना या पदार्थांविषयी माहिती आहे. म्हणूनच आज आम्ही तुमच्यासाठी लाटीवडीची एक पारंपरिक रेसिपी घेऊन आलो आहोत. तुम्ही हा पदार्थ घरी बनवून अनेक दिवस साठवून ठेवू शकता. स्नॅक्ससाठी हा एक उत्तम पर्याय आहे.

महाराष्ट्राची खाद्यसंस्कृती फार पसरलेली आहे. राज्याच्या वेगवगेळ्या भागात जाताच खाद्यपदार्थांमध्ये बदल जाणवू लागतो. महाराष्ट्रीयन खाद्यसंस्कृती आपल्या पारंपारिक पदार्थांसाठी विशेष ओळखली जाते. असाच एक महाराष्ट्राचा फेमस आणि लोकप्रिय पदार्थ आहे जो फार कुणाला ठाऊक नाही. या पदार्थाचे नाव आहे लाटीवडी. हा पदार्थ विशेषतः सांगली साताऱ्यात अधिक प्रसिद्ध आहे.

हा पदार्थ चवीला कुरकुरीत आणि टेस्टी लागतो. लहान मुलांना तर हा पदार्थ फारच आवडेल. स्नॅक्ससाठी हा एक उत्तम पर्याय आहे. आज आम्ही तुमच्यासोबत पारंपारिक पद्धतीने बनवल्या जाणाऱ्या लाटीवडीची एक खास रेसिपी शेअर करत आहोत. तुम्हाला पारंपारिक आणि कोणती नवीन रेसिपी ट्राय करायची असल्यास तुम्ही या पदार्थाचा विचार करू शकता. जाणून घ्या यासाठी लागणारे साहित्य आणि कृती.

हेदेखील वाचा – नितीन गडकरींनी शेअर केली झटपट तयार होणारी वडा पावची रेसिपी, वाचा आणि जाणून घ्या

साहित्य

• लाटी वडी
• एक वाटी गव्हाचे पीठ
• एक वाटी बेसन पीठ
• अर्धा ते पाव चमचा हळद
• एक चमचा चिली फ्लेक्स
• चवीनुसार मीठ
• दोन चमचे मोहन तेल
• खसखस
• तळण्यासाटी तेल

हेदेखील वाचा – घरी बनवा बाजारासारखी चटपटीत पुदिन्याची चटणी, योग्य पद्धत जाणून घ्या

कृती

• लाटी वडी बनवण्यासाठी सर्वप्रथम एका परातीत गव्हाचे आणि बेसनाचे पीठ घ्या
• नंतर त्यात अर्धा ते पाव चमचा हळद एक चमचा चिली फ्लेक्स टाका, चवीनुसार मीठ टाकून मिश्रण एकत्र करा
• यानंतर यात दोन चमचे तेलाचे मोहन टाका आणि थोडे थोडे पाणी टाकून याचे व्यवस्थित पीठ मळून घ्या
• आता गॅसवर कढई गरम करून त्यात पाव वाटी तीळ आणि कारळे टाकून खरपूस भाजून घ्या आणि थंड होण्यासाठी मग बाजूला ठेवून द्या
• थंड झाल्यावर मिक्सरमध्ये याला वाटून घ्या
• आता त्यात अर्धी वाटी सुक्या खोबर्‍याचा किस टाका आणि पुन्हा वाटून घ्या
• नंतर यात अर्धी वाटी शेंगदाण्याचा कुट टाका
• मग यात अर्धा चमचा हळद, एक चमचा लाल तिखट, अर्धा चमचा जिरे पावडर, अर्धा चमचा आले लसूण पेस्ट,
• चवीनुसार मीठ टाकून सर्व मिश्रण एकत्र करून घ्या
• आता वडीच्या पातीसाठी पीठ पुन्हा एकदा मळून घ्या आणि त्याचा एक गोळा तयार करा
• हा गोळा व्यवस्थित पातळ आणि गोल लाटून घ्या
• हलकी खसखस टाकून याला हलक्या हाताने फिरावा
• खसखस टाकलेली पाती पलटून दुसऱ्या बाजूने हलक्या हाताने लाटा, मग यावर तयार सारण सर्वत्र पसरवून घ्यावे आणि हलक्या हाताने दाब द्या
• आता एका बाजूने पाती गुंडाळून घ्यावे आणि गुंडाळताना हलक्या हाताने दाबा आणि मग त्याते काप करून घ्या
• यानंतर गॅसवर एका भांड्यात पाणी तापवायला ठेवा आणि त्यावर चाळण ठेवा चाळणीला तेल लावून त्यात लाटी
• वडी वाफवण्यासाठी ठेवा. मध्यम आचेवर झाकण ठेवून 5 मिनिटे वाफ घ्या, चांगली वाफ आली की लाटी वडी
• काढून घ्या
• आता गॅसवर कढई ठेवून त्यात तेल टाका आणि तेल गरम झाले की सोनेरी रंग येईपर्यंत ही लाटी वडी छान तळून घ्या
  अशाप्रकारे तुमची कुरकुरीत आणि चवदार लाटी वडी तयार होईल