साखरेला मुळापासून उपटून टाकतील स्वयंपाकघरातील या बिया; याचा प्रत्येक दाणा म्हणजे अमृत, आजपासूनच खा... डझनभर आजार होतील दूर
सध्याच्या या धाकधुकीच्या आणि व्यस्त जीवनात लोक कामाच्या व्यापात आपल्या जीवनशैलीकडे दुर्लक्ष करू लागले आहेत म्हणूनच आजकाल बहुतेक लोकांना काही ना काही आजार जडलेला असतो. कुणाला लठ्ठपणाची समस्या तर कुणाला डायबिटीजची तर कुणाला कोलेस्ट्रॉलची… पण प्रत्येक आजारावर उपाय म्हणून फक्त औषधांचे सेवन करणे काही बरोबर नव्हे. आयुर्वेदात औषधांतून कित्येक पटींनी चांगले आणि प्रभावी उपाय सांगण्यात आले आहेत ज्यांचा वापर करून आपण आपले आरोग्य निरोगी बनवू शकतो. यासाठी फार काही पैसे घालवण्याची किंवा मेहनत करण्याची गरज नाही तर फक्त स्वयंपाकघरात उपलब्ध असलेल्या पदार्थांचा तुम्हाला वापर करायचा आहे. रिकाम्या पोटी भिजवलेल्या मेथीच्या दाण्याचे सेवन अनेक आजारांना दूर ठेवण्यासाठी प्रभावी ठरू शकते.
नगर बलिया येथील सरकारी आयुर्वेदिक रुग्णालयातील पाच वर्षांचा अनुभवी (एमडी मेडिसिन) वैद्यकीय अधिकारी डॉ. वंदना उपाध्याय यांच्या मते, मेथीच्या बियांमध्ये फायबर, लोह, मॅग्नेशियम, अँटीऑक्सिडंट्स आणि अनेक औषधी गुणधर्म असतात, जे शरीराला आतून मजबूत करण्यास मदत करतात. रात्रभर पाण्यात भिजवलेल्या मेथीपासून तयार केलेले पाणी दररोज सकाळी रिकाम्या पोटी टॉनिक म्हणून सेवन केल्यास अनेक आजार बरे होण्यास मदत होते.
बद्धकोष्ठतेपासून ते शरीरातली साखर कमी करण्यापर्यंत होतो फायदा
डॉ. वंदना यांच्या मते, मेथीच्या पाण्यात फायबर आढळते, जे शरीराची पचनक्रिया सुधारण्यास मदत करते. ते बद्धकोष्ठता, गॅस, आम्लता आणि पोट फुगणे यासारख्या अनेक समस्यांपासून आराम देते आणि आतड्यांचा आतून स्वछ करण्यास मदत करते. त्यात असलेले सॅपोनिन कंपाऊंड खराब कोलेस्ट्रॉल कमी करते आणि चांगले कोलेस्ट्रॉल वाढवते. यामुळेच याच्या नियमित सेवनाने हृदयरोगाचा धोका अनेक पटींनी कमी होतो. मेथीच्या बियांमध्ये नैसर्गिक घटक असतात, जे रक्तातील साखर शोषण्याची प्रक्रिया मंद करतात, म्हणजेच डायबिटीजच्या रुग्णांसाठी हा एक प्रभावी आणि फायदेशीर असा उपाय आहे.
डॉ. वंदना म्हणतात की मेथीचे पाणी मेटाबॉलिजम वाढवून शरीरातील चरबी कमी करण्यास मदत करते. त्यात विरघळणारे फायबर असते, जे पोट बराच काळ भरलेले ठेवते आणि अनावश्यकपणे भूक लागत नाही. मेथीमध्ये अँटीऑक्सिडंट्स आणि दाहक-विरोधी गुणधर्म आढळतात, जे त्वचेला मुरुम आणि सुरकुत्यापासून वाचवतात. हे केसांसाठी एक नैसर्गिक कंडिशनर म्हणून काम करते आणि त्यांना मजबूत आणि चमकदार बनवण्यास देखील मदत करते. मेथीचे पाणी शरीरातील विषारी पदार्थ शरीरबाहेर काढून टाकण्यास उपयुक्त ठरते. ते शरीरासाठी एक टॉनिक म्हणून काम करते.
मेथीचे पाणी कसे तयार करायचे?
मेथीचे पाणी तयार करण्यासाठी सर्वप्रथम एक चमचा मेथीचे दाणे एका ग्लासात किंवा वाटीत भिजवून ठेवा. सकाळी उठल्यावर उपाशी पोटी या पाण्याचे सेवन करा. तुम्हाला हवं असेल तर तुमच्या आवडीनुसार तुम्ही यात लिंबू आणि मध मिसळून पाण्याचे सेवन करू शकता. सोपा वाटणारा हा उपाय आपल्या आरोग्यासाठी मात्र वरदान ठरतो. याचे नियमित सेवन केल्यास तुम्ही निश्चितच अनेक आराजांपासून तुमचे शरीर सुरक्षित ठेवू शकता.
मेथीच्या दाण्यांचे पाणी पिण्याची सर्वोत्तम वेळ कधी आहे?
रिकाम्या पोटी सकाळी याचे सेवन करणे सर्वोत्तम मानले जाते.
दररोज हे पाणी पिता येते का?
हो, तुम्ही दररोज एक ग्लास हे पाणी पिऊ शकता, परंतु जास्त प्रमाणात ते टाळा.
दररोज हे पाणी पिणे सुरक्षित आहे का?
योग्य प्रमाणात मेथी सुरक्षित आहे, परंतु जास्त प्रमाणात सेवन केल्याने गॅस आणि पोटफुगी होऊ शकते.
टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.
.png "Videos"){kind=small}
