Ganesh Chaturthi 2025 : बाप्पाच्या प्रसादाला बनवा चविष्ट, पौष्टिक अन् पारंपारिक असं पंचखाद्य; पिढ्यानपिढ्या चालत आलीये रेसिपी

गणपतीच्या प्रसादात पंचखाद्याला विशेष मान! हा प्रसाद घरी नाही बनवला तर काय केलं... बाप्पा घरी जायच्या आत जाणून घ्या पंचधातूची पारंपरिक रेसिपी. अगदी झटपट, काही मिनिटांतच ही रेसिपी तयार होते.

गणेशोत्सव हा आपल्या संस्कृतीतील सर्वात मंगल व पवित्र सण मानला जातो. भाद्रपद शुद्ध चतुर्थीपासून सुरू होणारा हा उत्सव दहा दिवस घराघरांत भक्तिभाव, मंगलमय वातावरण आणि एकोप्याचा संदेश देतो. बाप्पाच्या आगमनाने घरामध्ये आनंदाचे वातावरण निर्माण होते. या काळात भक्तजन विविध नैवेद्य, गोडधोड पदार्थ व खास प्रसाद तयार करून गणरायाला अर्पण करतात. मोदक हा बाप्पाचा अत्यंत आवडता पदार्थ असला, तरी त्याचबरोबर काही पारंपरिक प्रसाद देखील गणेशोत्सवात नेहमीच केला जातो. त्यात पंचखाद्य या पौष्टिक व गोड पदार्थाला विशेष स्थान आहे.

दुपारच्या जेवणासाठी २० मिनिटांमध्ये झटपट बनवा स्वादिष्ट मसालेदार भात, नोट करून घ्या पदार्थ

पंचखाद्याची खासियत

पंचखाद्य म्हणजे नावाप्रमाणेच पाच पदार्थांच्या मिश्रणातून तयार केलेला प्रसाद. यात सुके मेवे, खारीक, खडीसाखर व सुकं खोबरं यांचा समावेश असतो. हे सर्व घटक आरोग्यासाठी अत्यंत गुणकारी असल्याने पंचखाद्य प्रसाद चविष्ट तर आहेच, पण पौष्टिकतेचा खजिनाही आहे. गणेशोत्सवात, गौरीपूजनात व इतर शुभ प्रसंगी हा प्रसाद नेहमी अर्पण केला जातो.

साहित्य

• सुकं खोबरं – ½ कप
• खारीक (बारीक चिरलेली) – ¼ कप
• बदाम – ¼ कप
• काजू – ¼ कप
• मनुका – ¼ कप
• खडीसाखर (पावडर) – ½ कप
• वेलची पूड – ½ टीस्पून

घाईगडबडीच्या वेळी सकाळच्या नाश्त्यासाठी झटपट बनवा उत्तपम, आरोग्यासाठी ठरेल पौष्टिक पदार्थ

कृती

• यासाठी सर्वप्रथम प्रथम सुकं खोबरं मंद आचेवर हलके भाजून घ्या. ते थंड होऊ द्या.
• बदाम व काजू लहान तुकडे करून ठेवा.
• खारीक बारीक चिरून घ्या.
• मोठ्या भांड्यात खोबरं, बदाम, काजू, खारीक व मनुका एकत्र करा.
• त्यात खडीसाखरेची पावडर व वेलची पूड घालून नीट मिसळा.
• सर्व घटक एकत्र मिसळल्यानंतर पंचखाद्य तयार आहे.
• बाप्पाला नैवेद्य दाखवा आणि नंतर सर्वांनी प्रसाद म्हणून आस्वाद घ्या.
• खारीक कडक वाटल्यास थोडेसे गरम पाण्यात भिजवून मऊ करून घ्या.
• हवे असल्यास पिस्ते, सुकी करवंदे किंवा इतर सुके मेवेही घालू शकता.
• पंचखाद्य हवाबंद डब्यात ठेवले तर ४-५ दिवस टिकते.
• गणेशोत्सवात पंचखाद्य हा एक सोपा, जलद व पौष्टिक प्रसाद असून बाप्पाच्या नैवेद्यासाठी नक्कीच बनवावा.

FAQs (संबंधित प्रश्न)

पंचखाद्य म्हणजे काय?
पंचखाद्य हे पाच “ख” अक्षराने सुरू होणाऱ्या पदार्थांचे मिश्रण आहे, जे गणपतीला प्रसाद म्हणून दिले जाते.

पंचखाद्य कशासाठी वापरले जाते?
हे विशेषतः गणपतीला नैवेद्य म्हणून दिले जाते. सणासुदीला, खासकरून गणेशोत्सवात हे प्रसाद म्हणून वापरले जाते.