Recipe : ओव्हनशिवाय घरी बनवा खुसखुशीत नानखटाई; एकदम मार्केटसारखी चव… चहासोबत चवीला लागेल मजेदार

साहित्य

• तूप  १ कप
• पिठीसाखर – १ कप
• मैदा – १ कप
• बेसन – अर्धा कप
• रवा (सूजी) – ४ टेबलस्पून
• बेकिंग पावडर – अर्धा टीस्पून
• बेकिंग सोडा – अर्धा टीस्पून
• वेलची पूड – १ टीस्पून
• पिस्त्याचे काप – सजावटीसाठी

कृती

• सर्वप्रथम एका भांड्यात तूप घ्या. घी पूर्णपणे वितळलेला नसावा, तो किंचित दाणेदार आणि क्रीमी टेक्सचरचा असणे महत्त्वाचे आहे.
• त्यात पिठीसाखर घालून किमान ८–१० मिनिटे नीट फेटा. घी आणि साखरेचे मिश्रण हलके आणि क्रीमी झाले पाहिजे.
• आता या मिश्रणात मैदा, बेसन, रवा, वेलची पूड, बेकिंग पावडर आणि बेकिंग सोडा घाला.
• सर्व साहित्य एकत्र करून मऊसर पीठ तयार करा. लक्षात ठेवा, या पीठात पाणी अजिबात घालायचे नाही.
• तयार मिश्रण झाकून १० ते १५ मिनिटे फ्रिजमध्ये ठेवा. यामुळे पीठ थोडे घट्ट होईल आणि आकार देणे सोपे जाईल.
• नंतर समान आकाराचे गोळे बनवून करून ते बटर पेपर लावलेल्या प्लेटवर ठेवा. वरून पिस्त्याचे काप लावू शकता.
• एका जाड तळाच्या भांड्यात भरपूर मीठ घालून ते गॅसवर गरम करा. हेच आपले घरगुती ओव्हन असेल.
• भांड्यात एक स्टँड ठेवा आणि त्यावर नानखटाईची प्लेट ठेवा. झाकण लावून मध्यम आचेवर १५ मिनिटे शिजू द्या.
• नानखटाईवर हलक्या भेगा पडून रंग किंचित सोनेरी झाला की ती तयार झाली असे समजा.
• गरमागरम, घरी बनवलेली नानखटाई तयार आहे. चहाच्या कपासोबत ही नानखटाई नक्कीच घरातल्या सगळ्यांची मनं जिंकेल.

संबंधित बातम्या