गणेश चतुर्थीनिमित्त कमीत कमी साहित्यामध्ये बनवा उपवासाचे मोदक, वाचा सोपी रेसिपी

श्रावण महिना संपण्याआधी घराघरात गणपती बाप्पाचे आगमन होते. गणपती बाप्पाचे आगमन झाल्यानंतर सगळीकडे एक वेगळाच उत्साह असतो. अनेक महिला गणेश चतुर्थीच्या दिवशी उपवास करतात. उपवासाच्या दिवशी काय पदार्थ बनवावा? असा प्रश्न सर्वच महिलांना पडतो. अशावेळी तुम्ही सोप्या पद्धतीमध्ये उपवासाचे मोदक बनवू शकता. हे मोदक तुम्ही गणेश चतुर्थीशिवाय इतर दिवशीसुद्धा बनवू शकता.

5 ऑगस्ट रोजी सुरु झालेला श्रावण महिना संपण्यासाठी अवघे काही दिवस शिल्लक राहिले आहेत. श्रावण महिन्यात सगळीकडे आनंद आणि उत्साहाचे वातावरण असते. श्रावण महिना संपण्याआधी घराघरात गणपती बाप्पाचे आगमन होते. गणपती बाप्पाचे आगमन झाल्यानंतर सगळीकडे एक वेगळाच उत्साह असतो. अनेक महिला गणेश चतुर्थीच्या दिवशी उपवास करतात. उपवासाच्या दिवशी काय पदार्थ बनवावा? असा प्रश्न सर्वच महिलांना पडतो. अनेक घरांमध्ये साबुदाणा खिचडी, बटाट्याची भाजी किंवा वेफर्स खाल्ले जातात. पण रिकाम्या पोटी हे पदार्थ अनेकदा आरोग्यासाठी हानिकारक ठरतात. त्यामुळे आज आम्ही तुम्हाला उपवासाच्या दिवशी फराळात उपवासाचे मोदक कसे बनवायचे याची सोपी रेसिपी सांगणार आहोत. हे मोदक ५ मिनिटांमध्ये झटपट बनवले जातात. मोदक तुम्ही गणपतीच्या नैवेद्यासाठी सुद्धा बनवू शकता.(फोटो सौजन्य-istock)

साहित्य:

• काळे खजूर
• काजू
• अक्रोड
• मिल्क पावडर
• पिस्ता
• साबुदाणे
• वरई
• दूध
• तूप

हे देखील वाचा: Ganesh Chaturthi: गणपती उत्सवात घरी आलेल्या पाहुण्यांसाठी बनवा गोड बालुशाही, मिठाई खाऊन पाहुणे होतील खुश

कृती: 

• उपवासाचे मोदक बनवण्यासाठी सर्वप्रथम मिक्सरच्या भांड्यात साबुदाणे आणि वरई तांदूळ घेऊन एकत्र वाटून त्याचे पीठ तयार करा.
• मोदकाच्या पाऱ्या बनवण्यासाठी कढईमध्ये पाणी गरम करायला ठेवून पाण्याला उकळी आल्यानंतर त्यात दूध आणि तूप टाकून मिक्स करून घ्या.
• नंतर त्यात तयार केलेले पीठ टाकून मिक्स करा. पीठ मिक्स करून त्याला वाफ आल्यानंतर गॅस बंद करून पीठ हलकेसे थंड झाल्यानंतर मळून घ्या.
• मोदकाच्या आतील सारण बनवण्यासाठी काळे खजूर मिक्सरमधून वाटून तुपात भाजा. नंतर त्यात काजू,अक्रोड,मिल्क पावडर,पिस्ता घालून मिक्स करा.
• मळून घेतलेल्या पिठाच्या पाऱ्या करून त्यात तयार केलेले सारण व्यवस्थित भरा आणि मोदकांचा आकार बनवा.
• मोदक वाफवण्यासाठी टोपात चाळण ठवून चाळणीमध्ये मोदक ठेवा. १५ मिनिटं झाल्यानंतर गॅस बंद करून मोदक गणपती बाप्पाला दाखवा आणि सर्व्ह करा.