Ganeshotsav 2026: कोकणातील प्रत्येक घरात नैवेद्यासाठी आवर्जून बनवली जाते ‘या’ पदार्थाची कोशिंबीर, नोट करून घ्या पारंपरिक पदार्थ

Ganeshotsav 2026: नैवेद्याच्या ताटात कायमच गोड पदार्थ ठेवले जातात. पण कोकणात नैवेद्याच्या ताटात पपनसाची कोशिंबीर सुद्धा ठेवली जाते. या पारंपरिक पदार्थाशिवाय नैवेद्याचे ताटात अपूर्णच वाटते. चला तर जाणून घेऊया रेसिपी.

Ganeshotsav 2026: कोकणातल्या प्रत्येक घरात नैवद्याच्या ताटात विविध गोड आणि तिखट पदार्थ सुद्धा बनवले जातात. बाप्पाच्या आगमनाला अवघे काही तास शिल्ल्क राहिले आहेत. मनोभावे पूजा करून बाप्पाला मोदकांचा आणि इतर पारंपरिक पदार्थांचा नैवेद्य दाखवला जातो. त्यातील सगळ्यांच्या आवडीचा पदार्थ म्हणजे पपनसाची कोशिंबीर. आंबट तिखट चवीचे पपनस बाजारात सहज उपलब्ध होते. आंबट तिखट चवीचे पपनस, ओल्या खोबऱ्याचा किस आणि शेंगदाण्याचा कूट घालून बनवलेला पदार्थ चवीला अतिशय सुंदर लागतो. पपनसाची कोशिंबीर नैवेद्याच्या ताटात नसेल तर ताट अपूर्णच वाटते. पपनीस केवळ चवीसाठीच नाहीतर शरीरासाठी सुद्धा खूप जास्त फायदेशीर आहे. पावसाळ्यात बाजारात पपनीस उपलब्ध असतात. त्यामुळे डाएटमध्ये सुद्धा पपनीसचा समावेश करू शकता. चला तर जाणून घेऊया रेसिपी.(फोटो सौजन्य – pinterest)

Ganeshotsav 2026: गणपती बाप्पाच्या नैवेद्यासाठी कोकणातील पारंपरिक पद्धतीने बनवा रस-शिरवळे, नोट करून घ्या रेसिपी

साहित्य:

• पपनीस
• शेंगदाण्याचा कूट
• हिरवी मिरची
• साखर
• मीठ
• ओल्या खोबऱ्याचा किस
• लिंबाचा रस
• कोथिंबीर

Ganeshotsav 2026: गणेशोत्सवात मोदकांवर ताव मारताय? वेळीच सावध व्हा, अन्यथा…; आहारतज्ज्ञांनी दिला सल्ला

कृती:

• कोकणातील पारंपरिक पद्धतीमध्ये पपनसाची कोशिंबीर बनवण्यासाठी सर्वप्रथम, पपनीस सोलून त्याच्या वरील साल काढा आणि आतील बिया काढून गर वेगळा करून घ्या.
• तवा गरम करून त्यात शेंगदाणे घाला आणि लालसर होईपर्यंत मंद आचेवर भाजून घ्या. भाजलेल्या शेंगदाण्याची साल काढून शेंगदाणे खलबत्यामध्ये कुटा.
• मोठ्या वाटीमध्ये सोलून घेतलेले पपनीस, शेंगदाण्याचा कूट, हिरव्या मिरचीचे तुकडे घालून व्यवस्थित मिक्स करा.
• त्यानंतर त्यात ओल्या खोबऱ्याचा किस, चवीनुसार मीठ, साखर, लिंबाचा रस, कोथिंबीर घालून व्यवस्थित मिक्स करा.
• तयार आहे झटपट बनवललेली पारंपरिक पद्धतीमध्ये पपनसाची कोशिंबीर. नैवेद्याच्या पानांत हा पदार्थ आवर्जून बनवला जातो.