Ganeshotsav 2026: गणपती बाप्पाच्या नैवेद्यासाठी कोकणातील पारंपरिक पद्धतीने बनवा रस-शिरवळे, नोट करून घ्या रेसिपी

Ganeshotsav 2026: गणपती बाप्पाच्या नैवेद्यासाठी वेगवेगळे पदार्थ बनवले जातात. त्यामुळे नैवेद्यात तुम्ही कोकणातील पारंपरिक पद्धतीमध्ये रस शिरवळे बनवू शकता. हा पदार्थ कोकणात आवर्जून बनवला जातो. चला तर जाणून घेऊया रेसिपी.

गणपती बाप्पाच्या नैवेद्यासाठी कोकणातील पारंपरिक पद्धतीने बनवा रस-शिरवळे, नोट करून घ्या रेसिपी

Follow Us:

Follow Us:

Ganeshotsav 2026: गणपती बाप्पाच्या आगमनाची सगळ्यांचं आतुरता लागली आहे. बाप्पाच्या स्वागताची कोकणात मोठ्या जलौषात आणि उत्साहात तयारी केली जाते. यासोबतच बाप्पाच्या प्रसादासाठी सुद्धा घरात वेगवेगळे पदार्थ बनवले जातात. कोकणातील पारंपरिक पदार्थ सण उत्सवाच्या दिवसांमध्ये मोठ्या प्रमाणावर बनवले जातात. त्यामुळे बाप्पाच्या प्रसादासाठी तुम्ही झटपट खोबऱ्याच्या रसातील पारंपरिक शिरवळे बनवू शकता. हा पदार्थ लहान मुलांपासून ते अगदी मोठ्यांपर्यंत सगळ्यांचं खूप जास्त आवडतो आणि चव सुद्धा भारी लागते. ओल्या खोबऱ्याचा रस आणि तांदळाच्या पिठापासून बनवलेले शिरवळे हे कॉम्बिनेशन चवीला भन्नाट लागते. हा पदार्थ चवीला जितका चांगला लागतो तितकाच शरीरासाठी सुद्धा फायदेशीर आहे. शिरवळे सहज पचन होतात. त्यामुळे सकाळच्या नाश्त्यात सुद्धा रस शिरवळे खाऊ शकता. चला तर जाणून घेऊया रेसिपी.(फोटो सौजन्य – pinterest)

Poha Jaggery Modak Recipe: बाप्पांसाठी झटपट मोदक! पोहे आणि गुळापासून १० मिनिटांत बनवा स्वादिष्ट मोदक

साहित्य:

• नारळाचे दूध
• गूळ
• वेलची पावडर
• जायफळ पावडर
• केशर
• जिरं
• हळद
• तांदळाचे पीठ
• गरम पाणी
• तूप

कृती:

• कोकणातील पारंपरिक रस शिरवळे बनवण्यासाठी सर्वप्रथम, टोपात एक ग्लास पाणी गरम करण्यासाठी ठेवा. पाण्याला उकळी आल्यानंतर त्यात चमचाभर तूप घाला.
• त्यानंतर त्यात चवीनुसार मीठ घालून मिक्स करा आणि गरम पाण्यात तांदळाचे पीठ घालून चमच्याने मिक्स करून घ्या. त्यानंतर झाकण ठेवून एक वाफ काढून गॅस बंद करा.
• तांदळाच्या पिठाची उकड थंड झाल्यानंतर हाताला पाणी लावून पीठ मळून घ्या. त्यानंतर तूप लावून झाकण ठेवा.
• रस बनवण्यासाठी मिक्सरच्या भांड्यात ओल्या खोबऱ्याचा किस, जिरं घालून बारीक वाटून घ्या. त्यानंतर त्यात पाणी घालून नारळाचा रस काढा.
• खोबऱ्याचे दूध काढून त्यात हळद, गरजेनुसार गूळ, वेलची पावडर, जायफळ पावडर घालून व्यवस्थित मिक्स करा.
• तयार करून घेतलेले तांदळाचे पीठ शिरवळ्याच्या साच्यात भरून केळीच्या पानावर शेवया पाडून इडलीच्या भांड्यात वाफवण्यासाठी ठेवा.
• १५ मिनिटं वाफवल्यानंतर गॅस बंद करून शेवया काढा आणि तयार केलेल्या खोबऱ्याच्या दुधासोबत खाण्यासाठी सर्व्ह करा.
• तयार आहेत कोकणातील पारंपरिक पद्धतीमध्ये बनवलेले रस शिरवळे. हा पदार्थ घरातील सगळ्यांचं खूप जास्त आवडेल.

Web Title: Ganeshotsav 2026 prepare ras shirvale in the traditional konkan style as an offering for ganpati bappa

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com