Gardening Tips: बटाट्याची सालं फेकण्याची करू नका चूक, बाजारातील खतापेक्षा ठरेल ऑर्गेनिक बटाट्याच्या सालीचे खत

बटाट्याची साले फेकून देण्याऐवजी त्यापासून सेंद्रिय खत तयार करता येते. हे खत वनस्पतींसाठी खूप फायदेशीर आहे. तुम्हाला घरी झाडं लावायची आवड असेल आणि खत हवं असेल तर हा उत्तम पर्याय आहे.

लोक अनेकदा बटाट्याची साले फेकून देतात, परंतु जर तुम्हाला हवे असेल तर तुम्ही त्यापासून सेंद्रिय खत तयार करू शकता. अनेकाना घराच्या बाल्कनीमध्ये गार्डन तयार करण्याचा छंद असतो. पण यासाठी तुम्ही खच बाजारातून विकत आणत असाल तर तुम्ही मोठी चूक करताय. घरच्या घरी बटाट्याच्या सालींपासून बनवलेले खत तुमच्या घरातील बागेसाठी परिपूर्ण असेल आणि ते वनस्पतींच्या वाढीला देखील गती देईल. हे नैसर्गिक खत आरोग्यासाठीदेखील फायदेशीर आहे.

बटाट्याच्या सालीमध्ये असे पोषक घटक असतात जे मातीचे आरोग्य वाढवू शकतात. बटाट्याच्या सालींपासून कंपोस्टिंग करणे हा तुमच्या घरातील कचरा कमी करण्याचा आणि बागकामासाठी नैसर्गिक खत तयार करण्याचा एक उत्तम मार्ग आहे. सांताक्रुझ कलिना येथील नर्सरीचे मालक संतोष मयेकर यांनी बटाट्याच्या सालीपासून खत कसे बनवायचे याबाबत माहिती दिली आहे. 

घरच्या घरी किचन गार्डन बनवायचे असेल तर या गार्डनिंग टिप्स वापरा

बटाट्याच्या सालींपासून खत कसे बनवायचे?

साहित्य

• बटाट्याची साले
• बागकाम माती
• अन्नाचा गोळा केलेला कचरा (फळे आणि भाज्यांची साले इत्यादी)
• वाळलेली पाने किंवा गवत (सेंद्रिय पदार्थ)
• पाणी

हँगिंग पॉट्समध्ये लावा 6 मनमोहक फूल, बनवा बाल्कनी आकर्षक

बटाट्याच्या सालींपासून खत बनवण्याची पद्धत

• बटाट्याची साले गोळा करणे: प्रथम, बटाट्याची साले पूर्णपणे धुऊन गोळा करा. साले स्वच्छ असल्याची खात्री करा, जेणेकरून त्यात कोणतेही कीटकनाशके किंवा रसायने नसतील
• कंपोस्ट बिन किंवा खड्डा तयार करा: कंपोस्ट बिन किंवा बागकामाच्या खड्ड्यात साहित्य ठेवण्यासाठी जागा तयार करा. हा खड्डा किंवा कचराकुंडी तुमच्या बागेत सावलीच्या ठिकाणी असावी
• व्यवस्थित साहित्य घाला: कंपोस्ट बिनमध्ये बटाट्याची साले तसेच अन्न कचरा, सुकी पाने, गवत आणि बारीक चिरलेल्या भाज्या घाला. हे घटक चांगले मिसळा जेणेकरून ते एकसमान मिश्रण बनतील
• बटाट्याची साले योग्यरित्या घाला: बटाट्याची साले घ्या आणि त्याचे लहान तुकडे करा आणि नंतर वर नमूद केलेल्या मिश्रणात घाला. सालींमध्ये सेंद्रिय पदार्थ असतात, जे तुमच्या कंपोस्टला अधिक पोषक तत्वे प्रदान करतात
• ओलावा टिकवून ठेवा: कंपोस्ट बिनमध्ये नियमितपणे पाणी घाला जेणेकरून त्यातील घटक ओलसर राहतील परंतु जास्त ओले नसतील. जास्त ओलावा ते कुजण्यास कारणीभूत ठरू शकतो, म्हणून योग्य संतुलन राखणे महत्वाचे आहे़
• मिश्रण फिरवत रहा: दर २-३ आठवड्यांनी मिश्रण फिरवत रहा, जेणेकरून हवेचा पुरवठा कायम राहील आणि त्यातील घटक लवकर कुजतील. या प्रक्रियेमुळे कंपोस्टमध्ये सुधारणा होते आणि ते लवकर तयार होते
• पूर्ण झाल्यावर, कंपोस्ट तयार होईल: तुमचे बटाट्याच्या सालीचे कंपोस्ट ३-४ महिन्यांत तयार होईल. हे खत मातीत मिसळून झाडांना लावता येते, ज्यामुळे झाडांची वाढ सुधारते आणि तुम्हाला हवं तसं घरगुती सेंद्रिय खत झाडांना अधिक चांगला परिणाम मिळवून देते हे मात्र नक्की