गटारी स्पेशल! घरी बनवा चवदार आणि मसालेदार रवा बोंबील फ्राय; खास दिवसाचा खास मेन्यू

Rava Bombil Fry Recipe : बोंबील रवा फ्राय ही कोळीवाड्याची एक सुप्रसिद्ध डिश आहे. यात बोंबील माशाला मसाले आणि रव्यामध्ये कोट करून तव्यावर कुरकुरीत फ्राय केले जाते. तुमच्या गटारीच्या मेजवानीत ही रेसिपी असायलाच हवी.

लवकरच श्रावण सुरु होणार आहे अशात अनेकांचा गटारी प्लॅन आतापासूनच रंगू लागला आहे. गटारी स्पेशल प्रत्येकाच्या घरी नॉनव्हेजचा प्लॅन बनतो. कोणी बाहेरून जेवण ऑर्डर करतं तर कुणी घरीच चविष्ट मेजवानीचा प्लॅन करतं. अहो, चविष्ट पदार्थ जर घरीच तयार करता येत असेल तर त्यासाठी उगाच पैसे का घालवायचे? हाच विचार करत आता आजची रेसिपी वाचा आणि गटारीसाठी घरी जेवणाचा स्पेशल प्लॅन बनवा.

तुम्ही कधी Veg Panini खाल्ला आहे का? कुरकुरीत ब्रेडमध्ये भरलेली चिजी स्टफिंग, हलक्याफुलक्या नाश्त्यासाठी उत्तम पर्याय

बोंबील, ज्याला इंग्रजीत Bombay Duck म्हणतात, हा एक कोवळा व रसाळ मासा आहे जो कोकण व मुंबईत विशेष लोकप्रिय आहे. याचे रवा फ्राय हे पारंपरिक व चविष्ट कोळीवाडा-शैलीतील डिश आहे. बाहेरून कुरकुरीत आणि आतून नरमसरसा असा बोंबील रवा फ्राय चवीलाही अफलातून लागतो आणि भात, भाकरी किंवा अगदी स्टार्टर म्हणूनही सर्व्ह करता येतो. चला जाणून घेऊया यासाठी लागणारे साहित्य आणि कृती.

साहित्य

• बोंबील (Bombil) – 5-6 (साफ केलेले व मधोमध कापलेले)
• लिंबाचा रस – 1 चमचा
• मीठ – चवीनुसार
• हळद – ½ चमचा
• लाल तिखट – 1½ चमचा
• आलं-लसूण पेस्ट – 1 चमचा
• बारीक रवा – ½ कप
• तांदळाचे पीठ (ऐच्छिक) – 2 चमचे
• तेल – तळण्यासाठी

गटारी स्पेशल! रविवारची मजा करा द्विगुणित; घरी बनवा मसालेदार आणि चविष्ट ‘सुक्कं चिकन’

कृती

• बोंबील रवा फ्राय बनवण्यासाठी सर्वप्रथम बोंबील स्वच्छ धुऊन घ्या व पाणी निथळू द्या. त्यानंतर त्यात मीठ, हळद आणि लिंबाचा रस घालून 10 मिनिटे मॅरिनेट करा.
• यांनंतर एका वाडग्यात लाल तिखट, आलं-लसूण पेस्ट घालून बोंबीलमध्ये चांगलं मिक्स करा आणि 10-15 मिनिटे झाकून मॅरीनेट करून घ्या.
• दुसऱ्या ताटात बारीक रवा आणि तांदळाचं पीठ मिक्स करून ठेवा.
• प्रत्येक बोंबीलला या रवा-पीठाच्या मिश्रणात लावून दोन्ही बाजूंनी हलक्या हाताने थापून घ्या. रवा बोंबीलमध्ये छान कोट करा.
• तवा गरम करा. त्यावर थोडं तेल टाका.
• रवा लावलेले बोंबील तव्यावर ठेवा आणि मध्यम आचेवर दोन्ही बाजूंनी कुरकुरीत होईपर्यंत भाजून घ्या.
• आता तुमचा चविष्ट रवा बोंबील फ्राय तयार आहे
• बोंबील अतिशय नाजूक असतो, म्हणून तव्यावर उलटताना हलक्या हाताने सांभाळा.
• अजून चवदार हवे असल्यास थोडं कोथिंबीर-हिरवी मिरची पेस्टही मॅरिनेशनमध्ये घालू शकता.
• तयार रवा बोंबील फ्राय तुम्ही तांदळाच्या भाकरीसोबत अथवा चपातीसोबत खाण्यासाठी सर्व्ह करा.