ठाण्यात जीबीएस व्हायरसचा शिरकाव! आरोग्यासंबंधित ‘ही’ लक्षणे दिसताच वेळीच घ्या डॉक्टरांचा सल्ला

जीबीएस व्हायरस म्हणजे गुइलेन-बॅरे सिंड्रोम. हा मेंदूसंबंधित अतिशय दुर्मिळ आजार आहे. या आजाराची लागण झाल्यानंतर संपूर्ण शरीरात अनेक गंभीर बदल दिसून येतात.जाणून घ्या सविस्तर.

जीबीएस व्हायरस कोणत्या विषाणूंमुळे पसरतो?
जीबीएस व्हायरसची गंभीर लक्षणे?
थंडीत आजरांची शरीराला लागण का होते?

ठाणे: वर्षाच्या सुरुवातीला पुण्यात हाहाकार माजवलेल्या जीबीएस व्हायरसचा ठाण्यात शिरकाव झाला असून ठाणे शहरात आतापर्यंत दोन जणांना याची लागण झाल्याची माहिती मिळत आहे. यातील एक रुग्ण कळवा रुग्णालयात असून दुसरा रुग्ण ज्युपिटर रुग्णालयात दाखल असल्याची माहिती मिळत आहे. या वर्षांच्या सुरुवातीला पुणे, बारामती आदी ठिकाणी जीबीएस व्हायरसने धुमाकूळ घातला होता. आता वर्षाच्या शेवटी त्याने ठाण्यात धडक दिल्याने हा विषय थोडा चिंताजनक झाला आहे. कळवा रुग्णालयात दोन दिवसांपूर्वी या विषाणूची लागण झालेल्या एक कुमारवयीन गटातील रुग्ण दाखल झाला असून सध्या त्याला अतिदक्षता विभागात व्हेंटिलेटर वर ठेवण्यात आले असून परिस्थिती गंभीर असल्याची माहिती रुग्णालयाकडून सांगण्यात आले आहे. (फोटो सौजन्य – istock)

फुफ्फुसांमध्ये साचून राहिलेला घट्ट कफ क्षणार्धात पडून जाईल बाहेर! चावून खा ‘हे’ १ रुपयांचे पान, शरीरातील विषारी घाण होईल नष्ट

जीबीएस व्हायरस म्हणजे काय?

जीबीएस व्हायरस म्हणजे गुइलेन-बॅरे सिंड्रोम. हा मेंदूसंबंधित अतिशय दुर्मिळ आजार आहे. या आजाराची लागण झाल्यानंतर संपूर्ण शरीरात अनेक गंभीर बदल दिसून येतात. हे विषाणू शरीराच्या रोगप्रतिकारशक्तीसोबतच मज्जातंतूंवर सुद्धा हल्ला करतात. ज्यामुळे स्नायू कमकुवत होतात, मुंग्या येतात आणि काहीवेळा अर्धांगवायू, पायात अशक्तपणा आणि मुंग्या येण्यापासून सुरुवात होऊन आजार शरीराच्या वरील अवयवांवर हल्ला करतो.

जीबीएस व्हायरस कशामुळे पसरतो:

थंडीच्या दिवसांमध्ये शरीराला झपाट्याने कोणत्याही साथीच्या आजाराची लागण होते. जीबीएस व्हायरस अन्नपदार्थांमधून शरीरात प्रवेश करतो. दूषित पाणी, दूषित अन्न किंवा दूषित मांसाहारी पदार्थांचे सेवन केल्यामुळे शरीराला गंभीर विषाणूची लागण होण्याची शक्यता असते. त्यामुळे थंडीच्या दिवसांमध्ये रस्त्र्यावरील अन्नपदार्थांचे सेवन करणे टाळावे.

रुग्णांची स्नायूंची शक्ती झपाट्याने होते कमी:

तर दुसरा रुग्ण हा ज्युपिटर मध्ये दाखल असून तो तरुण वयोगटातील आहे. त्यालाही दोन दिवसापूर्वी दाखल करण्यात आले आहे. या विषाणूची लागण झालेल्या रुग्णाची स्नायूची शक्ती झापाट्याने कमी होत जाते त्यामुळे त्याचा तोल जाणे, लकवा मारणे अशी लक्षणे दिसतात.

जीबीएसची प्रमुख कारणे:

• बॅक्टेरिअर इन्फेक्शन
• व्हायरल इन्फेक्शन
• रोगप्रतिकारशक्ती कमी होणे
• दूषित पाणी

‘Covid Vaccine मुळे तरूणांचा अचानक मृत्यू नाही…’, AIIMS – ICMR च्या रिसर्चमध्ये खुलासा, भयानक आजारच ठरत आहेत कारण

जीबीएसची प्रमुख लक्षणे:

• शरीराची रोगप्रतिकारक शक्ती कमी होणे
• हात, पायात मुंग्या येणे
• अशक्तपणा लागणे जाणवू
• बोलण्यास आणि जेवन करण्यास त्रास होने.
• स्नायु कमकुवत होने.
• दम लागणे, श्वास घेण्यास त्रास होने आदी प्रमुख लक्षणे आहेत.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.