साध्या भाजीला द्या शाही ट्विस्ट! घरी बनवा रिच आणि स्वादिष्ट Egg Nawabi; लज्जतदार चवीने सर्वच होतील खुश

Egg Recipe : झटपट आणि चवदार जेवणासाठी अंडा एक उत्तम पर्याय ठरतो. यात अनेक पोषक घटकही आढळून येतात ज्यामुळे चवीसह आरोग्यासाठीही याचे सेवन फायद्याचे ठरते. अशात आज आम्ही तुमच्यासाठी अंड्याची एक हटके रेसिपी घेऊन आलो आहोत.

अंडा हा एक असा पदार्थ आहे जो घाईगडबडीच्या वेळी झटपट बनवता येतो. हा एक नॉनव्हेजचा प्रकार असून विकेंडच्या दिवशी अनेकांच्या घरी याची मेजवानी तयार केली जाते. सकाळच्या नाश्त्यापासून रात्रीच्या जेवणापर्यंत अंड्यापासून अनेक पदार्थ तयार केले जातात मात्र तुम्ही कधी एग नवाबी हा पदार्थ करून खाल्ला आहे का? नसेल तर याची रेसिपी तुम्ही एकदा घरी नक्की ट्राय करायला हवी.

सकाळच्या नाश्त्यात लहान मुलांसाठी झटपट बनवा चविष्ट क्रीम सँडविच, नोट करून घ्या रेसिपी

एग नवाबी ही एक समृद्ध, रिच आणि स्वादिष्ट उत्तर भारतीय रेसिपी आहे. नावावरूनच स्पष्ट होते की ही डिश नवाबांच्या शाही स्वयंपाकघरात तयार होणाऱ्या व्यंजनांपासून प्रेरित आहे. उकडलेल्या अंड्यांना खमंग मसाल्याच्या आणि काजू-खसखसाच्या रिच ग्रेव्हीत शिजवले जाते. ही डिश खास पार्टीसाठी, रविवारच्या जेवणासाठी किंवा जेव्हा कधी काही हटके खावंसं वाटत असेल तर ही रेसिपी तुमच्यासाठी एक उत्तम पर्याय आहे. चला तर मग जाणून घेऊया यासाठी लागणारे साहित्य आणि कृती.

साहित्य:

• अंडी – ४ (उकडून सोलून घ्या)
• कांदा – २ मध्यम (बारीक चिरून)
• टोमॅटो – २ मध्यम (बारीक चिरून)
• आले-लसूण पेस्ट – १ टेबलस्पून
• काजू – ८-१० (पाण्यात १० मिनिटे भिजवलेले)
• खसखस – १ टीस्पून (भिजवलेले)
• दही – २ टेबलस्पून (फेटून)
• गरम मसाला – ½ टीस्पून
• धणे पूड – १ टीस्पून
• जिरे – ½ टीस्पून
• लाल तिखट – १ टीस्पून
• हळद – ¼ टीस्पून
• मीठ – चवीनुसार
• तेल / तूप – २ टेबलस्पून
• कोथिंबीर – सजावटीसाठी

तुम्ही कधी Paneer Shawarma खाल्ला आहे का? मऊ ब्रेडमध्ये रोल केलेले स्मोकी आणि झणझणीत पनीर खाल तर फॅन व्हाल

कृती:

• एग नावाबी बनवण्यासाठी सर्वप्रथम भिजवलेले काजू आणि खसखस एकत्र वाटून गुळगुळीत पेस्ट तयार करा.
• अंड्यांना थोडे तेलात तळून घ्या जोपर्यंत त्यांचा रंग थोडा सोनेरी होतो. बाजूला ठेवा.
• कढईत तेल गरम करून त्यात जिरे घाला
• त्यानंतर यात चिरलेला कांदा घालून तो सोनेरी रंगाचा होईपर्यंत परतून घ्या.
• आले-लसूण पेस्ट घालून १ मिनिट परतवा. नंतर टोमॅटो, हळद, तिखट, धणे पूड घालून ५ मिनिटे परतवा.
• तयार काजू-खसखस पेस्ट आणि फेटलेले दही घालून ५-७ मिनिटे मध्यम आचेवर परतवा.
• चवीनुसार मीठ, गरम मसाला आणि थोडं पाणी घालून उकळी आणा. नंतर तळलेली अंडी घालून ५ मिनिटं शिजू द्या.
• शेवटी यावर चिरलेली कोथींबीर घाला आणि तयार एग नवाबी खाण्यासाठी सर्व्ह करा.
• तयार एग नवाबी तुम्ही गरमागरम बटर नान, पराठा किंवा साद्या भातासोबत सर्व्ह करू शकता.