मुंबईच्या फेमस वडापावला द्या ट्विस्ट; घरी बनवा हटके आणि टेस्टी Tandoori Vada Pav

वडा पाव हा महाराष्ट्राचा खास स्ट्रीट फूड आहे, पण जर तुम्हाला त्यात थोडा हटके आणि मसालेदार स्वाद हवे असेल, तर तुम्ही तंदुर वडा पाव ट्राय करू शकता. या रेसिपीमध्ये वडा तयार करून त्याला खास तंदूरी मसाल्यात मॅरिनेट करून तंदूर किंवा तव्यात ग्रिल केले जाते. या हटके वड्याची चव आणि सुगंध तुम्हाला ते पुन्हा पुन्हा बनवायला भाग पाडेल! चला जाणून घेऊया यासाठी लागणारे साहित्य आणि कृती.

साहित्य

वड्यासाठी:

• बटाटे – 4 मध्यम, उकडून मॅश केलेले
• आलं-लसूण पेस्ट – 1 चमचा
• हिरव्या मिरच्या – 2, बारीक चिरून
• हळद – ¼ चमचा
• मोहरी – ½ चमचा
• हिंग – चिमूटभर
• कढीपत्ता – 7-8 पाने
• मीठ – चवीनुसार
• तेल – 1 चमचा (फोडणीसाठी)

• दही – ½ कप
• तंदूरी मसाला – 1 चमचा
• लाल तिखट – ½ चमचा
• जिरे पूड – ½ चमचा
• मीठ – चवीनुसार
• लिंबू रस – 1 चमचा
• तेल – 1 चमचा

• बेसन – 1 कप
• हळद – ¼ चमचा
• तिखट – ½ चमचा
• मीठ – चवीनुसार
• पाणी – लागेल तसे

• पाव – 4
• हिरवी चटणी, लसूण चटणी
• बटर
• कांदा आणि लिंबू

कृती

• तंदूर वडापाव तयार करण्यासाठी सर्वप्रथम गॅसवर एक कढई ठेवून त्यात तेल टाका
• यांनतर तेलात मोहरी, हिंग, कढीपत्ता टाकून आलं-लसूण पेस्ट आणि मिरच्या परता. नंतर मॅश केलेले बटाटे, हळद व मीठ घालून चांगले एकत्र करा. थंड झाल्यावर गोळे तयार करा.
• एका बाउलमध्ये दही, तंदूरी मसाला, तिखट, मीठ, जिरे पूड, लिंबाचा रस व तेल घालून चांगले मिक्स करा. त्यात तयार वड्याचे गोळे मॅरिनेट करून 15-20 मिनिटं ठेवा.
• हे मॅरिनेटेड वडे तव्यात किंवा ओव्हनमध्ये थोडं तेल लावून ग्रिल करा जोपर्यंत त्यावर सुंदर खरपूस तंदूरी क्रस्ट तयार होतो.
• बेसन, हळद, तिखट व मीठ घालून पीठ तयार करा. पाण्याचा वापर करून गडसर पीठ बनवा.
• तंदूरी वडे बेसन पीठात बुडवून गरम तेलात खरपूस तळून घ्या.
• पाव मध्ये बटर लावून हलकं शेकून घ्या. त्यावर हिरवी चटणी, लसूण चटणी लावा.
• तयार वड्याला पावमध्ये ठेवा, कांदा, लिंबू आणि पावसोबत सर्व्ह करा.
• तंदूरी मसाला ऐवजी तुम्ही गरम मसाला, धणे-जिरे पूड वापरू शकता.
• वडे ओव्हनमध्ये 180°C वर 10-12 मिनिटं ग्रिल करता येतात.
• तंदूरी स्वाद आणखीन वाढवण्यासाठी थोडं स्मोकिंग करू शकता (कोळशाचा धूर वापरून).
• तयार आहे हटके आणि मसालेदार “तंदूरी वडा पाव”

संबंधित बातम्या