Gold Jewellery Cleaning At Home: घरच्या घरी सोन्याचे दागिने स्वच्छ करण्याची सोपी पद्धत

Gold Jewellery Cleaning At Home: घरच्या घऱी सोन्याचे दागिने कसे स्वच्छ करायचे असा प्रश्न असेल तर हा लेख तुमच्यासाठीच आहे. काही सोप्या पद्धती आम्ही तुम्हाला सांगत आहोत. अगदी सहजपणे करून पहा

• सोन्याचे दागिने स्वच्छ करण्यासाठी सोपी पद्धत 

• घरच्या घरी करा स्वच्छ 

• सोनाराकडे नेण्याची गरज नाही 

Gold Jewellery Cleaning At Home: लग्नापासून ते कौटुंबिक कार्यक्रमांपर्यंत आणि अगदी प्रत्येक सणाला देवांसाठीदेखील, सोन्याच्या दागिन्यांना आपल्याकडे एक विशेष स्थान आहे. सोन्याचे हार, अंगठ्या, बांगड्या आणि कानातले घालायला सुंदर आणि आकर्षक दिसतात. बरेच लोक रोज सोने घालतात, ज्यामुळे त्याची चमक कमी होते. चांदीप्रमाणे सोन्यावर गंज चढत नसला तरी, सततच्या वापरामुळे ते काळवंडते आणि घाण होते.

सण येण्यापूर्वी अनेक घरांमध्ये सोनं बँकेच्या लॉकरमधून काढून सोनाराकडे स्वच्छ करण्यासाठी अथवा चमक परत आणण्यासाठी देण्यात येते. पण तुम्हाला माहीत आहे का? घरच्या घरीदेखील तुम्ही सोन्याच्या दागिन्यांची चमक पूर्वीसारखी आणू शकता. चमक परत मिळवण्यासाठी, सोन्याचे दागिने कसे स्वच्छ करावेत यासाठी काही सोप्या टिप्स या तुम्ही जाणून घ्या 

डिटर्जंटचा करा वापर 

भांडी धुण्याच्या साबणाने सोन्याचे दागिने तुम्ही स्वच्छ करू शकता. यासाठी एका भांड्यात कोमट पाणी घेऊन त्यात लिक्विड डिश डिटर्जंट घाला. चांगल्या परिणामांसाठी, सोडियम-मुक्त सेल्टझर वापरा. ​​त्यातील कार्बन वायूमुळे घाण आणि मळ सैल होण्यास मदत होते. आता, मऊ केसांच्या टूथब्रशने दागिने घासून घ्या आणि वाहत्या पाण्याखाली सोन्याचे दागिने स्वच्छ धुवा. शेवटी, सुती कापडाने दागिने कोरडे पुसून घ्या.

कंबरेखाली सोन्याचे दागिने का घालू नयेत? काय आहे ज्योतिषीय कारण

टूथपेस्टही करेल काम 

याशिवाय तुम्ही टूथपेस्टनेही दागिने स्वच्छ करू शकता. एक ते दोन चमचे पाण्यात एक इंच टूथपेस्ट मिसळून पातळ द्रावण तयार करा. तुमची इच्छा असल्यास, दागिन्यांवरील घाण घासून काढण्यासाठी तुम्ही कापड किंवा जुना ब्रश वापरू शकता. शेवटी, स्वच्छ पाण्याखाली दागिने पूर्णपणे धुवा. एक गोष्ट नेहमी लक्षात ठेवा की, धुतल्यानंतर दागिने तसेच ओले ठेऊ नयेत अन्यथा त्यावर डाग दिसतात. 

बेकिंग सोडा आणि व्हिनेगरचा वापर 

बेकिंग सोडा आणि व्हिनेगरने सोन्याचे दागिने स्वच्छ करा. एका भांड्यात पाव कप बेकिंग सोडा आणि दोन मोठे चमचे कोमट पाणी घालून पेस्ट बनवा. पाणी जास्त गरम असणार नाही याची काळजी घ्या. ही पेस्ट दागिन्यांवर चोळा. आता, दागिन्यांवरील बेकिंग सोडा काढण्यासाठी ते व्हिनेगरने आणि नंतर कोमट पाण्याने स्वच्छ धुवा. 

खिशाला परवडणाऱ्या किमतीमध्ये करा सोन्याची खरेदी! ‘हे’ दागिने पाडतील सौंदर्यात भर

यासाठी काही काळजी घेणे गरजेचे आहे

• सोन्याचे दागिने स्वच्छ करण्यासाठी ब्लीचचा वापर कधीही करू नका. यामुळे दागिन्यांचा रंग बदलू शकतो
• ओपल खूप नाजूक असतात, त्यामुळे त्यांच्यावर कोणत्याही प्रकारची टूथपेस्ट किंवा क्लिनर वापरणे टाळा. त्याऐवजी त्यांना टिश्यू पेपरने पुसणे उत्तम
• सोन्याचे दागिने नेहमी इतर दागिन्यांपासून वेगळे ठेवा. यामुळे दागिन्यांवर लवकर ओरखडे पडत नाहीत

तुम्हीही सोन्याचे दागिने सोनाराकडे देण्यापेक्षा अशा पद्धतीने घरच्या घरी सोन्याच्या दागिन्यांची काळजी घेऊ शकता.