Hair Care Tips: केस गळून पातळ झाले आहेत? मग ‘या’ पदार्थांचा वापर करून घरीच तयार करा DIY Hair Oil, केस होतील घनदाट

Hair Care Tips: केसांच्या घनदाट वाढीसाठी सतत काहींना केले जाते. पण वारंवार महागड्या हेअर केअरचा वापर करण्याऐवजी स्वयंपाक घरात उपलब्ध असलेल्या पदार्थांपासून बनवलेले हेअर ऑइल केसांची गुणवत्ता सुधारण्यास मदत करेल.

केसांच्या वाढीसाठी पारंपरिक तेल.
केसांची गुणवत्ता खराब होण्याची कारणे?
केसांची झपाट्याने वाढ होण्यासाठी या तेलाचा करा वापर?

Hair Care Tips: वातावरणात सतत होणाऱ्या बदलांच्या परिणामामुळे केसांची गुणवत्ता खराब होऊन जाते. याशिवाय वारंवार हेअर केअर रुटीनमध्ये होणारे बदल, कामाचा वाढलेला तणाव, केमिकल प्रॉडक्टचा अतिवापर इत्यादी अनेक गोष्टींचा परिणाम केसांच्या आरोग्यावर लगेच दिसून येतो. त्यामुळे केसांची काळजी घेताना योग्य हेअर केअर फॉलो करणे फार आवश्यक आहे. केस गळणे, केसांमध्ये कोंडा, टाळूवर वाढलेले इन्फेक्शन इत्यादी केसांच्या समस्या वाढू लागल्यानंतर महिला सतत काहींना काही करतात. पण वारंवार केलेल्या केमिकल ट्रीटमेंटमुळे केस खूप जास्त कोरडे आणि निस्तेज होऊन जातात. त्यामुळे केसांच्या वाढीसाठी घरगुती पदार्थांपासून तयार केलेल्या तेलाचा वापर करावा. यामुळे केसांची गुणवत्ता सुधारेल आणि केस घनदाट, मजबूत होतील. चला तर जाणून घेऊया केसांच्या वाढीसाठी घरगुती तेल बनवण्याची कृती.(फोटो सौजन्य – istock)

Beauty Tips: हजारो रुपये खर्च करून सुद्धा चेहऱ्यावर चमकदार ग्लो येत नाही? मग घरीच ‘या’ पद्धतीने करा होममेड फेशिअल

साहित्य:

• खोबरेल तेल
• मेथी दाणे
• कढीपत्ता

कृती:

आयुर्वेदिक तेल बनवण्यासाठी सर्वप्रथम, टोपात खोबरेल तेल घेऊन गरम करण्यासाठी ठेवा. गरम तेलात मेथी दाणे आणि मूठभर कढीपत्ता घालून मंद आचेवर तेल व्यवस्थित गरम करून घ्या. कढीपत्त्याच्या पानांचा रंग पूर्णपणे बदलून गेल्यानंतर गॅस बंद करा आणि तेल कोमट झाल्यानंतर गाळून घ्या. तयार तेल आठवड्यातून एकदा किंवा दोनदा केसांच्या मुळांपासून ते अगदी टोकांपर्यंत सगळीकडे लावून हलक्या हाताने मसाज करा. मसाज केल्यामुळे केसांच्या मुळांमधील रक्तभिसरण सुधारण्यास मदत होईल. केस धुवण्याच्या एक दिवस आधी केसांना तेल लावून हलक्या हाताने ५ मिनिटं मसाज करा. त्यानंतर केसांची वेणी घालून सकाळी केस शाम्पूच्या सहाय्याने स्वच्छ धुवून घ्या.

Beauty Tips: केस सतत गळतात? मग मजबूत आणि घनदाट केसांच्या वाढीसाठी आहारात करा ‘या’ पदार्थांचा समावेश, महिनाभरात दिसेल बदल

तयार केलेले तेल दोन ते तीन आठवड्यांपर्यंत व्यवस्थित टिकून राहते. केसांच्या मुळांना खोलवर पोषण देण्यासाठी मेथी दाणे फायदेशीर ठरतात. मेथी दाण्यांमध्ये असलेले पोषक घटक टाळूवर वाढलेले इन्फेक्शन कमी करून स्कल्प स्वच्छ ठेवतात. कढीपत्त्याच्या पानांचा वापर केवळ जेवण बनवण्यासाठी नाहीतर केसांसाठी सुद्धा केला जातो. कढीपत्यामध्ये अँटीऑक्सिडंट्स असतात, ज्यामुळे केसांचा काळा रंग कायम टिकून राहतो. तसेच नवीन केस उगवण्यास मदत होते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.