केसांना फुटलेल्या फाटल्यामुळे केस निस्तेज झाले आहेत? मग ‘हे’ घरगुती उपाय केसांसाठी ठरतील चमत्कारीत, होतील मुलायम- सॉफ्ट केस

केसांच्या मजबूत आणि चमकदार वाढीसाठी कोणत्याही केमिकल ट्रीटमेंट करण्याऐवजी घरगुती उपाय करून केसांची काळजी घ्यावी. केसांच्या वाढीसाठी घरगुती उपाय कायमच प्रभावी ठरतात.

• केस कोरडे होण्याची कारणे?
• केसांच्या चमकदार आणि मजबूत वाढीसाठी घरगुती उपाय?
• केसांना फुटलेले फाटे कसे कमी करायचे?

सर्वच महिलांना मुलायम आणि मऊ हवे असतात. केसांची खराब झालेली गुणवत्ता सुधारण्यासाठी अनेक वेगवेगळे उपाय केले जातात. कधी हेअर केअर प्रॉडक्ट वापरले जातात तर कधी बाजारात उपलब्ध असलेल्या वेगवेगळ्या ट्रीटमेंट करून केसांची काळजी घेतली जाते. केसांना फाटे फुटणे ही अतिशय सामान्य समस्या आहे. केसांना फुटलेल्या फाट्यांमुळे केसांची वाढ थांबते आणि केस अतिशय निस्तेज आणि कोरडे होऊन जातात. केसांची टोकांना फाटे फुटल्यानंतर केस अतिशय कोरडे दिसतात., कोणतीही हेअर स्टाईल केल्यानंतर सुद्धा केसांचा लुक चांगला दिसत नाही. यामुळे केसांचे सौंदर्य कमी होऊन जाते. तसेच केसांच्या समस्या आणखीनच वाढू लागतात. केसांच्या समस्या वाढू लागल्यानंतर महिला सुरुवातीला दुर्लक्ष करतात. पण असे केल्यामुळे केसांच्या समस्या आणखीनच वाढत जातात. कमकुवत केस सुधारण्यासाठी कितीही उपाय केले तरीसुद्धा केस चांगले दिसत नाहीत. म्हणूनच आज आम्ही तुम्हाला निस्तेज झालेले केस पुन्हा एकदा चमकदार करण्यासाठी कोणते घरगुती उपाय करावेत, याबद्दल सविस्तर माहिती सांगणार आहोत.(फोटो सौजन्य – istock)

चेहऱ्यापेक्षा मान खूप जास्त काळपट दिसते? मग टोमॅटोच्या रसाचा ‘या’ पद्धतीने करा वापर, काळे थर होतील कायमचे नष्ट

खोबऱ्याचे तेल:

मागील अनेक वर्षांपासून केसांची खराब झालेली गुणवत्ता सुधारण्यासाठी खोबऱ्याच्या तेलाचा वापर केला जात आहे. खोबऱ्याच्या तेलाने केसांना मालिश केल्यास केसांची खराब झालेली गुणवत्ता सुधारण्यास मदत होईल. याशिवाय कोरड्या केसांना पोषण मिळेल. केसांना हायड्रेशन देण्यासाठी केसांना आठवड्यातून दोनदा किंवा तीनदा खोबऱ्याचे तेल लावावे. रात्रभर ठेवल्यानंतर केस पाण्याने स्वच्छ धुवून घ्यावेत. हा उपाय नियमित केल्यास केसांच्या बऱ्याच समस्यांपासून सुटका मिळेल.

कोरफड जेल:

त्वचेसोबत केसांची खराब झालेली गुणवत्ता सुधारण्यासाठी कोरफड जेलचा वापर केला जात आहे. कोरफडमध्ये असलेले घटक केसांसाठी अतिशय गुणकारी ठरतात. यासाठी ताज्या कोरडफचा गर वाटीमध्ये घेऊन त्यात थोडस खोबऱ्याचं तेल घालून मिक्स करा. त्यानंतर तयार केलेले मिश्रण केसांवर लावून हलक्या हाताने मसाज करा. ३० ते ४० मिनिटं ठेवून केस शॅम्पूचा वापर करून स्वच्छ धुवून घ्या. यामुळे केसांची खराब झालेली गुणवत्ता सुधारण्यास मदत होईल.

लिंबू आणि दही:

लिंबाच्या वापरामुळे टाळूवर वाढलेला इन्फेक्शनचा धोका कमी होईल आणि केस स्वच्छ होतील. यासाठी वाटीमध्ये दही आणि लिंबाचा रस एकत्र मिक्स करून घ्या. तयार केलेले मिश्रण केसांवर लावून काहीवेळ तसेच ठेवा. त्यानंतर केसांना हलक्या हाताने मसाज करून केस शॅम्पूचा वापर करून स्वच्छ धुवून घ्या. यामुळे टाळूवर वाढलेला कोंडा कमी होईल आणि केस अतिशय सॉफ्ट होतील आणि केसांची खराब झालेली गुणवत्ता सुधारेल.

सतत होणाऱ्या केस गळतीमुळे त्रस्त आहात? मग आवळा आणि कोरफडचा ‘या’ पद्धतीने करा वापर, केसांची होईल झपाट्याने वाढ

मुलतानी माती आणि गुलाबपाणी:

मुलतानी मातीचा वापर त्वचेसोबत केसांसाठी सुद्धा केला जात आहे. मुलतानी माती चेहऱ्यावर लावल्यामुळे त्वचेवरील अतिरिक्त तेल कमी होते आणि त्वचा चमकदार दिसते. त्वचेसोबतच केसांसाठी सुद्धा तुम्ही मुलतानी मातीचा वापर करू शकता. यासाठी वाटीमध्ये मुलतानी माती घेऊन त्यात गुलाबपाणी मिक्स करा. तयार केलेली पेस्ट केसांवर लावून काहीवेळ तशीच ठेवा. त्यानंतर केस पाण्याने स्वच्छ धुवून घ्या.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.