केसगळती होईल कायमची बंद! जेवणानंतर नियमित खा ‘या’ बियांपासून बनवलेला चमचाभर मुखवास, महिनाभरात होईल केसांची वाढ

केसांच्या वाढीसाठी कोणत्याही हेअर केअर प्रॉडक्टचा वापर करण्याऐवजी घरगुती पदार्थांचे सेवन करावे. म्हणूनच आज आम्ही तुम्हाला हेअर ग्रोथ मुखवास बनवण्याची सोपी रेसिपी सांगणार आहोत.

केसांच्या वाढीसाठी काय खावे?
मुखवास बनवण्याची कृती?
केस गळण्याची कारणे?

केस गळणे, केसांमध्ये कोंडा किंवा केस पांढरे होणे ही अतिशय सामान्य समस्या आहे. केसांच्या समस्या महिलांपासून ते अगदी पुरुषांपर्यंत सगळ्यांचं उद्भवतात. केस गळण्यास सुरुवात झाल्यानंतर महिला सतत कोणत्या ना शाम्पूचा वापर तर कधी वेगवेगळ्या केसांच्या ट्रीटमेंट करून घेतल्या जातात. पण वारंवार केलेल्या हेअर ट्रीटमेंटमुळे केसांची वाढ होण्याऐवजी केस आणखीनच निस्तेज होऊन कोरडे पडतात. केसांच्या वाढीसाठी केवळ हेअर सीरम, महागडे शाम्पू किंवा कंडिशनर फायदेशीर ठरत नाही. दैनंदिन आहारात खाल्लेल्या पदार्थांचा थेट परिणाम शरीरसोबतच केसांवर सुद्धा दिसून येतो. त्यामुळे केसांच्या वाढीसाठी पोषक आहार घेणे सुद्धा तितकेच आवश्यक आहे. केस लांबलचक सुंदर करण्यासाठी आहारात लोह, प्रथिने, ओमेगा-३ फॅटी ॲसिड्स आणि झिंक इत्यादी पोषक घटकांची आवश्यकता असते.(फोटो सौजन्य – istock)

सॉफ्ट, चमकदार केसांसाठी पार्लरला जाण्याची गरज नाही, भेंडीचं पाणी देईल प्रभावी परिणाम, तुम्ही एकदा वापरून तर पहा…

केस गळण्यास सुरुवात झाल्यानंतर बऱ्याच महिला बाजारात उपलब्ध असलेली हेअर ग्रोथ ट्रीटमेंट करतात. पण वारंवार महागड्या ट्रीटमेंट करण्याऐवजी आहारात बदल करणे आवश्यक आहे. आज आम्ही तुम्हाला केसांच्या वाढीसाठी हेअर ग्रोथ मुखवास बनवण्याची सोपी रेसिपी सांगणार आहोत. हा मुखवास जेवणानंतर नियमित एक चमचा खाल्ल्यास केसांच्या वाढीवर सकारात्मक परिणाम दिसून येतील. महिनाभरात केस चमकदार आणि मजबूत होतील. याशिवाय केस गळतीच्या समस्येपासून कायमचा आराम मिळेल. मुखावस खाल्ल्यामुळे केवळ केसांचं नाहीतर संपूर्ण शरीराला फायदे होतील. पचनक्रिया सुधारेल, रक्तभिसरण सुधारण्यास मदत होईल. चला तर जाणून घेऊया मुखवास बनवण्याची कृती.

मुखवास बनवण्यासाठी लागणारे साहित्य:

• अळशीच्या बिया
• कांद्याची बी
• तीळ
• सूर्यफुलाच्या बिया
• भोपळ्याच्या बिया
• बडीशेप
• धना डाळ
• ओवा
• चिया सीड्स
• मीठ
• हळद
• लिंबाचा रस

झोपेची कमतरता निर्माण झाल्यानंतर शरीरात दिसून येतात ‘ही’ गंभीर लक्षणे, आरोग्य सुधारण्यासाठी घ्या शांत झोप

कृती:

• हेअर ग्रोथ मुखवास बनवण्यासाठी सर्वप्रथम, अळशी, तीळ, कलोंजी, सूर्यफूल बिया, भोपळा बिया, बडीशेप, धना डाळ, ओवा आणि चिया सीड्स करून मोठ्या वाटीमध्ये घ्या आणि व्यवस्थित मिक्स करा.
• त्यानंतर त्यात चवीनुसार मीठ, हळद आणि लिंबाचा रस घालून व्यवस्थित मिक्स करा. तयार केलेले मिश्रण हाताने मिक्स करून घ्यावे.
• गॅसवर कढई गरम करून त्यात तयार केलेले मिश्रण टाकून मंद आचेवर चमच्याने सतत ढवळत राहा. यामुळे बिया खमंग भाजल्या जातील आणि मुखवास खराब होणार नाही.
• बियांमधून खमंग वास आल्यानंतर गॅस बंद करून बिया थंड होण्यासाठी ठेवाव्यात. तयार केलेला मुखवास पूर्णपणे थंड झाल्यानंतर हवाबंद डब्यात भरून ठेवावा.
• तयार आहे सोप्या पद्धतीमध्ये हेअर ग्रोथ मुखवास. हा पदार्थ जेवणानंतर नियमित खाल्ल्यास अन्नपदार्थ पचन होण्यासोबतच शरीराला सुद्धा फायदे होतील.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.