जागतिक आरोग्य दिनानिमित्त हमदर्दची ‘होलिस्टिक हीलिंग’ मोहिम सुरू; समग्र आरोग्यसेवेवर भर

हमदर्द लॅबोरेटरीज प्रतिबंधात्मक आरोग्य आणि समग्र उपचार पद्धतींना प्रोत्साहन देण्याचा प्रयत्न करत आहे. संशोधन, शिक्षण आणि समुदाय सहभाग यांचा एकत्रित वापर करून आरोग्याबाबत जागरूकता निर्माण करण्याचा या उपक्रमाचा उद्देश आहे.

मुंबई : भारतातील अग्रगण्य आणि विश्वासार्ह आरोग्य व वेलनेस कंपन्यांपैकी एक असलेल्या हमदर्द लॅबोरेटरीजने जागतिक आरोग्य दिन २०२६ निमित्त ‘होलिस्टिक हीलिंग’ ही देशव्यापी मोहिम सुरू केली आहे. या उपक्रमाद्वारे सर्वांसाठी सुलभ, एकात्मिक आणि समुदाय-केंद्रित आरोग्यसेवेबाबतची आपली बांधिलकी कंपनीने पुन्हा अधोरेखित केली आहे.

या मोहिमेद्वारे हमदर्द लॅबोरेटरीज प्रतिबंधात्मक आरोग्य आणि समग्र उपचार पद्धतींना प्रोत्साहन देण्याचा प्रयत्न करत आहे. संशोधन, शिक्षण आणि समुदाय सहभाग यांचा एकत्रित वापर करून आरोग्याबाबत जागरूकता निर्माण करण्याचा या उपक्रमाचा उद्देश आहे. होलिस्टिक हीलिंग ही संकल्पना मन, शरीर आणि पर्यावरण यांचा समतोल साधत आजारांच्या मूळ कारणांवर लक्ष केंद्रित करून उत्तम आरोग्य साध्य करण्यावर भर देते.

हमदर्द लॅबोरेटरीजचे चेअरमन आणि मॅनेजिंग ट्रस्टी अब्दुल मजीद म्हणाले, “खरे आरोग्य म्हणजे केवळ आजार नसणे नव्हे; तर शरीर, मन आणि पर्यावरण यांच्यातील समतोल साधणे आणि जीवनाच्या प्रत्येक टप्प्यावर निरोगीपणे पुढे जाणे होय. गेली १२० वर्षे हमदर्द प्रतिबंधात्मक आरोग्यसेवेच्या प्रसारासाठी कटिबद्ध आहे आणि आयुष क्षेत्रासोबत मिळून समग्र आरोग्य पद्धतींना प्रोत्साहन देत आहे. ‘होलिस्टिक हीलिंग’ मोहिमेद्वारे आम्ही संवाद, ज्ञानविनिमय आणि समुदाय सहभागासाठी अर्थपूर्ण व्यासपीठ तयार करत आहोत. विद्यार्थी, आरोग्य तज्ञ, धोरणकर्ते आणि समुदाय यांना एकत्र आणून आरोग्याविषयी सहकार्यात्मक दृष्टिकोन निर्माण करणे हा आमचा उद्देश आहे. लोकांना आजार टाळण्यासाठी, जीवनशैलीतील जोखीम कमी करण्यासाठी आणि समग्र आरोग्य स्वीकारण्यासाठी आवश्यक माहिती आणि साधने उपलब्ध करून देणे हे आमचे ध्येय आहे.”

४२.५% भारतीयांचे स्वतःच्या आरोग्याकडे दुर्लक्ष! वेलनेस अहवालाने उघड केले धक्कादायक वास्तव, भविष्यातील आरोग्याच्या चिंता

भारतामध्ये मधुमेह, उच्च रक्तदाब आणि हृदयविकारांसारख्या नॉन-कम्युनिकेबल आजारांमुळे मोठे सार्वजनिक आरोग्य आव्हान निर्माण झाले असून, इंडिया स्टेट-लेव्हल डिसीज बर्डन इनिशिएटिव्हनुसार यामुळे सुमारे ५.८७ दशलक्ष मृत्यू होतात. त्यामुळे प्रतिबंध, लवकर हस्तक्षेप आणि दीर्घकालीन आरोग्यासाठी होलिस्टिक हीलिंग महत्त्वाची ठरते. या पार्श्वभूमीवर हमदर्द लॅबोरेटरीज ‘होलिस्टिक हीलिंग’ अंतर्गत विविध उपक्रम राबवत असून, सोशल मीडियाद्वारे माहितीपूर्ण सामग्री आणि टिप्स शेअर करून एनसीडीसंदर्भात जनजागृती करणार आहे.

पुढील टप्प्यात ही मोहिम दिल्ली, मुंबई, बेंगळुरू, हैदराबाद, चेन्नई, श्रीनगर, लखनऊ, जयपूर, पाटणा, कोलकाता, कॅलिकट यांसह देशातील विविध शहरांमध्ये कार्यक्रमांच्या स्वरूपात राबवली जाणार आहे. यामध्ये प्रॅक्टिशनर आणि अकॅडेमिशियन यांचे ज्ञान आणि कौशल्य वाढवण्यासाठी कंटिन्युइंग मेडिकल एज्युकेशन कार्यक्रम, संशोधनविषयक संवाद आणि पारंपरिक उपचार पद्धतींबाबत जागरूकता वाढवण्यासाठी युनानी आणि आयुष कॉन्क्लेव्ह व समिट्स, तसेच समाजाच्या आरोग्य क्षेत्रात महत्त्वाचे योगदान देणाऱ्यांचा सन्मान करण्यासाठी पुरस्कार आणि गौरव सोहळे आयोजित केले जातील.

याशिवाय, हमदर्द लॅबोरेटरीजची ‘युनानी की कहानी’ ही पुढाकार या अभियानाला पूरक ठरणार आहे. ही पहल विशेषतः तरुण प्रेक्षकांसाठी कथाकथनाच्या माध्यमातून युनानी उपचार पद्धती सादर करते. हमदर्दच्या १२० वर्षांच्या प्रवासानिमित्त आणि डिस्कव्हरी चॅनेलवरील प्रसारणासह या उपक्रमाद्वारे नैसर्गिक आणि प्रतिबंधात्मक आरोग्यसेवेचे महत्त्व अधोरेखित करण्यात येत आहे, तसेच आधुनिक आणि सांस्कृतिक दृष्टिकोनातून जागरूकता वाढवण्याचा प्रयत्न केला जात आहे. याशिवाय, आयुष मंत्रालयाच्या सहकार्याने प्रतिबंधात्मक आरोग्य आणि जीवनशैली व्यवस्थापनाबाबत जनजागृती करण्यासाठी विविध आउटरीच आणि अवेअरनेस उपक्रम राबवले जाणार आहेत.

या उपक्रमांद्वारे हमदर्द लॅबोरेटरीज प्रतिबंधात्मक आरोग्याविषयी जागरूकता वाढवण्याचा, जीवनशैलीशी संबंधित आरोग्य समस्यांवर लक्ष केंद्रित करण्याचा आणि लोकांना अधिक निरोगी व सजग जीवनशैली स्वीकारण्यासाठी प्रेरित करण्याचा प्रयत्न करत आहे. त्याचवेळी, ही मोहिम एकात्मिक आरोग्यसेवेचे महत्त्व अधोरेखित करत असून समग्र दृष्टिकोन व्यक्ती आणि समाजाच्या दीर्घकालीन आरोग्यासाठी सकारात्मक बदल घडवू शकतो, हे दर्शवते.

आंबट पदार्थ खायला आवडतात? मग १० मिनिटांमध्ये झटपट बनवा आंबट तिखट कैरी टोमॅटोची चटणी, भाकरीसोबत लागेल चविष्ट