काश्मिरी खाद्यसंस्कृतीतील लोकप्रिय पदार्थ Mutton Rogan Josh कधी चाखला आहे का? लगेच नोट करा रेसिपी

नॉनव्हेज लव्हर्स असाल तर काही नवीन खाऊन पाहायचे असेल तर यंदा घरी काश्मीरी स्टाईल मटणाची ही नवीन रेसिपी नक्की बनवून खा. याची मसालेदार चव तुम्हाला खूप आवडेल. अनेक हॉटेल्समध्ये हा पदार्थ सर्व्ह केला जातो.

(फोटो सौजन्य: Pinterest)

Follow Us:

Follow Us:

विकेंडचा दिवस, हा दिवस म्हणजे अनेकांच्या सुट्टीचा! विकेंडच्या दिवशी अनेकांच्या घरी टेस्टी आणि मसालेदार नॉनव्हेजचा प्लॅन बनतो. अशात आज आम्ही तुमच्यासाठी काश्मीरची फेमस आणि पारंपरिक डिश मटण रोगन जोशची एक चविष्ट रेसिपी घेऊन आलो आहोत. यामध्ये मटण लाल रंगाच्या मसाल्याच्या करीमध्ये शिजवले जाते. मसाल्यांमध्ये शिजवलेले हे मटण चवीला फार छान आणि लज्जतदार लागते.

जेवणाला तोंडी लावायला घरी बनवा झणझणीत शेंगदाण्याची चटणी; चव अशी की दोन घास जास्तीचे खाल

पारंपरिकपणे ही डिश मेंढ्याच्या मटणापासून बनवली जाते आणि ती तूप, दही व सुगंधी मसाल्यांमध्ये शिजवली जाते. भात किंवा नानबरोबर ही रेसिपी फारच चविष्ट लागते. नवनवीन रेसिपीज ट्राय करायला आवडत असतील तर तुम्ही ही रेसिपी एकदा नक्की घरी बनवून पहा. याची चव घरातील सर्वांनाच फार आवडेल. चला तर मग नोट करूयात यासाठी लागणारे साहित्य आणि कृती.

साहित्य

• मटण – ५०० ग्रॅम (हाडासकट)
• कांदे – २ मध्यम (बारीक चिरलेले)
• दही – १ कप (फेटून)
• आलं-लसूण पेस्ट – २ टेबलस्पून
• हिंग – १ चिमूट
• लाल तिखट (कश्मिरी मिरची) – २ टेबलस्पून
• हळद – ½ टीस्पून
• धणे पूड – १ टीस्पून
• गरम मसाला – ½ टीस्पून
• दालचिनी – १ तुकडा
• तमालपत्र – १
• जावित्री – १ लहान तुकडा (ऐच्छिक)
• दही मटनसाठी – थोडे पाणी
• मीठ – चवीनुसार
• तेल किंवा तूप – ३ टेबलस्पून

कृती

• मटण रोगन जोश बनवण्यासाठी सर्वप्रथम कढईत किंवा प्रेशर कुकरमध्ये तेल/तूप गरम करून त्यात दालचिनी, तमालपत्र, आणि हिंग टाका.
• त्यात चिरलेला कांदा घालून तो सोनेरी होईपर्यंत परतवा.
• आलं-लसूण पेस्ट घालून २-३ मिनिटे परतवा.
• नंतर मटण घालून मध्यम आचेवर ८-१० मिनिटे परतत ठेवा, जोपर्यंत मटण रंग बदलत नाही.
• आता हळद, धणे पूड, लाल तिखट आणि मीठ घालून नीट मिसळा.
• फेटलेले दही थोडे थोडे घालून मिश्रणात नीट मिसळा. दही फाटू नये म्हणून आच मंद ठेवा.
• १ कप पाणी घालून झाकण लावून मटण शिजू द्या. (प्रेशर कुकरमध्ये ३-४ शिट्ट्या किंवा पातेल्यात ४५-५० मिनिटं झाकण ठेवून मंद आचेवर)
• शेवटी गरम मसाला आणि जावित्री पूड टाका. अजून ५ मिनिटं शिजवून गॅस बंद करा.
• गरमागरम मटण रोगन जोश भात, जीरा राईस किंवा नानसह सर्व्ह करा. त्याच्या रंग, सुगंध आणि समृद्ध चवमुळे ही
• रेसिपी खास प्रसंगी अतिशय उत्तम पर्याय ठरते.
• ही रेसिपी जास्त तेलकट न वाटण्यासाठी तुपाचे प्रमाण कमी करता येते. तसेच, झणझणीत चव हवी असल्यास गरम मसाल्याचे प्रमाण वाढवू शकता.

Web Title: Have you ever tasted mutton rogan josh a popular dish in kashmiri cuisine note down the recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com