जेवणाला तोंडी लावायला घरी बनवा झणझणीत शेंगदाण्याची चटणी; चव अशी की दोन घास जास्तीचे खाल

Peanut Chutney: अनेक पोषकत्त्वांनी भरपूर शेंगदाण्याची चटणी जेवणाची चव आणखीन द्विगुणित करते. झणझणीत शेंगदाण्याची चटणी घरी कशी तयार करायची ते जाणून घ्या. याची रेसिपी फार सोपी आणि झटपट आहे.

(फोटो सौजन्य: Pinterest)

Follow Us:

Follow Us:

आपल्या भारतीय खाद्यसंस्कृतीत जेवणाची चव वाढवण्यासाठी अनेक पदार्थ जसे की, लोणचं, पापड, चटण्या यांचे सेवन केले जाते. आवडीची भाजी नसली तरी या पदार्थांनी जेवणाची मजा आणखीनच द्विगुणित होते. अनेकदा एकच भाजी असली किंवा नावडती भाजी असली की जेवणासोबत झणझणीत चटण्या सर्व्ह केल्या जातात. चटण्या या अनेक प्रकारच्या बनवता येतात आणि अनेक दिवस साठवूनही ठेवल्या जातात.

विकेंड स्पेशल घरी काहीतरी चमचमीत होऊन जाऊद्यात; एकदा नक्की बनवून पहा मसालेदार Chicken Tikka Biryani

त्यातच आता आज आपण घरी गावरान स्टाईल तिखट शेंगदाण्याची चटणी कशी तयार करायची याची एक चविष्ट आणि सोपी रेसिपी जाणून घेणार आहोत. भाकरी, वरण-भात किंवा पोळीसोबत ही चटणी चवीला फार छान लागते. शिवाय शेंगदाण्यात पाैष्टीक मूल्य अधिक असल्याने ही चटणी आरोग्यासाठीही फायदेशीर ठरते. वजन कमी करण्यास, रक्तातील साखर नियंत्रित ठेवण्यास आणि हृदयविकारांचा धोका कमी करण्यास शेंगदाण्याची मदत होते. चला जाणून घेऊया शेंगदाण्याची चटणी तयार करण्यासाठी लागणारे साहित्य आणि कृती.

साहित्य

• भाजलेले शेंगदाणे – 1 कप
• लसूण पाकळ्या – 4 ते 5
• लाल सुक्या मिरच्या – 4 ते 5 (चवीनुसार)
• मीठ – चवीनुसार
• जिरे – ½ टीस्पून
• हिंग – एक चिमूट

इंडो-चायनीज पदार्थ खायला फार आवडतात? मग घरी बनवून पहा हॉटेल स्टाईल Paneer Chili Dry

कृती

• शेंगदाण्याची चटणी बनवण्यासाठी सर्वप्रथम शेंगदाणे गॅसवर मध्यम आचेवर खरपूस भाजून घ्या
• यानंतर हलक्याश्या तेलात लाल सुक्या मिरच्या आणि लसूण परतून घ्या
• आता मिक्सरमध्ये भाजलेले शेंगदाणे, परतलेली मिरची-लसूण, जिरे, हिंग आणि मीठ घाला
• मिक्सरमध्ये सर्व साहित्य बारीक वाटून घ्या
• अशाप्रकारे तुमची शेंगदाण्याची चटणी तयार आहे
• तयार चटणीला एका हवाबंद डब्यात साठवून ठेवा आणि हवं तेव्हा याचा आस्वाद घ्या
• ही चटणी कोरडी असल्यामुळे प्रवासात नेण्यासाठीसुद्धा योग्य आहे

Web Title: Make spicy and tasty storable dry peanut chutney recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com