नावडती भाजीही होईल आवडीची; एकदा बनवून तर पहा भरलेली भेंडी

भेंडीची भाजी अनेकांना खायला आवडत नाही अशात तुम्ही यापासून चवदार आणि खमंग अशी भरलेली भेंडी तयार करू शकता. याची खमंग आणि मसालेदार चव तुमच्या जेवणाची चव द्विगुणित करेल.

भेंडीमध्ये फायबर, व्हिटॅमिन सी, व्हिटॅमिन के, आणि अँटीऑक्सिडंट्स भरपूर प्रमाणात असतात ज्यामुळे याचे सेवन आरोग्यासाठी फायद्याचे ठरते. अनेकांना भेंडीची भाजी फारशी आवडत नाही अशात आम्ही तुमच्यासाठी भरलेल्या भेंडीची एक चविष्ट रेसिपी घेऊन आलो आहोत जी तुम्हाला नक्की आवडेल. मसालेदार सारण टाकून बनवलेली ही भेंडी चवीला फार अप्रतिम लागतात.

एकादशी स्पेशल नाश्ता! उपवासाच्या दिवशी सकाळच्या नाश्त्यासाठी बनवा कुरकुरीत जाळीदार उपवासाचे आप्पे

भेंडीला अनेक प्रकारांनी बनवता येते, पण भरलेली भेंडी ही खास मराठी चव असलेली पारंपरिक रेसिपी आहे. भरलेल्या भेंडीमध्ये खास मसाला वापरून ती छान खमंग व चविष्ट बनते. ही भाजी पोळी, पराठा किंवा भातासोबत सर्व्ह करता येते. पावसाळ्यात भेंडी बाजारात मोठ्या प्रमाणात येतात अशात तुम्ही ही रेसिपी एकदा नक्की बनवा आणि तुमच्या कुटुंबासह याचा आस्वाद घ्या. चला नोट करूयात यासाठी लागणारे यासाठी लागणारे साहित्य आणि कृती.

साहित्य

• भेंडी – २५ ते ३० मध्यम आकाराच्या
• तेल – ३ टेबलस्पून
• मोहरी – ½ टीस्पून
• हळद – ¼ टीस्पून
• हिंग – १ चिमूट

भरायचा मसाला:

• शेंगदाण्याचं कूट – ३ टेबलस्पून
• सुकं खोबरं – २ टेबलस्पून
• लाल तिखट – १ टीस्पून
• धणे पूड – १ टीस्पून
• जिरे पूड – ½ टीस्पून
• आमचूर पावडर / कोकम पूड – ½ टीस्पून
• गूळ – १ टीस्पून (ऐच्छिक)
• मीठ – चवीनुसार
• थोडंसं पाणी (मिश्रण ओलसर करण्यासाठी)

पावसाळा संपायच्या आत घरी एकदा नक्की बनवा Tandoori Corn; थंड वातावरणात घ्या गरमा गरम अन् मसालेदार चवीचा आस्वाद

कृती

• भरलेली भेंडी बनवण्यासाठी सर्वप्रथम भेंडी धुऊन कोरडी करून घ्या. प्रत्येक भेंडीला मधोमध चिरा करा, पण पूर्ण कापू नका.
• एका बाऊलमध्ये शेंगदाण्याचं कूट, खोबरं, लाल तिखट, धणे पूड, जिरे पूड, आमचूर पूड, गूळ व मीठ एकत्र करून थोडंसं पाणी घालून ओलसर मिश्रण तयार करा.
• तयार मसाला प्रत्येक चिरलेल्या भेंडीत भरून ठेवा.
• कढईत तेल गरम करून मोहरी घाला. फूटल्यावर हळद व हिंग घाला.
• त्यात भरलेली भेंडी हळूहळू घालून झाकण ठेवून मध्यम आचेवर शिजवा. मध्ये मध्ये हलक्या हाताने हलवा.
• भेंडी सुमारे १५-२० मिनिटं झाकून परतत शिजवा, भेंडी मऊसर व खमंग होईपर्यंत तिला शिजवत ठेवा आणि मग गॅस बंद करा
• गरम गरम भरलेली भेंडी पोळी किंवा पराठ्यासोबत सर्व्ह करा.
• अधिक खमंगपणासाठी शेंगदाण्याचं कूट थोडंसं भाजून घ्या.
• गूळ व आमचूर यांचा समतोल ठेवा म्हणजे चव जबरदस्त येते.