तुम्ही कधी Paneer Shawarma खाल्ला आहे का? मऊ ब्रेडमध्ये रोल केलेले स्मोकी आणि झणझणीत पनीर खाल तर फॅन व्हाल

शाॅवर्मा हे एक लोकप्रिय स्ट्रीट फूड आहे, जे चिकन, भाज्या आणि साॅसला रोलमध्ये गुंडाळून तयार केले जाते. मात्र तुम्हाला माहिती आहे का? तुम्ही हा शाॅवर्मा पनीरपासूनही तयार करु शकतो. चला जाणून घेऊया याची एक सोपी रेसिपी.

शॉवर्मा ही एक लोकप्रिय मिडल ईस्ट डिश असून ती भारतात देखील खूपच लोकप्रिय झाली आहे. वास्तविक हा पदार्थ चिकनपासून तयार केला जातो मात्र आज आम्ही तुमच्यासाठी याचे एक व्हेज व्हर्जन म्हणजेच पनीर शॉवर्माची एक स्वादिष्ट रेसिपी घेऊन आलो आहोत. गरमागरम पनीर मसाल्याने माखलेले, भाजलेले आणि सॉस, कोशिंबीरसह रोलमध्ये गुंडाळलेला हा शॉवर्मा काय भारीच लागतो!

भाजी काय बनवावी सुचत नाही? ५ मिनिटांमध्ये झटपट बनवा चमचमीत कांद्याची चटणी, नोट करा रेसिपी

तुम्ही पनीर लव्हर्स असाल तर तुम्हाला ही रेसिपी नक्कीच खूप आवडेल. व्हेज खाद्यपदार्थांमध्ये पनीर हा सर्वांच्या आवडीचा आहे. हा फक्त चावीलाच चांगला नाही तर आरोग्यासाठीही तितकाच फायदेशीर आहे. यात प्रथिने, कॅल्शियम आणि इतर पोषक तत्वांचा समृद्ध स्रोत असल्याने, पनीर हाडांसाठी, स्नायूंच्या वाढीसाठी आणि शरीराच्या इतर कार्यांसाठी खूप महत्वाचे आहे. अनेकांना असे वाटते की शॉवर्मा हा चिकनपासूनच तयार केला जातो मात्र असे नाही आम्ही तुम्हाला सांगतो की, तुम्ही हा पदार्थ पनीरपासूनही तयार करु शकता. चला तर मग यासाठी लागणारे साहित्य आणि कृती जाणून घेऊया.

साहित्य:

(पनीर मॅरिनेशनसाठी)

• पनीर – २०० ग्रॅम (जाडसट तुकडे)
• दही – ½ कप
• आलं-लसूण पेस्ट – १ टेबलस्पून
• तिखट – १ टीस्पून
• हळद – ¼ टीस्पून
• गरम मसाला – ½ टीस्पून
• धने पूड – ½ टीस्पून
• जिरे पूड – ½ टीस्पून
• मीठ – चवीनुसार
• लिंबाचा रस – १ टीस्पून
• तेल – १ टेबलस्पून

(शॉवर्मा सॉससाठी)

• मेयोनीज – ¼ कप
• दही – 2 टेबलस्पून
• लसूण पेस्ट – ½ टीस्पून
• काळी मिरी पूड – ¼ टीस्पून
• मीठ – चवीनुसार

(शॉवर्मा बनवण्यासाठी)

• पिटा ब्रेड / रूमाली रोटी / पराठा – २ ते ३
• चिरलेला कोबी व गाजर – ½ कप
• कांदा काप – ½ कप
• टोमॅटो स्लाइस (ऐच्छिक)
• थोडं बटर किंवा तेल

पावसाच्या वातावरणात मॅगी नूडल्सची मजाच न्यारी! यंदा घरी बनवून पहा चवीने भरपूर Garlic Maggie

कृती:

• पनीर शाॅवर्मा बनवण्यासाठी सर्वप्रथम एका बाऊलमध्ये दही, आलं-लसूण पेस्ट, हळद, तिखट, मसाले, मीठ,
• लिंबाचा रस आणि तेल घालून चांगलं मिसळा. त्यात पनीरचे तुकडे घालून ३० मिनिटे मॅरिनेट करा.
• एका पॅनमध्ये थोडं तेल गरम करून मॅरिनेट केलेले पनीर मध्यम आचेवर सोनेरी रंग येईपर्यंत भाजून घ्या.
• एका बाऊलमध्ये मेयोनीज, दही, लसूण पेस्ट, काळी मिरी पूड आणि मीठ घालून मिक्स करा. सॉस तयार.
• पिटा ब्रेड किंवा रूमाली रोटीला थोडं बटर लावून तव्यावर हलकं गरम करा.
• पिटा ब्रेडवर सॉस पसरवा. त्यावर भाजलेलं पनीर, कांदा, कोबी, गाजर आणि टोमॅटो ठेवा. पुन्हा थोडं सॉस टाका.
• ब्रेड व्यवस्थित गुंडाळून रोल तयार करा आणि गरम गरम पनीर शॉवर्मा सर्व्ह करा.
• सॉसमध्ये थोडं चिली फ्लेक्स किंवा मस्टर्ड सॉस घालून वेगळी चव आणू शकता.
• पनीर शॉवर्मा ही झटपट आणि स्वादिष्ट डिश पार्टीसाठी, संध्याकाळी स्नॅक्ससाठी किंवा हलक्याफुलक्या जेवणासाठी एकदम परफेक्ट आहे